ລິ້ງ ສຳຫລັບເຂົ້າຫາ

ວັນສຸກ, ໒໓ ກຸມພາ ໒໐໒໔

ຟິນແລນ ສ້າງຮົ້ວກັ້ນ ຢູ່ທີ່ຊາຍແດນຕິດກັບຣັດເຊຍ ເພື່ອຄວບຄຸມຜູ້ອົບພະຍົບ


ພວກອົບພະຍົບ ເບິ່ງໝາຂອງເຈົ້າໜ້າທີ່ພາສີຂອງຟິນແລນ ຢູ່ທີ່ຈຸດຜ່ານແດນສາກົນ ຢູ່ທີ ເມືອງຊາລລາ (Salla), ທາງພາກເໜືອຂອງຟິນແລນ ວັນທີ 22 ພະຈິກ 2023.
ພວກອົບພະຍົບ ເບິ່ງໝາຂອງເຈົ້າໜ້າທີ່ພາສີຂອງຟິນແລນ ຢູ່ທີ່ຈຸດຜ່ານແດນສາກົນ ຢູ່ທີ ເມືອງຊາລລາ (Salla), ທາງພາກເໜືອຂອງຟິນແລນ ວັນທີ 22 ພະຈິກ 2023.

ເຈົ້າ​ໜ້າ​ທີ່​ປ້ອງ​ກັນ​ຊາຍ​ແດນ ​ແລະ ທະຫານ​ຂອງຟິນແລນ ​ໄດ້​ເລີ່​ມສ້າງ​ຮົ້ວ​ກັ້ນ ​ເຊິ່ງລວມມີ​ສິ່ງ​ກີດຂວາງ​ທີ່​ເປັນ​ຊີມັງແລະ​ມີ​ໜາມ​ໝາກ​ຈັບ​ຢູ່​ທາງ​ເທິງ ​ຢູ່​ບາງ​ຈຸດ​ຂ້າມ​ຊາຍ​ແດນ​ຍາວຂອງກຸ່ມ​ປະ​ເທດນໍດິກ (Nordic) ຕິດກັບຣັດ​ເຊຍ ອີງ​ຕາມ​ລາຍ​ງານ​ອົງ​ການ​ຂ່າວ​ເອ​ພີ. ເຈົ້າ​ໜ້າ​ທີ່​ຟິນແລນ ກ່າວ​ໃນ​ວັນ​ພຸດ​ວານ​ນີ້​ວ່າ ມັນຈະເຮັດໃຫ້ການ​ຄວບ​ຄຸມ​ ການ​ໄຫຼ​ເຂົ້າ​ຂອງ​ພວກ​ອົບ​ພະ​ຍົບ​ໄດ້​ດີ​ຂຶ້ນ. ຟິນແລນກ່າວວ່າຕົນຈະປິດຈຸດຜ່ານແດນ ອີກ 3 ຈຸດໃນພາຍຫຼັງ, ເຊິ່ງເຮັດໃຫ້ເຫຼືອພຽງແຕ່ຈຸດ ອາກຕິກ (Arctic) ພຽງຈຸດດຽວ ທີ່ເປີດໃຫ້ຜູ້ອົບພະຍົບ ທີ່ຕ້ອງການລີ້ໄພ. ຜູ້ອົບພະຍົບປະມານ 600 ຄົນທີ່ບໍ່ມີວີຊ່າ ແລະເອກະສານທີ່ຖືກຕ້ອງ, ສ່ວນຫຼາຍແມ່ນມາຈາກຕາເວັນອອກກາງ ແລະອາຟຣິກາ, ໄດ້ເດີນທາງມາຮອດຟິນແລນໃນເດືອນພະຈິກ. ວັງເຄຣມລິນ (Kremlin) ໄດ້ສະແດງຄວາມເສຍໃຈຕໍ່ການຕັດສິນໃຈຂອງຟິນແລນ ທີ່ຈະປິດດ່ານກວດກາ ແລະປະຕິເສດການອ້າງສິດຂອງຕົນທີ່ຣັດເຊຍ ໄດ້ສະໜັບສະໜູນການຫຼັ່ງໄຫຼເຂົ້າມາ ຂອງພວກອົບພະຍົບ ເພື່ອລົງໂທດຟິນແລນ ທີ່ເຂົ້າຮ່ວມກັບ ເນໂຕ້.

ອ່ານຂ່າວນີ້ເປັນພາສາອັງກິດ

XS
SM
MD
LG