ລິ້ງ ສຳຫລັບເຂົ້າຫາ

ວັນອາທິດ, ໒໕ ກຸມພາ ໒໐໒໔

ຜູ້ສະໝັກ ປະທານາທິບໍດີ ຕ່າງກໍເພັ່ງເລັງ ການໂຄສະນາ ໃສ່ລັດ Florida ກ່ອນເລືອກຕັ້ງ


ບັນດາຜຸ້ສະໜັບສະໜູນປະທານາທິບໍດີພັກຣິພັລລິກັນ ທ່ານ Donald Trump ຮ້ອງໂຮໃສ່ພວກນັກຂ່າວ ລະຫວ່າງການ ໂຄສະນາຫາສຽງທີ່ເມືອງ Tampa ລັດ Florida.
ບັນດາຜຸ້ສະໜັບສະໜູນປະທານາທິບໍດີພັກຣິພັລລິກັນ ທ່ານ Donald Trump ຮ້ອງໂຮໃສ່ພວກນັກຂ່າວ ລະຫວ່າງການ ໂຄສະນາຫາສຽງທີ່ເມືອງ Tampa ລັດ Florida.

ບັນດາ​ຜູ້​ສະໝັກ​ເປັນປະທາ​ນາ​ທິບໍດີ​ສະຫະລັດ ທ່ານ​ນາງ Hillary Clinton ​ແລະ ທ່ານ Donald Trump ຕ່າງ​ກໍ​ໄດ້​ເພັ່ງ​ເລັງ​ ການ​ໂຄສະນາ​ຫາ​ສຽງ ຂອງ​ພວກທ່ານ ​ໃນ​ວັນ​ອັງ ຄານ​ມື້​ນີ້​ໃ​ສ່​ລັດ Florida ຊຶ່ງ​ຈະ​ມີ​ບົດ​ບາດ​ອັນ​ສຳຄັນ​ໃນ​ອີກສອງ​ອາທິດຂ້າງ​ໜ້າ​ເວລາຜູ້ ມີ​ສິດ​ປ່ອນ​ບັດຊາວ​ອາ​ເມຣິກັນສ່ວນ​ໃຫຍ່​ຕັດສິນ​ໃຈ​ວ່າ ຜູ້​ໃດ​ຈະເປັນປະທານາທິບໍດີ​ຂອງປະ​ເທດ​ຄົນ​ຕໍ່​ໄປ.

​ເພື່ອ​ຈະ​ໄດ້​ຮັບ​ຕຳ​ແໜ່​ງປະທານາທິບໍດີ​ນັ້ນ ຜູ້​ສະໝັກຈະ​ຕ້ອງ​ໄດ້​ຮັບ 270 ຄະແນນ​ສຽງ
ຂອງ​ຄະນະ​ຜູ້​ແທນປ່່ອນ​ບັດຈາກ​ລັດ​ຕ່າງໆແລະ​ພາຍ​ໃຕ້​ລະບົບ​ທີ່​ໃຫ້​ຄວາມ​ສຳຄັນ​ຫຼາຍ
ກວ່າຕໍ່​ລັດໃຫຍ່ໆທີ່ມີ​ປະຊາຊົນໜາແໜ້ນກວ່າຄື​ການ​ໄດ້​ຮັບໄຂ​ຊະນະ​ຢູ່​ລັດ Florida ຈະ​ໄດ້ຮັບ 29 ຄະ​ແນນ​ຂອງ​ພວກຜູ້​ແທນ​. ການ​ຢັ່ງ ຫາງສຽງ​ຫວ່າງ​ມໍ່ມາ​ນີ້ ​ສະ​ແດງ​ໃຫ້​ເຫັນ​ວ່າຜູ້​ສະ​ໝັກ​ຂອງພັກ​ເດໂມ​ແຄຣັດທ່ານ​ນາງ Clinton ມີ​ຄະ​ແນນນຳ​ໜ້າ​ຄູ່​ແຂ່ງ​ຂອງ​ທ່ານ​ນາງ ຄື​ທ່ານ Trump ປະ ມານສີ່​ເປີ​ເຊັນ​ໃນ​ລັດ Florida.

