ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມີນັກທ່ອງທ່ຽວ ເດີນທາງມາທ່ອງທ່ຽວ ນະຄອນຫຼວງວຽງຈັນ ເພີ່ມຂຶ້ນ ຫລາຍກວ່າ 30%


ພິທີເປີດປີທ່ອງທ່ຽວລາວ 2012 ທີ່ຈັດຂຶ້ນໃນນະຄອນວຽງຈັນໃນທ້າຍເດືອນ ທັນວາ 2011 ທີ່ຜ່ານມານີ້
ພິທີເປີດປີທ່ອງທ່ຽວລາວ 2012 ທີ່ຈັດຂຶ້ນໃນນະຄອນວຽງຈັນໃນທ້າຍເດືອນ ທັນວາ 2011 ທີ່ຜ່ານມານີ້

ນັກທ່ອງທ່ຽວຊາວຕ່າງຊາດຈໍານວນກວ່າລ້ານຄົນ ເດີນທາງມາທ່ອງທ່ຽວໃນນະຄອນ ຫຼວງວຽງຈັນໃນຕະຫຼອດປີ 2011 ທີ່ຜ່ານມາໂດຍເພີ່ມຂຶ້ນຈາກປິ 2010 ໃນອັດຕາສະເລ່ຍ ທີ່ສູງກວ່າ 30%.

ທ່ານ ສຸກັນ ມະຫາລາດ ເຈົ້າຄອງນະຄອນຫຼວງວຽງຈັນ ຖະແຫຼງຢືນຢັນໃນໂອກາດ
ສະຫຼອງວັນຂຶ້ນປິໃໝ່ສາກົນໃນຄືນວັນທີ 31 ທັນວາ 2011 ຕໍ່ເນື່ອງເຖິງຕອນເຊົ້າ
ຂອງວັນທີ 1 ມັງກອນ 2012 ທີ່ຜ່ານມາວ່າ ທຸລະກິດບໍລິການ ແລະທ່ອງທ່ຽວໃນ
ເຂດນະຄອນຫຼວງວຽງຈັນ ຍັງຄົງມີທ່າອ່ຽງຂະຫຍາຍຕົວ ເພີ່ມຂຶ້ນຢ່າງຕໍ່ເນື່ອງ ໂດຍຈະເຫັນໄດ້ຈາກໃນຕະຫຼອດປີ 2011 ທີ່ຜ່ານມາປະກົດວ່າ ມີນັກທ່ອງທ່ຽວຕ່າງ
ປະເທດຫຼາຍກວ່າ 1,164,743 ຄົນທີ່ໄດ້ເດີນທາງເຂົ້າມາທ່ອງທ່ຽວໃນເຂດນະຄອນ
ຫຼວງ ຊຶ່ງເພີ່ມຂຶ້ນຈາກປີ 2010 ໃນອັດຕາສະເລ່ຍທີ່ສູງກວ່າ 30%.

ຍິ່ງໄປກວ່ານັ້ນ ດ້ວຍການຂະຫຍາຍຕົວໃນລະດັບດັ່ງກ່າວນີ້ຍັງເຮັດໃຫ້ເຊື່ອວ່າໃນຕະ
ຫຼອດປີ 2012 ນີ້ຈະມີນັກທ່ອງທ່ຽວຊາວຕ່າງຊາດ ເດີນທາງເຂົ້າມາທ່ອງທ່ຽວໃນເຂດ
ນະຄອນຫຼວງວຽງຈັນຫຼາຍກວ່າ 1.7 ລ້ານຄົນ ຫຼື ຄິດເປັນອັດຕາຂະຫຍາຍຕົວທີ່ເພີ່ມ
ຂຶ້ນຈາກປີ 2011 ເກີນກວ່າ 40% ຊຶ່ງກໍຈະເຮັດໃຫ້ທຸລະກິດພາກບໍລິການ ແລະທ່ອງ
ທ່ຽວ ໃນເຂດນະຄອນຫຼວງວຽງຈັນມີເງິນຕາຕ່າງປະເທດ ໄຫຼເຂົ້າສູ່ລະບົບທຸລະກິດ
ຄິດເປັນມູນຄ່າລວມເຖິງ 165 ລ້ານໂດລາ ເນື່ອງຈາກວ່າໃນຕະຫຼອດປີ 2012 ນີ້ເປັນ
ປີການທ່ອງທ່ຽວລາວ ຫຼື Visit Lao Year ນັ້ນເອງ.

ພິທີສະຫລອງປີໃໝ່ 2012 ໃນສະຖານທີ່ແຫ່ງນຶ່ງ ໃນນະຄອນວຽງຈັນ
ພິທີສະຫລອງປີໃໝ່ 2012 ໃນສະຖານທີ່ແຫ່ງນຶ່ງ ໃນນະຄອນວຽງຈັນ

ສ່ວນກ່ຽວກັບການກຽມ
ຄວາມພ້ອມໃນດ້ານຕ່າງໆ
ເພື່ອຮອງຮັບປິການທ່ອງທ່ຽວ
ລາວດັ່ງກ່າວນີ້ ທ່ານຄໍາປະດິດ
ເຂັມມານິດ ຫົວໜ້າພະແນກ
ການທ່ອງທ່ຽວນະຄອນຫຼວງ
ວຽງຈັນກໍໄດ້ໃຫ້ການຊີ້ແຈງວ່າ:

ພຶ້ນຖານຮອງຮັບພວກເຮົາກໍໄດ້ເອົາໃຈໃສ່ໃນການພັດທະນາໂຄງການຕ່າງໆ
ຕິດພັນກັບທິດນໍາ ຂອງການນໍາ
ນະຄອນຫຼວງວຽງຈັນໃນການປະຕິບັດນະໂຍ
ບາຍ 6 ສ. ກໍຄືການສ້າງພຶ້ນຖານໂຄງລ່າງຂອງຕົວເມືອງ
ຫັ້ ເພື່ອໃຫ້ສະຖານ
ທີ່ຕ່າງໆຫັ່ນ ໄດ້ກາຍເປັນທີ່ຮອງຮັບ ແລະຮັບໃຊ້ບໍລິການຂອງສັງຄົມກໍຄືນັກ ທ່ອງທ່ຽວບໍ່ວ່າຈະເປັນຮ້ານຄ້າ, ຮ້ານຂາຍກໍຄືສະຖານທີ່ພັກຜ່ອນ
ແບບສາທາ
ລະນະ ໃຫ້ມີຫຼາຍບ່ອນເພີ່ມຂຶ້ນ.

ທາງດ້ານ ທ່ານ ສາລີ ພິມພິນິດ ຫົວນ້າສໍານັກງານສົ່ງເສີມການຕະຫຼາດຂອງອົງ
ການທ່ອງທ່ຽວແຫ່ງຊາດລາວ ກໍໄດ້ໃຫ້ການຢືນຢັນວ່າລັດຖະບານລາວໄດ້ອະນຸ
ມັດງົບປະມານໃນມູນຄ່າ 6 ຕື້ກີບສໍານໍາໃຊ້ການໂຄສະນາປະຊາສໍາພັນປີການທ່ອງ
ທ່ຽວລາວ 2012 ໃຫ້ເປັນທີ່ຮັບຮູ້ຢ່າງກວ້າງຂວາງທັງພາຍໃນປະເທດ ແລະຕ່າງປະ
ເທດຊຶ່ງຖືວ່າເປັນງົບປະມານ ທີ່ໄດ້ຮັບຕໍ່າກວ່າຄວາມຕ້ອງການຕົວຈິງກໍຄືບໍ່ໜ້ອຍ
ກວ່າ 10 ຕື້ກີບ.

ເຄື່ອງໝາຍປີທ່ອງທ່ຽວລາວ 2012
ເຄື່ອງໝາຍປີທ່ອງທ່ຽວລາວ 2012

ແຕ່ຢ່າງໃດກໍຕາມ ກະຊວງ
ຖະແຫຼງຂ່າວ ວັດທະນະທໍາ
ແລະທ່ອງທ່ຽວຂອງລາວ ກໍ
ໄດ້ຕັ້ງເປົ້າໝາຍທີ່ຈະດຶງດູດ
ເອົານັກທ່ອງທ່ຽວຕ່າງປະ
ເທດເພື່ອໃຫ້ພາກັນເດີນທາງ
ເຂົ້າມາທ່ອງທ່ຽວໃນລາວໃຫ້
ໄດ້ບໍ່ໜ້ອຍກວ່າ 2.6 ລ້ານ
ຄົນໃນຕະຫຼອດປີ 2012 ນີ້
ໂດຍໄດ້ມີການດໍາເນີນງານເພື່ອກຽມຄວາມພ້ອມທັງໃນດ້ານໂຮງແຮມ, ຮ້ານອາຫານ,
ສະຖານທີ່ທ່ອງທ່ຽວ ແລະການບໍລິການຕ່າງໆສໍາລັບຮອງຮັບ ປີທ່ອງທ່ຽວລາວໃຫ້ໄດ້
ຢ່າງມີປະສິດທິພາບ ແລະໃຫ້ເປັນທີ່ປະທັບໃຈຂອງນັກທ່ອງທ່ຽວຕ່າງປະເທດອີກດ້ວຍ.

ໃນປະຈຸບັນ ນີ້ທົ່ວປະເທດລາວມີໂຮງແຮມ 357 ແຫ່ງ, ບ້ານພັກ 1,127 ແຫ່ງ, ຮ້ານ
ອາຫານ 1,246 ແຫ່ງ ແລະສະຖານທີ່ທ່ອງທ່ຽວທໍາມະຊາດ ແລະວັດທະນະທໍາ
1,493 ແຫ່ງ ຫາກແຕ່ວ່າໃນຈໍານວນນີ້ມີພຽງ 465 ແຫ່ງເທົ່ານັ້ນ ທີ່ໄດ້ຮັບການພັດ ທະນາໃຫ້ສາມາດຮອງຮັບນັກທ່ອງທ່ຽວໄດ້ແລ້ວ ສ່ວນໂຮງແຮມ, ບ້ານພັກໃນທົ່ວປະ ເທດນັ້ນກໍສາມາດຮອງຮັບນັກທ່ອງທ່ຽວໄດ້ທັງໝົດເກືອບ 40,000 ຄົນຕໍ່ຄືນ.

ນອກຈາກນັ້ນ ຖ້າຫາກວ່າໂຄງການກໍ່ສ້າງທາງລົດໄຟຄວາມໄວສູງລະຫວ່າງຈີນກັບ
ລາວແລ້ວ ສໍາເລັດຕາມແຜນການທີ່ວາງໄວ້ພາຍໃນປິ 2015 ກໍຍັງຈະສົ່ງຜົນດີຕໍ່ການ
ພັດທະນາການທ່ອງທ່ຽວໃນລາວອີກດ້ວຍ.

XS
SM
MD
LG