ວັນຈັນມື້ນີ້ ເປັນວັນຂີດໝາຍຄົບຮອບ 5 ປີແຫ່ງໄພແຜ່ນດິນ
ໄຫວທີ່ສ້າງຄວາມເສຍຫາຍຢ່າງໜັກໃນ Haiti.
ແຜ່ນດິນໄຫວທີ່ມີຄວາມແຮງ 7.0 ຣິກເຕີໃນວັນທີ 12 ມັງກອນ
ປີ 2010 ໄດ້ສັງຫານປະຊາຊົນຫຼາຍກວ່າ 2 ແສນຄົນ. ປະຊາ
ຊົນຈຳນວນຫລາຍກວ່າ 1 ລ້ານຄົນບໍ່ມີບ່ອນຢູ່ອາໄສ ຊຶ່ງບັງຄັບ
ໃຫ້ພວກເຂົາເຈົ້າຕ້ອງນອນຢູ່ໃນບ່ອນທີ່ພັກພາອາໄສຊົ່ວຄາວ
ຄືຕູບຜ້າຕັ້ງ ທີ່ເຮັດດ້ວຍຜ້າຢາງ ຫຼື tarp ຫຼືເຈ້ຍກະດາດ ຫຼືສັງ
ກະສີນັ້ນ.
ເກີດໂຣກລະບາດທ້ອງຂີ້ຮາກຕິດຕາມມາ ໃນເວລາບໍ່ດົນຫຼັງ
ຈາກເກີດແຜ່ນດິນໄຫວ ຊຶ່ງໄດ້ສ້າງຄວາມເສຍຫາຍຢ່າງໜັກຕື່ມອີກໃຫ້ແກ່ປະເທດໃນ
ເຂດທະເລ Caribbean ຊຶ່ງເປັນປະເທດທີ່ທຸກຈົນທີ່ສຸດໃນຊີກໂລກຕາເວັນຕົກນັ້ນ.
ຕົກມາສູ່ມື້ນີ້ ບາງບ່ອນທີ່ຖືກປະທະຢ່າງໜັກທີ່ສຸດໃນນະຄອນຫຼວງ Port-au-Prince ນັ້ນ ໄດ້ປ່ຽນແປງໄປຢ່າງຫຼວງຫຼາຍ ແລະພາກສ່ວນຫຼາຍກໍໄດ້ຖືກສະສາງສິ່ງສະພັກພັງອອກໄປແລ້ວ. ເຖິງຢ່າງໃດກໍດີ ປະຊາຊົນຫຼາຍພັນຄົນຍັງກຳລັງບຶກບືນຫາທາງຊົດເຊີຍຊີວິດການເປັນຢູ່ຂອງເຂົາເຈົ້າຢູ່.
ອົງການເພື່ອອົບພະຍົບນາໆຊາດ ກ່າວວ່າ ໃນຂະນະນີ້ 94 ເປີເຊັນຂອງພວກອົບພະຍົບ
ພາຍໃນປະເທດ ໄດ້ພາກັນອອກຈາກຄ້າຍອົບພະຍົບແລະ ສະຖານທີພັກເຊົາຊົ່ວຄາວແຫ່ງຕ່າງໆແລ້ວ ຊາວເຮຕີຈຳນວນເກືອບ 80 ພັນຄົນຍັງບໍ່ທັນມີ ”ບ່ອນຢູອາໄສ ທີ່ຖືກຕ້ອງເໝາະສົມເທື່ອ.”
ເຖິງແມ່ນໄດ້ຮັບຄຳໝັ້ນສັນຍາໃຫ້ເງິນຊ່ອຍເຫຼືອຈຳນວນຫຼາຍຕື້ດອນລາໃຫ້ແກ່ເຮຕີຫຼັງຈາກເກີດໄພແຜ່ນດິນໄຫວແລ້ວກໍຕາມ ແຕ່ລັດຖະບານຍັງກ່າວຫາວ່າຕົນຂາດເງິນຄຳ ສຳລັບການສ້າງສາປະເທດຄືນໃໝ່ຢ່າງຊ້າໆນີ້ຢູ່.
ໃນຂະນະດຽວກັນ ລັດຖະບານທີ່ສາມາດແຕກຫັກໄດ້ງ່າຍໆຂອງເຮຕີຢູ່ໃນສະພາບທີ່ປະເຊີນໜ້າກັນທາງດ້ານການເມືອງ ຫຼັງຈາກ 3 ປີທີ່ປະເຊີນກັບການຊັກຊ້າໃນການເລືອກ
ຕັ້ງເອົາສະມາຊິກສະພານິຕິບັນຍັດຮອບໃໝ່.
ພວກປະທ້ວງໄດ້ທຳການປະທ້ວງມາເປັນເວລາຫຼາຍສັບປະດາ ຊຶ່ງພວກປະທ້ວງຫຼາຍ
ຄົນກ່າວວ່າ ພວກເຂົ້າເຈົ້າໝົດສັດທາຕໍ່ລັດຖະບານກາງ ແລະປະທານາທິບໍດີ Michel Martelly ແລະຢາກໃຫ້ທ່ານລາອອກຈາກຕຳແໜ່ງ.
