ລິ້ງ ສຳຫລັບເຂົ້າຫາ

23 ຄົນ ເສຍຊີວິດ ໃນເຫດໄຟໄໝ້ ໂຮງຮຽນ ສອນສາສະໜາ ອິສລາມ ຢູ່ ມາເລເຊຍ


ແມ່ຍິງບໍ່ຊາບຊື່ ຮ້ອງໄຫ້ ຢູ່ດ້ານນອກໂຮງຮຽນສອນສາສະໜາ ອິສລາມ ຫຼັງຈາກທີ່ fire on the outskirts of Kuala Lumpur, ວັນທີ 14 ກັນຍາ 2017.

ໄຟໄໝ້ໃນຕອນເຊົ້າວັນພະຫັດມື້ນີ້ ຢູ່ທີ່ໂຮງຮຽນສອນສາສະໜາ ຂອງເອກກະຊົນ
ແຫ່ງນຶ່ງ ໃນນະຄອນຫຼວງກົວລາລຳເປີຣ໌ ຂອງມາເລເຊຍ ​ເຮັດ​ໃຫ້​ມີ​ຜູ້​ເສຍ​ຊີວິດ
24 ຄົນ.


ບັນດາເຈົ້າໜ້າທີ່ດັບໄຟ ກ່າວວ່າ ໄຟໄໝ້​ໃນ​ຕອນກ່ອນຟ້າແຈ້ງ ຢູ່ທີ່ໂຮງຮຽນ Darul
Quran Ittifaqiyah ໄດ້ເກີດຂຶ້ນຢູ່ໃນອາຄານຫໍພັກ ຊັ້ນສູງສຸດ ບ່ອນທີ່ພວກນັກຮຽນ
ກຳລັງພາກັນນອນຫລັບຢູ່. ພວກຜູ້ເຄາະຮ້າຍ ແມ່ນເດັກຊາຍ 22 ຄົນ ທີ່ມີອາຍຸ
ລະຫວ່າງ 13 ຫາ 17 ປີ ແລະ ຜູ້ໃຫຍ່ 2 ຄົນ ​ທີ່​ເປັນນາຍຄູ ພວກເຂົາເຈົ້າ ບໍ່ສາມາດ
ຫລົບໜີອອກມາໄດ້ ຍ້ອນວ່າ ທາງເຂົ້າອອກຂອງຫໍພັກ ມີພຽງແຫ່ງດຽວເທົ່ານັ້ນ ທີ່ໄດ້
ຖືກໄຟ​ໄໝ້ຕັນ​ຢູ່ ແລະປ່ອງຢ້ຽມທັງຫຼາຍກໍຖືກປິດດ້ວຍ ຕາໜ່າງເຫຼັກ.

ຈຸດທີ່ຕັ້ງ ຂອງໂຮງຮຽນສອນສາສະໜາ Darul Quran Ittifaqiyah, ໃນນະຄອນຫຼວງ Kuala Lumpur
ຈຸດທີ່ຕັ້ງ ຂອງໂຮງຮຽນສອນສາສະໜາ Darul Quran Ittifaqiyah, ໃນນະຄອນຫຼວງ Kuala Lumpur

ພວກຜູ້ເຫັນເຫດການ ກ່າວວ່າ ພວກເຂົາສາມາດໄດ້ຍິນສຽງ ຮ້ອງຂໍຄວາມຊ່ອຍເຫຼືອ
ຈາກພວກນັກຮຽນ ໃນຂະນະທີ່ໄຟກຳລັງລຸກຂຶ້ນຢູ່ນັ້ນ. ພວກເຈົ້າໜ້າທີ່ດັບໄຟກ່າວວ່າ
ພວກນັກຮຽນເຫຼົ່ານັ້ນ ມີ​ຄວາມເປັນໄປໄດ້ສູງ ທີ່​ໄດ້ເສຍຊີວິດຍ້ອນການຫາຍໃຈເອົາ
ຄວັນໄຟ.

ຜູ້ອາໄສຢູ່ໃນຫໍພັກອີກ 18 ຄົນ ໄດ້ຖືກຊ່ອຍອອກມາໄດ້ ໂດຍມີ 6 ຄົນໃນຈຳນວນ
ດັ່ງກ່າວ ຢູ່ໃນສະພາບທີ່ສາຫັດ ແລະ ໄດ້ຖືກສົ່ງໄປຮັກສາປິ່ນປົວຢູ່ທີ່ໂຮງໝໍ.

