ຕຳຫຼວດອິນເດຍ ໄດ້ຈັບກຸມຜູ້ຊາຍ 5 ຄົນ ໃນຖານມີສ່ວນພົວ
ພັນ ກັບການລັກພາໂຕແລະຂົ່ມຂືນຊຳເລົາ ນັກທ່ອງທ່ຽວຍີ່ປຸ່ນ
ຄົນນຶ່ງ ຕາມທີ່ມີການກ່າວຫາ.
ຍິງສາວຍີ່ປຸ່ນ ທີ່ໄປທ່ຽວແລະພັກຢູ່ໃນເມືອງ ກາລກັຕຕາ ກ່າວ
ວ່າ ນາງຖືກພວກຜູ້ຊາຍ 3 ຄົນ ຫຼອກວ່າ ຈະພາທ່ຽວເບິ່ງອ້ອມ
ປະເທດ. ພວກຜູ້ຊາຍ 3 ຄົນນັ້ນ ໄດ້ພານາງໄປທ່ຽວໃນພາກຕາ
ເວັນອອກຂອງອິນເດຍ ແລະຫຼັງຈາກນັ້ນ ພານາງເດີນທາງໄປຍັງ
ເມືອງ ໂພກະຍາ ຊຶ່ງມີວັດວາສາສະໜາພຸດທີ່ສັກສິດທີ່ສຸດແຫ່ງ
ໜຶ່ງຂອງອິນເດຍ ໃນແຄວ້ນ Bihar.
ນາງກ່າວຫາວ່າ ຢູ່ທີ່ນັ້ນ ມີພວກຜູ້ຊາຍຕື່ມອີກ 2 ຄົນມາຮ່ວມກັບພວກເຂົາເຈົ້າອີກ ແລະຈັບກຸມນາງໄວ້ ແລ້ວພາກັນຂົ່ມຂືນນາງຊຳແລ້ວຊ້ຳອີກ.
ທ່ານ Pallab Kanti Ghosh ເຈົ້າໜ້າທີ່ຕຳຫຼວດຂັ້ນອາວຸໂສ ກ່າວວ່າ “ພວກເຮົາໄດ້
ຮັບຄຳຮ້ອງທຸກຈາກນັກທ່ອງທ່ຽວຍິງຍີ່ປຸ່ນ ທີຖືກພາໍ ໄປທ່ຽວທີ່ເມືອງ Digha ໃນເຂດອ່າວ Bengal ໃນພາກຕາເວັນຕົກ. ນາງໄດ້ຖືກຂົ່ມຂືນຢູ່ທີ່ນັ້ນ ແລ້ວຖືກພາໂຕໄປຍັງເມືອງ ໂພກະຍາ ໃນແຄວ້ນ Bihar ແລ້ວຖືກຂົ່ມຂືນຊຳເລົາ ແລະຕົກເປັນເຫຍື່ອຂອງພວກແກ໊ງດັ່ງກ່່າວ. ແກ໊ງພວກນີ້ໄດ້ຖືກທັບມ້າງແລ້ວ. ມາຮອດປັດຈຸ ບັນນີ້ 5 ຄົນໄດ້
ຖືກຈັບກຸມ. ພວກເຮົາກຳລັງຊອກຫາພວກສົມຮູ້ຮ່ວມຄິດອື່ນໆ ຕື່ມອີກ.”
ຕຳຫຼວດກ່າວວ່າ ແມ່ຍິງຍີ່ປຸ່ນຄົນນີ້ໄດ້ເອົາໂຕຫລົບໜີຈາກພວກຈັບກຸມນາງໄວ້ໃນເດືອນ
ແລ້ວນີ້ ແລະເດີນທາງໄປຮອດເມືອງ ກາລກັຕຕາ ບ່ອນທີ່ນາງໄດ້ໄປຮ້ອງທຸກດັ່ງກ່າວ ກັບກົງສູນຍີ່ປຸ່ນ.
ຄວາມຮຸນແຮງທາງເພດຕໍ່ພວກແມ່ຍິງໃນອິນເດຍ ໄດ້ປາກົດອອກມາເປັນຈຸດສົນໃຈຂອງນາໆຊາດ ຫຼັງຈາກການຂົ່ມຂືນຊຳເລົາຍິງສາວ ໄວ 23 ປີ ຄົນນຶ່ງ ໂດຍຜູ້ຊາຍຫລາຍໆຄົນພ້ອມກັນ ຢູ່ໃນລົດບັສຄັນນຶ່ງທີ່ກຳລັງແລ່ນໄປໃນປີ 2012 ຊຶ່ງເປັນການໂຈມຕີທີ່ໂຫດຫ້ຽມ ແລະໄດ້ພາໃຫ້ແມ່ຍິງຄົນນັ້ນເສຍຊີວິດ ຍ້ອນບາດແຜສາຫັດທີ່ນາງໄດ້ຮັບ.
ນັບແຕ່ນັ້ນມາ ກົດໝາຍໄດ້ເຂັ້ມງວດຂຶ້ນ ແຕ່ບັນດານັກເຄື່ອນໄຫວກ່າວວ່າ ທ່າທີຂອງສັງ
ຄົມ
ຕໍ່ພວກແມ່ຍິງຈະຕ້ອງປ່ຽນແປງໄປຢ່າງຫຼວງຫຼາຍ ເພື່ອຕໍ່ສູ້ກັບການກະທຳຄວາມຮຸນແຮງ
ທາງເພດຕໍ່ແມ່ຍິງນັ້ນ.