ທ່ານ Trump ​ໄດ້​ໂຄສະນາ​ຫາ​ສຽງ​ຢູ່​ໃນ​ລັດ Florida ​ໃນ​ວັນ​ຈັນ​ວານ​ນີ້ ຮວມທັງ​ການຫາ​ສຽງ​ຢູ່​ເມືອງ Tampa ບ່ອນ​ທີ່​ທ່ານ​ໄດ້​ປະກາດ​ວ່າ ບໍ່​ພໍ​ພຽງແຕ່​ວ່າ ​ທ່ານຈະ​ຊະນະ ຢູ່​ລັດ Florida ​ເທົ່າ​ນັ້ນແຕ່​ຍັງ​ຊະນະ​ການ​ເລືອກ​ຕັ້ງ​ໃນ​ທົ່ວ​ປະ​ເທດນຳ​ດ້ວຍ. ທ່ານກ່າວ​ວ່າການ​ເລືອກ​ຕັ້ງ ເປັນ​ໂອກາດ​ທີ່​ບໍ່​ຄ່ອຍ​ມີ​ ໃນ​ສຳລັບ​ປ່ອນ​ບັດ​ຕໍ່ຕ້ານພວກ​ຜູ້​ນຳ​ທາງ​ການ​ເມືອງ​.

ທ່ານ Trump ກ່າວ​ວ່າ “ການ​ໂຄສະນາ​ຫາ​ສຽງ​ຂອງ​ພວກ​ເຮົາ​ສະ​ແດງ​ໃຫ້​ເຫັນ​ເຖິງ​ການ​ປ່ຽນ​ແປງ​ທີ່​ມີ​ໃນ​ຊີວິດ​ນຶ່ງ. ນີ້​ແມ່ນເທື່ອ​ນຶ່ງ​ໃນ​ຊີວິດ. ນີ້ແມ່​ນ​ໂອກາດ​ເທື່ອ​ສຸດ​ທ້າຍ​ຂອງ​ພວກ​ເຮົາ. ​ໃນ​ອີກ​ສີ່ປີ ມັນ​ຈະ​ບໍ່​ເກີດ​ຂຶ້ນ. ທ່ານ​ຕ້ອງ​ອອກ​ໄປ ​ແລະ​ລົງ​ຄະ​ແນນ​ສຽງ.”

ທ່ານຍັງ​ໄດ້​ປະຕິ​ເສດ ຕໍ່ການ​ໂຈມ​ຕີ​ທີ່​ມັກ​ມີ​ຂຶ້ນ​ໂດຍທ່ານ​ນາງ Clinton ທີ່ໄດ້​ຕັ້ງຄຳຖາມ​ກ່ຽວ​ກັບການ​ພົວພັນຂອງ​ທ່ານ Trump ​ກັບຣັດ​ເຊຍ ​ແລະ​ຜູ້ນຳ​ປະ ​ເທດ​ດັ່ງກ່າວ ທ່ານ Vladimir Putin. ທ່ານ​ນາງ Clinton ກ່າວ​ລະຫວ່າງ​ການ​ໂຕ້ວາ​ທີ​ເທື່ອ​ສຸດ​ທ້າຍໃນອາ ທິດ​ແລ້ວ​ນີ້ວ່າ ຜູ້ສະໝັກ​ພັກຣີພັບ​ບລິ​ກັນ “ພໍ ໃຈ​ໃນ​ຄຳ​ເວົ້າ​ຂອງ​ທ່ານ Putin ໂດຍ​ລົງ​ຊື່ໃນ​ບັນຊີ​ປາດ​ຖະໜາ​ຂອງ​ທ່ານ ທັບ​ມ້າງອົງການ NATO ​ເຮັດໃນ​ສິ່ງ​ທີ່​ທ່ານຕ້ອງການ​ຢາກ​ເຮັດ.”

