ປະທານາທິບໍດີ ບາຣັກ ໂອບາມາ ແລະທ່ານ ມິຕ ຣອມນີ ຜູ້ທ້າ
ຊິງຕໍາແໜ່ງຂອງທ່ານຈາກພັກຣີພັບບລິກັນ ໄດ້ປະທະຄາລົມ
ທາງການເມືອງກັນອີກຄັ້ງນຶ່ງ ໃນການໂຕ້ວາທີຄັ້ງທີສາມແລະ
ຄັ້ງສຸດທ້າຍຂອງພວກທ່ານ ໃນຄືນວັນຈັນວານນີ້ຢູ່ ທີ່ລັດຟລໍຣີດາ
ຊຶ່ງທ່ານໂອບາມາໄດ້ກ່າວໂຈມຕີຄວາມເຫັນດ້ານນະໂຍບາຍ
ຕ່າງປະເທດຂອງທ່ານຣອມນີນັ້ນວ່າ “ບໍ່ຖືກຕ້ອງ.”
ສ່ວນອະດີດຜູ້ວ່າການລັດ Massachusetts ກໍໄດ້ຕອບໂຕ້ຄືນ
ວ່າການວິພາກວິຈານຕິຕຽນທ່ານນັ້ນ ບໍ່ແມ່ນແຜນການສໍາລັບ
ຍຸດຕິຄວາມຮຸນແຮງຢູ່ໃນພາກຕາເວັນອອກກາງ ແລະ ທ່ານ ຣອມນີ
ໄດ້ປະນາມນະໂຍບາຍຕ່າງປະເທດຂອງທ່ານໂອບາມາ ຢູ່ໃນ
ພາກຕາເວັນອອກກາງໂດຍກ່າວວ່າ ທ່ານໄດ້ເຫັນ “ການຕ່າວປິ້ນ
ຢ່າງໃຫຍ່ຫລວງຂອງຊະນິດ ຂອງຄວາມຫວັງ ທີ່ພວກເຮົາເຄີຍມີ
ຢູ່ໃນຂົງເຂດນັ້ນ.
ທ່ານຣອມນີເວົ້າວ່າ “ຂ້າພະເຈົ້າຊົມເຊີຍທ່ານໂອບາມາ ທີ່ໄດ້ສັງຫານ ໂອຊາມາ
ບິນ ລາເດັນ ແລະໄດ້ຕາມລ່າໂຕແລະກໍາຈັດຄະນະນໍາພາໃນກຸ່ມ ອາລ ເຄອິດາ
ແຕ່ວ່າພວກເຮົາຈະສັງຫານ ເພື່ອໃຫ້ລອດພົ້ນຈາກຄວາມຫຍຸ້ງເຫຍິງອັນນີ້ບໍ່ໄດ້.
ພວກເຮົາຈະຕ້ອງໄດ້ຈັດຕັ້ງປະຕິບັດ ແຜນຍຸທະສາດ ຮອບດ້ານທີ່ເຂ້ມແຂງ ເພື່ອ
ຊ່ວຍໃຫ້ໂລກອິສລາມ ແລະພາກສ່ວນອື່ນໆຂອງໂລກ ສາມາດປະຕິເສດແລະ
ຕ້ານຢັນຕໍ່ລັດທິຮຸນແຮງຈັດອັນນີ້ທີ່ແນ່ນອນວ່າ ບໍ່ໄດ້ແລ່ນຫລົບໜີຈາກພວກເຮົາ
ແລະກໍບໍ່ໄດ້ລີ້ຊ່ອນໂຕຢູ່ຄືກັນ.”
ຊິງຕໍາແໜ່ງຂອງທ່ານຈາກພັກຣີພັບບລິກັນ ໄດ້ປະທະຄາລົມ
ທາງການເມືອງກັນອີກຄັ້ງນຶ່ງ ໃນການໂຕ້ວາທີຄັ້ງທີສາມແລະ
ຄັ້ງສຸດທ້າຍຂອງພວກທ່ານ ໃນຄືນວັນຈັນວານນີ້ຢູ່ ທີ່ລັດຟລໍຣີດາ
ຊຶ່ງທ່ານໂອບາມາໄດ້ກ່າວໂຈມຕີຄວາມເຫັນດ້ານນະໂຍບາຍ
ຕ່າງປະເທດຂອງທ່ານຣອມນີນັ້ນວ່າ “ບໍ່ຖືກຕ້ອງ.”
ສ່ວນອະດີດຜູ້ວ່າການລັດ Massachusetts ກໍໄດ້ຕອບໂຕ້ຄືນ
ວ່າການວິພາກວິຈານຕິຕຽນທ່ານນັ້ນ ບໍ່ແມ່ນແຜນການສໍາລັບ
ຍຸດຕິຄວາມຮຸນແຮງຢູ່ໃນພາກຕາເວັນອອກກາງ ແລະ ທ່ານ ຣອມນີ
ໄດ້ປະນາມນະໂຍບາຍຕ່າງປະເທດຂອງທ່ານໂອບາມາ ຢູ່ໃນ
ພາກຕາເວັນອອກກາງໂດຍກ່າວວ່າ ທ່ານໄດ້ເຫັນ “ການຕ່າວປິ້ນ
ຢ່າງໃຫຍ່ຫລວງຂອງຊະນິດ ຂອງຄວາມຫວັງ ທີ່ພວກເຮົາເຄີຍມີ
ຢູ່ໃນຂົງເຂດນັ້ນ.
ທ່ານຣອມນີເວົ້າວ່າ “ຂ້າພະເຈົ້າຊົມເຊີຍທ່ານໂອບາມາ ທີ່ໄດ້ສັງຫານ ໂອຊາມາ
ບິນ ລາເດັນ ແລະໄດ້ຕາມລ່າໂຕແລະກໍາຈັດຄະນະນໍາພາໃນກຸ່ມ ອາລ ເຄອິດາ
ແຕ່ວ່າພວກເຮົາຈະສັງຫານ ເພື່ອໃຫ້ລອດພົ້ນຈາກຄວາມຫຍຸ້ງເຫຍິງອັນນີ້ບໍ່ໄດ້.
ພວກເຮົາຈະຕ້ອງໄດ້ຈັດຕັ້ງປະຕິບັດ ແຜນຍຸທະສາດ ຮອບດ້ານທີ່ເຂ້ມແຂງ ເພື່ອ
ຊ່ວຍໃຫ້ໂລກອິສລາມ ແລະພາກສ່ວນອື່ນໆຂອງໂລກ ສາມາດປະຕິເສດແລະ
ຕ້ານຢັນຕໍ່ລັດທິຮຸນແຮງຈັດອັນນີ້ທີ່ແນ່ນອນວ່າ ບໍ່ໄດ້ແລ່ນຫລົບໜີຈາກພວກເຮົາ
ແລະກໍບໍ່ໄດ້ລີ້ຊ່ອນໂຕຢູ່ຄືກັນ.”
Watch Jim Malone's related video:
ທ່ານໂອບາມາ ກ່າວຕອບຄືນວ່າ ສະຫະລັດໄດ້ທໍາງານຢ່າງໜັກຮ່ວມກັບບັນດາພັນທະມິດ
ເພື່ອນໍາເອົາສັນຕິພາບແລະປະຊາທິປະໄຕ ມາສູ່ຂົງເຂດພາກຕາເວັນອອກກາງ ແລະທ່ານ
ໄດ້ຊີ້ໄປໃສ່ປະເທດລີເບຍ ເປັນໂຕຢ່າງ.
ທ່ານໂອບາມາເວົ້າວ່າ: “ໂດຍບໍ່ຕ້ອງໄດ້ເອົາທະຫານໄປສູ້ລົບຢູ່ທີ່ນັ້ນ ແລະສິ້ນເປືອງ
ຄ່າໃຊ້ຈ່າຍໜ້ອຍກ່ວາສອງອາທິດຢູ່ໃນອິຣັກ ພວກເຮົາກໍ ສາມາດປົດປ່ອຍປະເທດ
ນຶ່ງ ທີ່ໄດ້ຢູ່ໃຕ້ແອກຂອງຈອມຜະເດັດການມາເປັນເວລາ 40 ປີ ຈອມຜະເດັດການ
ທີ່ໄດ້ສັງຫານຊາວອາເມຣິກັນ ແລະເຖິງແມ່ນໄດ້ເກີດໂສກນາດຕະກໍາດັ່ງກ່າວນີ້
ກໍຍັງມີປະຊາຊົນລີເບຍ ຫລາຍໆໝື່ນຄົນ ພາກັນເດີນຂະບວນສະໜັບສະໜຸນ
ຫລັງຈາກ ເຫດການໃນເມືອງ Benghazi ນັ້ນແລະຮ້ອງເຊຍວ່າ “ອາເມຣິກາແມ່ນ
ມິດຂອງພວກເຮົາ ແລະພວກເຮົາຢືນຢັດ ຢູ່ຄຽງຂ້າງເຂົາເຈົ້າ.”
ກ່ຽວກັບເລື້ອງອິຣ່ານນັ້ນ ທ່ານໂອບາມາກ່າວວ່າ ລັດຖະບານຂອງທ່ານ ໄດ້ສະແດງໃຫ້ເຫັນ
ເຖິງຄວາມເຂ້ມແຂງ ໂດຍການບັງຄັບໃຊ້ມາດຕາການລົງໂທດທີ່ຮຸນແຮງແລະເຄ່ງຄັດທີ່ສຸດ
ຕໍ່ສາທາລະນະລັດອິສລາມປະເທດນັ້ນ.
ສ່ວນທ່ານຣອມນີເວົ້າວ່າ ເວລານີ້ ໂລກກໍາລັງຢູ່ຫ່າງໄກຈາກປະເທດອິຣ່ານທີ່ມີອາວຸດນິວເຄລຍ
ແຕ່ພຽງສີ່ປີເທົ່ານັ້ນ ແລະກ່າວຕື່ມວ່າ ພວກ ຜູ້ນໍາອິຣ່ານໄດ້ແລເຫັນຄວາມອ່ອນແອ ໃນຈຸດທີ່
ພວກເຂົາຄາດໝາຍວ່າ ຈະໄດ້ເຫັນຄວາມເຂ້ມແຂງຂອງອາເມຣິການັ້ນ.
ເມື່ອຖືກຖາມກ່ຽວກັບວ່າ ສິ່ງໃດແມ່ນອັນທີ່ທ່ານແລເຫັນວ່າ ເປັນໄພຂົ່ມຂູ່ອັນຮ້າຍແຮງທີ່ສຸດ
ຕໍ່ສະຫະລັດນັ້ນ ທ່ານຣອມນີຕອບວ່າ ແມ່ນໂຄງການນິວເຄລຍຂອງປະເທດອິຣ່ານ ຂະນະທີ່
ທ່ານໂອບາມາຕອບວ່າ ສໍາລັບທ່ານແລ້ວ ມັນແມ່ນຕາໜ່າງພວກກໍ່ການຮ້າຍ ທີ່ພວກເຮົາຈະ
ຕ້ອງໄດ້ສືບຕໍ່ເອົາທ່າທີລະວັງໂຕຢູ່ຕໍ່ໄປ.
ທ່ານໂອບາມາ ກ່າວຕອບຄືນວ່າ ສະຫະລັດໄດ້ທໍາງານຢ່າງໜັກຮ່ວມກັບບັນດາພັນທະມິດ
ເພື່ອນໍາເອົາສັນຕິພາບແລະປະຊາທິປະໄຕ ມາສູ່ຂົງເຂດພາກຕາເວັນອອກກາງ ແລະທ່ານ
ໄດ້ຊີ້ໄປໃສ່ປະເທດລີເບຍ ເປັນໂຕຢ່າງ.
ທ່ານໂອບາມາເວົ້າວ່າ: “ໂດຍບໍ່ຕ້ອງໄດ້ເອົາທະຫານໄປສູ້ລົບຢູ່ທີ່ນັ້ນ ແລະສິ້ນເປືອງ
ຄ່າໃຊ້ຈ່າຍໜ້ອຍກ່ວາສອງອາທິດຢູ່ໃນອິຣັກ ພວກເຮົາກໍ ສາມາດປົດປ່ອຍປະເທດ
ນຶ່ງ ທີ່ໄດ້ຢູ່ໃຕ້ແອກຂອງຈອມຜະເດັດການມາເປັນເວລາ 40 ປີ ຈອມຜະເດັດການ
ທີ່ໄດ້ສັງຫານຊາວອາເມຣິກັນ ແລະເຖິງແມ່ນໄດ້ເກີດໂສກນາດຕະກໍາດັ່ງກ່າວນີ້
ກໍຍັງມີປະຊາຊົນລີເບຍ ຫລາຍໆໝື່ນຄົນ ພາກັນເດີນຂະບວນສະໜັບສະໜຸນ
ຫລັງຈາກ ເຫດການໃນເມືອງ Benghazi ນັ້ນແລະຮ້ອງເຊຍວ່າ “ອາເມຣິກາແມ່ນ
ມິດຂອງພວກເຮົາ ແລະພວກເຮົາຢືນຢັດ ຢູ່ຄຽງຂ້າງເຂົາເຈົ້າ.”
ກ່ຽວກັບເລື້ອງອິຣ່ານນັ້ນ ທ່ານໂອບາມາກ່າວວ່າ ລັດຖະບານຂອງທ່ານ ໄດ້ສະແດງໃຫ້ເຫັນ
ເຖິງຄວາມເຂ້ມແຂງ ໂດຍການບັງຄັບໃຊ້ມາດຕາການລົງໂທດທີ່ຮຸນແຮງແລະເຄ່ງຄັດທີ່ສຸດ
ຕໍ່ສາທາລະນະລັດອິສລາມປະເທດນັ້ນ.
ສ່ວນທ່ານຣອມນີເວົ້າວ່າ ເວລານີ້ ໂລກກໍາລັງຢູ່ຫ່າງໄກຈາກປະເທດອິຣ່ານທີ່ມີອາວຸດນິວເຄລຍ
ແຕ່ພຽງສີ່ປີເທົ່ານັ້ນ ແລະກ່າວຕື່ມວ່າ ພວກ ຜູ້ນໍາອິຣ່ານໄດ້ແລເຫັນຄວາມອ່ອນແອ ໃນຈຸດທີ່
ພວກເຂົາຄາດໝາຍວ່າ ຈະໄດ້ເຫັນຄວາມເຂ້ມແຂງຂອງອາເມຣິການັ້ນ.
ເມື່ອຖືກຖາມກ່ຽວກັບວ່າ ສິ່ງໃດແມ່ນອັນທີ່ທ່ານແລເຫັນວ່າ ເປັນໄພຂົ່ມຂູ່ອັນຮ້າຍແຮງທີ່ສຸດ
ຕໍ່ສະຫະລັດນັ້ນ ທ່ານຣອມນີຕອບວ່າ ແມ່ນໂຄງການນິວເຄລຍຂອງປະເທດອິຣ່ານ ຂະນະທີ່
ທ່ານໂອບາມາຕອບວ່າ ສໍາລັບທ່ານແລ້ວ ມັນແມ່ນຕາໜ່າງພວກກໍ່ການຮ້າຍ ທີ່ພວກເຮົາຈະ
ຕ້ອງໄດ້ສືບຕໍ່ເອົາທ່າທີລະວັງໂຕຢູ່ຕໍ່ໄປ.
