ຝົນທີ່ຕົກລົງມາຢ່າງໜັກ ໄດ້ກໍ່ໃຫ້ເກີດນ້ຳຖ້ວມ ໃນຫຼາຍໆເຂດ
ຂອງແຄວ້ນ Kashmir ຂອງອິນເດຍ.
ບັນດາເຈົ້າໜ້າທີ່ ໄດ້ອອກແຈ້ງເຕືອນຫຼາຍໆຄັ້ງ ແລະ ໄດ້ແນະ
ນຳປະຊາຊົນ ໃຫ້ເຄື່ອນຍ້າຍຂຶ້ນໄປຢູ່ພື້ນທີ່ສູງ.
ບັນດາພະນັກງານກູ້ໄພ ໄດ້ຊ່ອຍຍົກຍ້າຍພົນລະເມືອງຫຼາຍ
ຮ້ອຍຄົນ ໃນ Srinagar ເມືອງເອກຂອງແຄວ້ນ Kashmir
ຂອງອິນເດຍ ຂະນະທີ່ນ້ຳໃນແມ່ນ້ຳ Jhelum ເພີ້ມສູງຂຶ້ນ
ເຖິງລະດັບທີ່ອັນຕະລາຍ.
ຢ່າງນ້ອຍ ເຮືອນສອງຫຼັງ ຢູ່ໃນຂົງເຂດດັ່ງກ່າວ ໄດ້ຖືກຕົມເຈື່ອນລົງມາຖົມ.
ພົນລະເມືອງຫຼາຍຮ້ອຍຄົນ ໄດ້ເສຍຊີວິດຍ້ອນນ້ຳຖ້ວມ ໃນແຄວ້ນ Kashmir ເມື່ອປີ
ກາຍນີ້ ແລະ ຫຼາຍພັນຄົນ ບໍ່ມີທີ່ຢູ່ອາໄສ.
ພົນລະເມືອງທ້ອງຖິ່ນຄົນນຶ່ງ ທ້າວ Nasir Ahmad Mir ເວົ້າວ່າ “ນັບຕັ້ງແຕ່ມື້ວານນີ້ ພວກເຮົາໄດ້ຮ້ອງຂໍໃຫ້ ລັດຖະບານມາຊ່ອຍເຫຼືອ ພວກເຮົາ. ເຈົ້າກໍເຫັນຢູ່ແລ້ວ
ວ່າ ພວກເຮົາໄດ້ຊ່ອຍເຫຼືອ ຍິງປ່ວຍຄົນນີ້. ບໍ່ມີໃຜຈາກທາງລັດຖະບານ ມາເບິ່ງ
ແຍງພວກເຮົາເລີຍ.”
ພົນລະເມືອງທ້ອງຖິ່ນອີກຄົນນຶ່ງ ທ້າວ Zareena Bano ເວົ້າວ່າ “ເຮືອນຂອງຂ້ອຍ
ໄດ້ຈົມຢູ່ໃຕ້ນ້ຳ ແລະ ເມື່ອປີກາຍນີ້ ໃນເດືອນກັນຍາ ມັນກໍຈົມຢູ່ໃຕ້ນ້ຳ ແລະ ມື້ນີ້
ອີກຄັ້ງນຶ່ງ. ຂ້ອຍຮູ້ສຶກໝົດຫົນທາງແລ້ວ.”