ທ່ານ Trump ກ່າວ​ໃນ​ວັນ​ຈັນ​ວານ​ນີ້​ວ່າ ຄູ່​ແຂ່ງ​ຂອງ​ທ່ານຕິດ​ຕໍ່​ພົວພັນທ່ານ​ກັບຣັດ​ເຊ​ຍ “ຕະຫລອດ​ເວລາ.”

ທ່ານ​ກ່າວ​ວ່າ “​ແລະ​ເຂົາ​ເຈົ້າ​ເວົ້າ​ໃນ​ສິ່ງ​ທີ່​ບໍ່​ດີ​ກ່ຽວ​ກັບ Putin ​ແລະ​ເຂົາ​ເຈົ້າ​ຄວນ ຈະ​ເຈລະ ຈາ​ ​ກັບທ່ານ Putin ບໍ? ​ເປັນ​ຫຍັງ​ລາວ​ຈະ​ເຮັດ​ດັ່ງ​ນີ້? ທ່ານ​ທັງຫຼາຍ ພວກ​ເຮົາ​ບໍລິຫານ​ໂດຍຜູ້​ຄົນ​ທີ່​ບໍ່ເປັນ​ຄົນ​ສະຫລາດ.”

ຜູ້ສະໝັກປະທານາທິບໍດີ ພັກເດໂມແຄຣັດ ທ່ານນາງ Hillary Clinton ໂຄສະນາຫາສຽງຢູ່ ມະຫາວິທະຍາໄລ North Carolina.
ຜູ້ສະໝັກປະທານາທິບໍດີ ພັກເດໂມແຄຣັດ ທ່ານນາງ Hillary Clinton ໂຄສະນາຫາສຽງຢູ່ ມະຫາວິທະຍາໄລ North Carolina.

ທ່າ​ນນາງ Clinton ​ໄດ້​ໃຊ້​ເວລາ ໃນ​ວັນ​ຈັນ​ວານ​ນີ້​ເພື່ອ​ໂຄສະນາ​ຫາ​ສຽງ ທີ່​ລັດ New Hampshire ທາງພາກ​ຕາ​ເວັນ​ອອກສຽງ​ເໜືອຂອງສະຫະລັດ ຊຶ່ງ​ຄັ້ງນຶ່ງ​ທ່າ​ນນາງ​ໄດ້ຕັ້ງ ຄຳ​ຖາມ​ວ່າ ທ່ານ Trump ມີ​ຄວາມ​ສາມາດ​ນຳພາ​ປະ​ເທດ​ຊາດ​ຫຼື​ບໍ່. ການ​ຕິຕຽນ​ຂອງ​ທ່ານ​ນາງ​ຮວມທັງການ​ໃຫ້​ຄວາມ​ເຫັນຂອງ​ທ່ານ Trump ກ່ຽວ​ກັບ​ການ​ໂຈມ​ຕີ​ທາງທະຫານຢູ່​ເມືອງ Mosul ປະ​ເທດ Iraq ​ໂດຍ​ກ່າວ​ວ່າ ການ​ຕິຕຽນ​ຂອງ​ທ່ານ Trump ​ແມ່ນ​ເທົ່າ​ກັບ​ເປັນ​ການ “ປະກາດ​ເສຍໄຊການ​ທີ່ການ​ສູ້​ລົບ​ຍັງ​ບໍ່ທັນ​ໄດ້​ເລີ້ມຂຶ້ນ​ເລີຍ.”

ອ່ານຂ່າວນີ້ເພີ້ມເປັນພາສາອັງກິດ

US Early Voting
please wait
Embed

No media source currently available

0:00 0:00:51 0:00

XS
SM
MD
LG