ສາເຫດຂອງໄຟໄໝ້ ຍັງມີການສືບສວນສອບສວນຢູ່ ແຕ່ບັນດາເຈົ້າໜ້າທີ່ເຊື່ອວ່າ
ມັນໄດ້ເກີດຂຶ້ນ ຍ້ອນໄຟຟ້າລັດວົງຈອນ.

ເຈົ້າໜ້າທີ່ຕຳຫຼວດ ກຽມພ້ອມທີ່ຈະນຳເອົາສົບຂອງພວກຜູ້ເຄາະຮ່້າຍ ອອກມາຈາກໂຮງຮຽນສອນສາສະໜາ ອິສລາມ ຫຼັງຈາກທີ່ເກີດໄຟໄໝ້ ຢູ່ຊານເມືອງ Kuala Lumpur ຂອງ Malaysia, ວັນທີ 14 ກັນຍາ 2017.
ເຈົ້າໜ້າທີ່ຕຳຫຼວດ ກຽມພ້ອມທີ່ຈະນຳເອົາສົບຂອງພວກຜູ້ເຄາະຮ່້າຍ ອອກມາຈາກໂຮງຮຽນສອນສາສະໜາ ອິສລາມ ຫຼັງຈາກທີ່ເກີດໄຟໄໝ້ ຢູ່ຊານເມືອງ Kuala Lumpur ຂອງ Malaysia, ວັນທີ 14 ກັນຍາ 2017.

ໂຮງຮຽນສອນສາສະໜາ Darul Quran Ittifaqiyah ເປັນນຶ່ງໃນ 100 ກວ່າໂຮງຮຽນ
ຢູ່ໃນມາເລເຊຍ ທີ່ຮູ້ຈັກກັນ​ໃນ​ຊື່ “tahfiz” ຊຶ່ງເປັນບ່ອນທີ່ພວກເດັກ ນ້ອຍ ໄປຮຽນ
ແລະ ທ່ອງຄຳພີ Koran. ພວກໂຮງຮຽນ​ເຫຼົ່ານີ້ ແມ່ນບໍ່ໄດ້ຖືກຄວບຄຸບໂດຍລັດຖະບານ.
ໜັງສືພິມ Star ກ່າວວ່າ ໜ່ວຍດັບໄຟ ໄດ້ບັນທຶກ ກໍລະນີໄຟໄໝ້ໄວ້ 211 ຄັ້ງ ຢູ່ທີ່
ໂຮງຮຽນ tahfiz ນັບຕັ້ງແຕ່ປີ 2015 ເປັນຕົ້ນມາ. 16 ຄົນສາມາດຫຼົບໜີໄຟໄໝ້ຢູ່ທີ່
ໂຮງຮຽນ tahfiz ໃນລັດ Kedah ທາງ ພາກເໜືອຂອງປະເທດ ເມື່ອເດືອນສິງຫາ
ຜ່ານມາ. ໂຮງຮຽນສອນສາສະໜາ ທັງຫຼາຍ ໄດ້ຕົກຢູ່ພາຍໃຕ້ການກວດສອບເລື້ອຍມາ
ຕັ້ງແຕ່ ເດັກນ້ອຍຜູ້ຊາຍ ອາຍຸ 11 ປີ ໄດ້ເສຍຊີວິດ ຫຼັງຈາກ ທີ່ປາກົດວ່າ ລາວໄດ້ຖືກ
ລ່ວງລະເມີດ ຢູ່ໃນລັດ Johor ທາງພາກໃຕ້ຂອງປະເທດ.

ໂຮງຮຽນ Darul Quran Ittifaqiyah ຫາກໍຍື່ນຄຳຮ້ອງ ຕໍ່ບັນດາເຈົ້າໜ້າທີ່ຂອງເມືອງ ເພື່ອຂໍອະນຸຍາດ ກ່ຽວ​ກັບ ຄວາມປອດໄພຂອງອາຄານຈາກໄຟໄໝ້.

ອ່ານຂ່າວນີ້ຕື່ມ ເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG