ບັນດາເຈົ້າໜ້າທີ່ໃນນະຄອນຫຼວງ Athens ຂອງ Greece
ກ່າວວ່າການຊ່ອຍກູ້ໄພກຳລັງດຳເນີນໄປ ທ່າມກາງລົມພັດ
ແຮງ ຫຼັງຈາກເຮືອຂ້າມຟາກແກ່ລົດລຳນຶ່ງ ທີ່ບັນທຸກຄົນໂດຍ
ສານ 466 ຄົນ ເກີດໄຟໄໝ້ຢູ່ນອກຝັ່ງທະເລຂອງ Greece.
ເຮືອຂ້າມຟາກ Norman Atlantic ກຳລັງຢູ່ຫ່າງຈາກເກາະ
Corfu ໄປທາງທິດຕາເວັນຕົກສຽງເໜືອ 80 ຫຼັກກິໂລແມັດ
ໃນວັນອາທິດມື້ນີ້ ເວລາມັນສົ່ງສັນຍານຂໍຄວາມຊ່ອຍເຫຼືອ
ຫຼັງຈາກໄຟເລີ້ມລຸກຂຶ້ນຈາກຊັ້ນລຸ່ມຂອງເຮືອ. ເຮືອລຳນີ້ກຳ
ລັງແລ່ນຈາກເມືອງ Patras ໃນພາກຕາເວັນຕົກຂອງ Gree
ce ໄປສູ່ເມືອງ Ancona ທາງພາກຕາເວັນອອກຂອງອີຕາລີ.
ບໍ່ເປັນທີ່ຈະແຈ້ງເທື່ອວ່າ ມີຄວາມເສຍຫາຍ ມີການບາດເຈັບຫຼືເສຍຊີວິດຫຼືບໍ ຫຼືວ່າມີ
ຄົນໂດຍສານຢູ່ໃນນ້ຳຫຼືບໍ ບ່ອນທີ່ອຸນຫະພູມຂອງ ອາກາດໃນລະດູໜາວ ຈະເຮັດໃຫ້
ເອົາຊີວິດຢູ່ລອດໄດ້ ນອກຈາກການຊ່ອຍກູ້ໄພຈະມາຮອດບ່ອນເກີດອຸບັດເຫດນັ້ນ
ຢ່າງໄວ.
ພວກຄົນໂດຍສານຫຼາຍສິບຄົນໄດ້ຖືກສົ່ງໄປໃສ່ເຮືອຊ່ອຍກູ້ໄພລຳນຶ່ງ ແລະພວກຄົນໂດຍສານອື່ນໆອີກຫຼາຍຄົນ ໄດ້ລອຍໄປຫາພວກເຮືອຊູຊີບ ຫລາຍລຳ.
ເຮືອຫລາຍໆລຳທີ່ແລ່ນຢູ່ໃນບໍລິເວນເກີດເຫດໃນເວລານັ້ນ ໄດ້ພາກັນຟ້າວແລ່ນໄປຍັງບ່ອນເກີດເຫດ ພ້ອມທັງເຮືອບິນເຮລີຄອບເຕີຊ່ອຍກູ້ໄພຫຼາຍລຳ ແລະເຮືອບິນຊ່ອຍຊອກຫາແລະກູ້ໄພ C-130 ລຳນຶ່ງ.
