ສະຫະລັດ ແລະທ່ານພັນ ຄີມູນ ເລຂາທິການໃຫຍ່ອົງການສະຫະປະຊາດໄດ້ປະນາມການໂຈມຕີ ຕໍ່ຄ້າຍຊາວອິຣ່ານລີ້ໄພຢູ່ໃນອິຣັກ ແລະຮຽກຮ້ອງ ໃຫ້ນໍາເອົາພວກທີ່ຮັບຜິດ ຊອບຕໍ່ເຫດການໂຈມຕີດັ່ງກ່າວ ມາດໍາເນີນຄະດີໃຫ້ໄດ້. ທ່ານນາງ Victoria Nuland ໂຄສົກກະຊວງຕ່າງປະເທດສະຫະລັດ ເອີ້ນການໂຈມຕີນີ້ວ່າ “ຊົ່ວຮ້າຍ ແລະໄຮ້ເຫດ ຜົນທີ່ສຸດ”
ທາງການອີຣັກເວົ້າວ່າ ເມື່ອວັນເສົາວານນີ້ ພວກຄົນຮ້າຍໄດ້ຍິງຈະຫຼວດໃສ່ຄ້າຍແຫ່ງນຶ່ງ ຊຶ່ງເປັນທີ່ພັກຂອງຊາວອິຣ່ານທີ່ບໍ່ພໍໃຈລັດຖະບານ ທີ່ໄດ້ ສັງຫານຢ່າງໜ້ອຍຫົກຄົນ ແລະມີຜູ້ໄດ້ຮັບບາດເຈັບອີກປະມານ 40 ຄົນ.
ເວລານີ້ ຍັງບໍ່ມີໃຜອ້າງເອົາຄວາມຮັບຜິດຊອບ ຕໍ່ເຫດການໂຈມຕີ ຢູ່ໃກ້ນະຄອນຫຼວງ Baghdad ທີ່ຄ້າຍ Hurriya ຊຶ່ງເຄີຍເປັນຄ້າຍທະຫານສະຫະລັດ ທີ່ເອີ້ນວ່າ Camp Liberty ຫລື ຄ້າຍອິດສະຫຼະພາບນັ້ນ.
ຄ້າຍດັ່ງກ່າວ ເປັນບ່ອນພັກພາອາໄສຂອງສະມາຊິກກຸ່ມຊາວອິຣ່ານພັດຖິ່ນ ທີ່ເອີ້ນວ່າ Mojahedin-e-Khalq ຫຼືປະຊາຊົນ Mojahedin ຫຼື MEK
ກຸ່ມ MEK ໄດ້ຈັດຕັ້ງຂຶ້ນມາໃນຊຸມປີ 1960 ເພື່ອຄັດຄ້ານພະເຈົ້າ Shah ຂອງອິຣ່ານ
ທີ່ໜຸນຫຼັງໂດຍສະຫະລັດ ແຕ່ກໍໄດ້ພາກັນຈັບອາວຸດລຸກຂື້ນຕໍ່ຕ້ານພວກນັກບວດ ທີ່ເຂົ້າ
ມາປົກຄອງປະເທດແທນ ຫຼັງຈາກການປະຕິວັດອີສລາມຂອງປີ 1979.
ກຸ່ມດັ່ງກ່າວເຄີຍຢູ່ໃນບັນຊີຜູ້ກໍ່ການຮ້າຍຂອງສະຫະລັດ ອັງກິດ ແລະສະຫະພາບຢູໂຣບ
ແຕ່ກໍໄດ້ຖືກລືບຊື່ອອກຈາກບັນຊີດັ່ງກ່າວ ຕັ້ງແຕ່ນັ້ນມາ.
ທາງການອີຣັກເວົ້າວ່າ ເມື່ອວັນເສົາວານນີ້ ພວກຄົນຮ້າຍໄດ້ຍິງຈະຫຼວດໃສ່ຄ້າຍແຫ່ງນຶ່ງ ຊຶ່ງເປັນທີ່ພັກຂອງຊາວອິຣ່ານທີ່ບໍ່ພໍໃຈລັດຖະບານ ທີ່ໄດ້ ສັງຫານຢ່າງໜ້ອຍຫົກຄົນ ແລະມີຜູ້ໄດ້ຮັບບາດເຈັບອີກປະມານ 40 ຄົນ.
ເວລານີ້ ຍັງບໍ່ມີໃຜອ້າງເອົາຄວາມຮັບຜິດຊອບ ຕໍ່ເຫດການໂຈມຕີ ຢູ່ໃກ້ນະຄອນຫຼວງ Baghdad ທີ່ຄ້າຍ Hurriya ຊຶ່ງເຄີຍເປັນຄ້າຍທະຫານສະຫະລັດ ທີ່ເອີ້ນວ່າ Camp Liberty ຫລື ຄ້າຍອິດສະຫຼະພາບນັ້ນ.
ຄ້າຍດັ່ງກ່າວ ເປັນບ່ອນພັກພາອາໄສຂອງສະມາຊິກກຸ່ມຊາວອິຣ່ານພັດຖິ່ນ ທີ່ເອີ້ນວ່າ Mojahedin-e-Khalq ຫຼືປະຊາຊົນ Mojahedin ຫຼື MEK
ກຸ່ມ MEK ໄດ້ຈັດຕັ້ງຂຶ້ນມາໃນຊຸມປີ 1960 ເພື່ອຄັດຄ້ານພະເຈົ້າ Shah ຂອງອິຣ່ານ
ທີ່ໜຸນຫຼັງໂດຍສະຫະລັດ ແຕ່ກໍໄດ້ພາກັນຈັບອາວຸດລຸກຂື້ນຕໍ່ຕ້ານພວກນັກບວດ ທີ່ເຂົ້າ
ມາປົກຄອງປະເທດແທນ ຫຼັງຈາກການປະຕິວັດອີສລາມຂອງປີ 1979.
ກຸ່ມດັ່ງກ່າວເຄີຍຢູ່ໃນບັນຊີຜູ້ກໍ່ການຮ້າຍຂອງສະຫະລັດ ອັງກິດ ແລະສະຫະພາບຢູໂຣບ
ແຕ່ກໍໄດ້ຖືກລືບຊື່ອອກຈາກບັນຊີດັ່ງກ່າວ ຕັ້ງແຕ່ນັ້ນມາ.
