ນາຍົກລັດຖະມົນຕີຍີ່ປຸ່ນ ທ່ານ Shinzo Abe ແລະພະເຈົ້າຈັກ
ກະພັດ Akihito ນຳພາພິທີລະນຶກເຖິງຄົບຮອບຫ້າປີໃນວັນສຸກ
ມື້ນີ້ ໃຫ້ແກ່ພວກເຄາະຮ້າຍ ທີ່ເສຍຊີວິດໃນເຫດແຜ່ນດິນໄຫວ
ຂະໜາດແຮງ ແລະສຸນາມິ ເມື່ອປີ 2011 ທີ່ໄດ້ກໍ່ໃຫ້ເກີດ ໄພພິ
ບັດທີ່ຮ້າຍແຮງສຸດໃນດ້ານນິວເຄລຍຂອງໂລກນັ້ນ.
ສຽງລະຄັງໄດ້ດັງຂຶ້ນ ທີ່ນະຄອນຫຼວງໂຕກຽວຍ ແລະປະຊາຊົນ
ໃນທົ່ວປະເທດຍີ່ປຸ່ນໄດ້ພາກັນກົ້ມຫົວລົງແລະສະຫງົບສະຕິອາ
ລົມຊົ່ວຂະນະນຶ່ງໃນເວລາບ່າຍ 2 ໂມງ 46 ນາທີ ຊຶ່ງເປັນເວລາ
ທີ່ແຜ່ນດິນໄຫວ ມີຄວາມແຮງ 9.0 ໄດ້ເກີດຂຶ້ນ ຢູ່ນອກແຄມຝັ່ງ
ທະເລຂອງປະເທດຍີ່ປຸ່ນ. ແຜ່ນດິນໄຫວນີ້ ໄດ້ພາໃຫ້ເກີດຟອງ
ຍັກສູງເຖິງ 17 ແມັດພັດເຂົ້າຖະຫຼົ່ມແຄມຝັ່ງທະເລກ້ຳຕາເວັນອອກຂອງປະເທດແລະເຮັດ
ໃຫ້ເກືອບ 20,000 ຄົນເສຍຊີວິດ.
ຜູ້ນຳທັງສອງຂອງຍີ່ປຸ່ນ ໄດ້ພາກັນກົ້ມຫົວລົງ ຢູ່ຕໍ່ໜ້າເວທີ ທີ່ເຕັມໄປດ້ວຍດອກໄມ້ ໃນພິທີ
ທີ່ຈັດຂຶ້ນຢູ່ນະຄອນຫຼວງໂຕກຽວ ໂດຍມີແຂກຜູ້ມີກຽດ 1,200 ຄົນເຂົ້າຮ່ວມ ຮວມທັງພວກ
ທີ່ລອດຊີວິດຈາກເຂດປະສົບໄພ.
ນາຍົກລັດຖະມົນຕີ Abe ກ່າວວ່າ ໃນອະດີດຜ່ານມາ ປະເທດຂອງເຮົາ ໄດ້ປະສົບກັບໄພ
ພິບັດທີ່ນັບບໍ່ຖ້ວນມາແລ້ວທີ່ອາດກ່າວໄດ້ວ່າເປັນວິກິດການແຫ່ງຊາດ ແຕ່ພວກເຮົາກໍສາ
ມາດເອົາຊະນະ ໄພພິບັດເຫຼົານີ້ໄດ້ ໃນແຕ່ລະເທື່ອ ຍ້ອນໄດ້ມີການຕົກລົງໃຈແລະຄວາມ
ຫວັງ. ຂ້າພະເຈົ້າຂໍປະຕິຍານອີກເທື່ອນຶ່ງວ່າ ພວກເຮົາຈະປະຕິບັດແບບດຽວກັນກັບສິ່ງທີ່
ບັນພະບຸລຸດຂອງພວກເຮົາເຄີຍເຮັດມາແລ້ວ ແລະສືບຕໍ່ທຳການເຄື່ອນໄຫວເພື່ອກ້າວໄປ
ໜ້າ.
