ທະນາຍຄວາມຂອງນາຍ George Zimmerman ຜູ້ຕ້ອງສົງໄສຍິງສັງຫານທີ່ລັດຟລໍຣິ
ດາກ່າວວ່າ ລູກຄວາມຂອງລາວຈະຮ້ອງຮຽນຕໍ່ສານວ່າບໍ່ມີ ຄວາມຜິດຕໍ່ຂໍ້ຫາເປັນຄາດ
ຕະກອນໂດຍເຈດຕະນາ ແຕ່ບໍ່ໄດ້ມີການວາງແຜນລ່ວງໜ້າຫຼື second-degree mur-
der ນັ້ນ.
ຄາດວ່າ ນາຍ Zimmerman ຈະໄປປະກົດຕົວຕໍ່ໜ້າສານໃນວັນພະຫັດມື້ນີ້ ສໍາລັບພິຈາ
ລະນາກ່ຽວກັບການປະກັນໂຕ.
ເມື່ອວັນພຸດວານນີ້ ທ່ານນາງ Angela Corey ໄອຍະການພິເສດຂອງລັດຟລໍຣິດາ ໄດ້
ຕັ້ງຂໍ້ຫາຕໍ່ນາຍ Zimmerman ຊາຍຜິວຂາວເຊື້ອສາຍ Hispanic ໃນການຍິງສັງຫານ
ທ້າວ Trayvon Martin ຊາວອາເມຣິກັນເຊື້ອສາຍອາຟຣິການັ້ນ.
ໄອຍະການ Angela Corey ບໍ່ໄດ້ໃຫ້ລາຍລະອຽດໃດໆກ່ຽວກັບຫລັກຖານທີ່ນໍາໄປສູ່
ການຕັ້ງຂໍ້ຫາໃນການຍິງສັງຫານ ເມື່ອວັນທີ່ 26 ເດືອນກຸມພາຜ່ານມາ ແຕ່ກໍກ່າວວ່າໄດ້
ມີການສືບສວນສອບສວນໂດຍລະອຽດກັນແລ້ວ. ໄອຍະການ Corey ກ່າວອີກວ່າສານ
ຟລໍຣິດາ ບໍ່ດໍາເນີນຄະດີໃຜກໍຕາມໂດຍຄວາມກົດດັນຂອງມະຫາຊົນ ແຕ່ຈາກຄວາມເປັນ
ຈິງແລະກົດໝາຍ.
ຕໍາຫລວດບໍ່ໄດ້ຈັບກຸມນາຍ Zimmerman ອາສາສະໝັກຍາມຄຸ້ມໃຫ້ເຂດບ້ານເຮືອນໃກ້
ເຮືອນຄຽງ ຫຼັງຈາກລາວຍິງທ້າວ Trayvon Martin ຕາຍແລ້ວ. ນາຍ Zimmerman
ກ່າວວ່າ ລາວໄດ້ຖືກໂຈມຕີໂດຍທ້າວ Martin ກ່ອນ ແລະໄດ້ຍິງຜູ້ກ່ຽວເພື່ອປ້ອງກັນຕົວ.
ຄອບຄົວຂອງທ້າວ Martin ກ່າວວ່າ ທ້າວ Martin ບໍ່ມີອາວຸດ ແລະໄດ້ມີການປະເຊີນ
ໜ້າກັນຍ້ອນຜິວພັນຂອງຜູ້ກ່ຽວຫຼາຍກວ່າ ຄືຊາຍໜຸ່ມຜິວດໍານີ້ແມ່ນກໍາລັງຍ່າງໄປຄົນດຽວ
ໃນຍາມກາງຄືນ ໂດຍທາງຄອບຄົວຂອງລາວ ໄດ້ທວງໃຫ້ດໍາເນີນຄະດີ ນາຍ Zimmer-
man.
ເບິ່ງວີດີໂອກ່ຽວກັບການຈັດຕັ້ງ ການຍາມຄຸ້ມບ້ານເຮືອນ