ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ຄວາມທຸກຍາກຂອງຊາວການາດາ ຊື່ ໄມໂກລ ສອງຄົນ ໄດ້ເຜີຍແບ 'ຄວາມບໍ່ດີອີກຟາກນຶ່ງຂອງຈີນ'


ພວກເຈົ້າໜ້າທີ່ຮັກສາຄວາມປອດໄພ ຢືນລຽນແຖວ ຢູ່ໃກ້ຕຶກອາຄານຂອງສານໃນເມືອງດານດົງ ໃນແຂວງຫລຽວນິງ ທາງພາກຕາເວັນອອກສຽງເໜືອ ຂອງຈີນ, ວັນທີ 19 ມີນາ 2021.
ພວກເຈົ້າໜ້າທີ່ຮັກສາຄວາມປອດໄພ ຢືນລຽນແຖວ ຢູ່ໃກ້ຕຶກອາຄານຂອງສານໃນເມືອງດານດົງ ໃນແຂວງຫລຽວນິງ ທາງພາກຕາເວັນອອກສຽງເໜືອ ຂອງຈີນ, ວັນທີ 19 ມີນາ 2021.

ການພິຈາລະນາຄະດີໄດ້ຖືກດຳເນີນໄປແບບປິດລັບ ສຳລັບຊາວການາດາສອງຄົນທີ່ໄດ້ຖືກຄຸມຂັງມາຫຼາຍກວ່າ 2 ປີ ຢູ່ໃນຈີນນັ້ນ ແມ່ນໄດ້ສິ້ນສຸດແລ້ວ ໂດຍຄຳຕັດສິນ ຈະຖືກປະກາດອອກມາ “ໃນເວລາທີ່ໄດ້ເລືອກໄວ້” ອີງຕາມຖະແຫຼງ ການທີ່ເປັນທາງການຂອງຈີນ.

ທ້າວໄມໂກລ ສປາວອຣ ແລະທ້າວໄມໂກລ ໂຄວ໌ຣິກ ໄດ້ຖືກຄວບຄຸມໂຕໃນເດືອນທັນວາ ປີ 2018 ໃນອັນທີ່ປາກົດວ່າ ເປັນການຕອບໂຕ້ຄືນຕໍ່ການຈັບກຸມທ່ານນາງ ເມິງ ວານຊູ ຜູ້ບໍລິຫານຂອງບໍລິສັດຮົວເຫວີຍຢູ່ໃນນະຄອນແວນຄູເວີ ຂອງການາດາ ຜູ້ທີ່ກຳລັງຕໍ່ສູ້ກັບການຂໍຮ້ອງໃຫ້ສົ່ງຜູ້ກ່ຽວໄປໃຫ້ສະຫະລັດ.

ຊະຕາກຳຂອງ “ທັງສອງໄມໂກລ” ໃນຖານະເປັນນັກໂທດນັ້ນ ກໍໄດ້ຮັບຮູ້ແລ້ວ ຊຶ່ງໄດ້ເຮັດໃຫ້ການາດາເຂົ້າໃຈວ່າ ຈີນແມ່ນຫຍັງແລະບໍ່ແມ່ນຫຍັງ ຊຶ່ງອະດີດເອກອັກຄະລັດຖະທູດຄົນນຶ່ງຂອງນະຄອນອອຕຕາວາ ປະຈຳປັກກິ່ງ ແລະເປັນອະດີດເຈົ້າໜ້າທີ່ປະຕິບັດກົດໝາຍຜູ້ອະວຸໂສ ໄດ້ກ່າວຕໍ່ວີໂອເອ.

ການພິຈາລະນາຄະດີ ສຳລັບທ້າວໄມໂກລ ສປາວອຣ ໄດ້ມີຂຶ້ນເມື່ອວັນສຸກແລ້ວນີ້ຢູ່ໃນເມືອງດານດົງທາງພາກຕາເວັນອອກສຽງເໜືອຂອງປະເທດ. ພຽງຂ່າວດຽວທີ່ທາງການຂອງຈີນໄດ້ເປີດເຜີຍ ກໍແມ່ນວ່າ ການພິຈາລະນາຄະດີ ໄດ້ເກີດຂຶ້ນແລະວ່າ ຄຳຕັດສິນແມ່ນຍັງລໍຖ້າຢູ່.

ສ່ວນການພິຈາລະນາຄະດີຂອງທ້າວໄມໂກລ ໂຄວຣິກ ໄດ້ເກີດຂຶ້ນໃນວັນຈັນຜ່ານມາຢູ່ໃນນະຄອນຫຼວງປັກກິ່ງ ແຕ່ບໍ່ມີຜູ້ໃດຮູ້ເລີຍວ່າ “ທ່ານໂຄວຣິກ ໄດ້ຖືກນຳມາສານແນວໃດແລະເວລາໃດ ຫຼັກຖານຫຍັງໄດ້ຖືກນຳມາອ້າງຕໍ່ລາວ ແລະລາວມີໂອກາດທີ່ຈະກ່າວປ້ອງກັນໂຕເອງໄດ້ບໍ່” ນັ້ນແມ່ນລາຍງານຂອງນັກຂ່າວ Globe and Mail ຂອງການາດາ ປະຈຳປັກກິ່ງ.

[[ https://www.theglobeandmail.com/world/article-closed-door-trial-for-michael-kovrig-concludes-with-verdict-to-come-at/ ]].

[[https://twitter.com/nvanderklippe/status/1373812674614734848?s=20]]

“ໃນແງ່ຂອງສາຍສໍາພັນຂອງການາດາກັບຈີນໃນອະນາຄົດ ຂ້າພະເຈົ້າຄິດວ່າ ມັນຈະກັບຄືນສູ່ສະພາບປົກກະຕິ ມັນຈະເປັນແບບແນວທາງທີ່ເລືອກຈະປະຕິ ບັດຫຼາຍກວ່າ ບັດນີ້ພວກເຮົາໄດ້ເຫັນເບື້ອງທີ່ບໍ່ດີຂອງຈີນ” ນັ້ນແມ່ນຄຳເວົ້າຂອງທ່ານກາຍ ຊັງ-ຊາກ ເອກອັກຄະລັດຖະທູດຂອງການາດາ ປະຈຳປັກກິ່ງ ຈາກປີ 2012 ຫາ 2016 ທີ່ໄດ້ກ່າວໄປໃນການສຳພາດທາງໂທລະສັບ.

ທ່ານກ່າວຕື່ມວ່າ “ພວກເຮົາໄດ້ຮຽນຮູ້ຫຼາຍຢ່າງໃນສອງປີທີ່ຜ່ານມາກ່ຽວກັບ ແມ່ນຍັງແທ້ ທີ່ເກີດຂຶ້ນຢູ່ໃນຈີນ. ມັນໄດ້ກາຍເປັນເລື້ອງທີ່ເປັນໄປບໍ່ໄດ້ເລີຍສຳລັບບັນດາປະເທດຕາເວັນຕົກ ທີ່ຈະສືບຕໍ່ໃຫ້ຄວາມເຊື່ອຖືແກ່ຈີນ.”

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG