ບັນດາຜູ້ແທນຈາກ 196 ປະເທດ ທີ່ເຂົ້າຮ່ວມກອງປະຊຸມໃນນະ ຄອນຫຼວງ ປາຣີ ໄດ້ຮັບຮອງເອົາຂໍ້ຕົກລົງທີ່ມີຄວາມສຳຄັນທາງປະ ຫວັດສາດເພື່ອແກ້ໄຂບັນຫາໂລກຮ້ອນ. ຂໍ້ຕົກລົງນີ້ມີເປົ້າໝາຍ ເພື່ອຄວບຄຸມການເພີ່ມຂຶ້ນຂອງ ອຸນຫະພູມ ໂລກບໍ່ໃຫ້ກາຍ 2 ອົງສາເຊວ ຊຽສ ຕ່ຳກວ່າລະດັບກ່ອນຍຸກອຸດສາຫະກຳ, ໂດຍສະ ໜອງເງິນທຶນ 100 ຕື້ໂດລາ ເຂົ້າໃນການລົງທຶນກ່ຽວກັບສະພາບ ອາກາດ ໃຫ້ກັບບັນດາປະເທດທີ່ທຸກຍາກ, ທົບທວນຄວາມກ້າວ ໜ້າໃນທຸກໆ 5 ປີ, ແລະ ກຳນົດຈຸດສູງສຸດສຳລັບການປ່ອຍທາດ ຄາບອນໃຫ້ໄວເທົ່າທີ່ຈະໄວໄດ້. ຂໍ້ຕົກ ລົງນີ້ໄດ້ສະຫຼຸບການເຈລະ ຈາທີ່ໄດ້ດຳເນີນມາເປັນເວລາ 5 ປີ, ແລະ ກໍແມ່ນຂໍ້ຕົກລົງສະພາບ ອາກາດທີ່ມີຂອບເຂດກວ້າງຂວາງຕັ້ງແຕ່ຂໍ້ຕົກລົງກຽວໂຕ ໃນປີ 1997. ນັກຂ່າວວີໂອເອປະຈຳ ຢູໂຣບ Luis Ramirez ລາຍງານຈາກນະຄອນຫຼວງ ປາຣີ ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານ.
ລັດຖະມົນຕີການຕ່າງປະເທດ ຝຣັ່ງ ທ່ານ Laurent Fabius ກ່າວວ່າ “ຂ້າພະ ເຈົ້າເຊື່ອວ່າ ການຕອບຮັບຕໍ່ຂໍ້ຕົກລົງນີ້ແມ່ນເປັນໄປໃນແງ່ບວກ. ຂ້າພະເຈົ້າ ບໍ່ເຫັນການຄັດຄ້ານໃດໆ. ຂໍ້ຕົກລົງສະພາບອາກາດປາຣີ ແມ່ນເປັນທີ່ຍອມ ຮັບ.”
ການຕີໄມ້ຄ້ອນຕົກລົງໂດຍລັດຖະມົນຕີການຕ່າງປະເທດ ຝຣັ່ງ ທ່ານ Laurent Fabius ໄດ້ ສິ້ນສຸດຄຳຖາມກ່ຽວກັບສະພາບດິນຟ້າອາກາດປ່ຽນແປງ ທີ່ໄດ້ມີການຕໍ່ລອງມາຫຼາຍຄ່ຳຄືນ ແລະ ເປັນອຳມະພາດມາຫຼາຍປີ.
ສຽງຮ້ອງເຊຍໄດ້ດັງກ້ອງຂຶ້ນ ໃນບັນດາຜູ້ແທນ ຈາກເກືອບ 200 ປະເທດເຊິ່ງນັບເປັນທຳອິດ ທີ່ເອກະສານຍາວ 31 ໜ້າໄດ້ມີການເຫັນດີກ່ຽວກັບການເຄື່ອນໄຫວ ໄປຂ້າງໜ້າເພື່ອຄວບ ຄຸມການເພີ່ມຂຶ້ນຂອງອຸນຫະພູມໂລກ.
ໃນຕອນເຊົ້າຂອງວັນເສົາ, ພວກເຂົາເຈົ້າໄດ້ຍິນຄຳຮ້ອງຂໍຈາກເລຂາທິການໃຫຍ່ ສະຫະປະ ຊາຊາດ ທ່ານ Ban Ki-moon.
ທ່ານ Ban Ki-moon ກ່າວວ່າ “ເວລາໄດ້ມາເຖິງຈຸດເພື່ອຮັບຮູ້ວ່າ ຜົນປະ ໂຫຍດແຫ່ງຊາດ ແມ່ນມີປະໂຫຍດທີ່ສຸດໂດຍການປະຕິບັດໃຫ້ເປັນຜົນປະ ໂຫຍດທົ່ວໂລກ ແລະ ຄວາມ ພ້ອມພຽງສາມັກຄີກັນ.”
ບັນຫາໜຶ່ງທີ່ສຳຄັນທີ່ບໍ່ໄດ້ກ່າວຢູ່ໃນຮ່າງສັນຍາຂັ້ນສຸດທ້າຍແມ່ນບັນດາປະເທດ ທີ່ລ້ຳລວຍ ກວ່າ ແລະ ທຸກຍາກ ຄວນແບ່ງປັນຄວາມຮັບຜິດ ຊອບໃນຄ່າໃຊ້ຈ່າຍ ສຳລັບໂຄງການສະ ພາບດິນຟ້າອາກາດປ່ຽນແປງໄດ້ຫຼາຍເທົ່າໃດ.
ສິ່ງໜຶ່ງທີ່ເຮັດໃຫ້ການເຈລະຈາມີຄວາມສຳຄັນກໍແມ່ນ ການເຂົ້າຮ່ວມຂອງບັນດາ ຜູ້ນຳໂລກຈຳ ນວນຫຼວງຫຼາຍໃນຕອນເລີ່ມຕົ້ນ, ພ້ອມກັບຄວາມຕັ້ງໃຈທີ່ຈະ ປະຕິບັດໃນທາງເປັນກາງ ແລະ ເປັນສ່ວນລວມ.
ປະທານາທິບໍດີ ບາຣັກ ໂອບາມາ ກ່າວວ່າ “ນີ້ແມ່ນຈຸດພິກຜັນ, ນີ້ແມ່ນເວລາ ຊຶ່ງໃນທີ່ສຸດ ພວກເຮົາໄດ້ຕັດສິນໃຈວ່າພວກເຮົາຈະຮັກສາໂລກຂອງພວກ ເຮົາໄວ້, ມັນແມ່ນການທີ່ວ່າ ບັນດາປະເທດຂອງພວກເຮົາມີຄວາມຮູ້ສຶກຮີບ ດ່ວນ ກ່ຽວກັບສິ່ງທ້າທາຍນີ້ຮ່ວມກັນ ແລະ ຄວາມເປັນຈິງເພີ່ມຂຶ້ນ ເຊິ່ງມັນຢູ່ ໃນຄວາມສາມາດຂອງພວກເຮົາເພື່ອເຮັດບາງຢ່າງກ່ຽວ ກັບມັນ.”
ລັດຖະມົນຕີການຕ່າງປະເທດ ທ່ານ John Kerry ໄດ້ເຮັດວຽກໝົດມື້ໝົດເວັນ ເພື່ອເຮັດໃຫ້ຂໍ້ ຕົກລົງສະບັບນີ້ເກີດຂຶ້ນ, ປະກາດຄຳສັນຍາເພື່ອເພີ່ມການລົງທຶນໃນດ້ານອາກາດ ຂອງ ສະຫະລັດ ຂຶ້ນເປັນສອງເທົ່າ ປະມານ 800 ລ້ານໂດລາ ໃນບັນດາປະເທດທີ່ມີຄວາມສ່ຽງເປັນ ສ່ວນໃຫຍ່.
ຂໍ້ຕົກລົງໄດ້ເກີດຂຶ້ນທັງທີ່ວ່າມີການຄັດຄ້ານນຳໜ້າໂດຍປະເທດ ອິນເດຍ, ຈີນ, ຊາອູດີອາເຣ ເບຍ ແລະ ມາເລເຊຍ. ພວກເຂົາເຈົ້າໄດ້ໂຕ້ຖຽງວ່າ ບັນດາປະເທດ ອຸດສາຫະກຳຄວນແບກ ຮັບພາລະຫຼາຍກວ່ານີ້. ເສດຖະກິດຂອງບັນດາປະເທດ ດັ່ງກ່າວແມ່ນເພິ່ງພາອາໄສນ້ຳມັນທີ່ມາ ຈາກຟອສຊິລ ແລະ ການຫັນມາໃຊ້ ພະລັງງານທີ່ສະອາດກວ່າຈະເປັນ ຄວາມເຈັບປວດ ຢ່າງພິເສດສຳລັບພວກ ເຂົາເຈົ້າ.
ເຈົ້າພາບຈັດກອງປະຊຸມໄດ້ຮຽກຮ້ອງໃຫ້ປະເທດຕ່າງໆໃຫ້ໃຊ້ຄວາມຄິດແບບ ສ່ວນລວມ. ທ່ານໄດ້ກ່າວວ່າ ຂໍ້ຕົກລົງຈະບໍ່ມີຄວາມສົມບູນແບບສຳລັບທຸກໆຄົນ ຖ້າພວກເຂົາເຈົ້າອ່ານ ມັນດ້ວຍຜົນປະໂຫຍດທີ່ຢູ່ໃນຄວາມຄິດຂອງພວກເຂົາ ເຈົ້າເທົ່ານັ້ນ, ແລະ ໄດ້ຮຽກຮ້ອງໃຫ້ ພວກເຂົ້າເຈົ້າຮັບຮອງເອົາເພື່ອເຫັນແກ່ຜົນ ປະໂຫຍດສ່ວນລວມ.
ມີຄວາມບໍ່ເຕັມໃຈບາງຢ່າງຈາກບັນດາປະເທດ ອາຟຣິກາ, ແຕ່ວ່າໃນທີ່ສຸດ, ພວກ ເຂົາເຈົ້າກໍ ໄດ້ຍ່າງອອກໄປພ້ອມກັບເງິນຫຼາຍຕື້ໂດລາ ໃນຄຳສັນຍາຈາກ ຝຣັ່ງ ແລະ ປະເທດອື່ນໆເພື່ອ ໃຫ້ເງິນທຶນກັບໂຄງການພະລັງງານສະອາດຕ່າງໆ.
ທ່ານນາງ Edna Molewa ລັດຖະມົນຕີສິ່ງແວດລ້ອມ ປະເທດ ອາຟຣິກາໃຕ້ ກ່າວວ່າ “ມັນ ຈະບໍ່ມີວັນສົມບູນໄດ້. ມັນເປັນສະຖານະການທີ່ອາໄສເຊິ່ງກັນ ແລະກັນໃນການເຈລະຈາ. ແລະແນ່ນອນສິ່ງທີ່ອອກມາຈາກບ່ອນນີ້, ພວກ ເຮົາຈະຮູ້ວ່າມີບາງຄົນອາດຈະບໍ່ຍິນດີກ່ຽວ ກັບເລື່ອງນີ້ ເລື່ອງນັ້ນ ແລະ ເລື້ອຍໆ ໄປ. ແຕ່ວ່າພວກເຮົາກໍຢູ່ທີ່ນີ້.”
ຂໍ້ຕົກລົງຂັ້ນສຸດທ້າຍບໍ່ເປັນໄປຕາມເປົ້າໝາຍ 2 ອົງສາ ກ່ຽວກັບການເຮັດໃຫ້ ໂລກຮ້ອນຊ້າລົງ ແລະ ບັນດາປະເທດກຳລັງພັດທະນາບໍ່ໄດ້ຮັບການຊົດເຊີຍ ຕາມທີ່ພວກເຂົາເຈົ້າຕ້ອງການ ຈາກປະເທດທີ່ຮັ່ງມີ ສຳລັບຄວາມເສຍຫາຍທາງ ສິ່ງແວດລ້ອມ, ແຕ່ຜູ້ຈັດງານເອີ້ນມັນວ່າ ມີຄວາມສຳຄັນປະຫວັດສາດ ແລະ ກ່າວວ່າມັນເປັນຂີດໝາຍຍຸກໃໝ່ແຫ່ງຄວາມພະຍາຍາມ ຮ່ວມກັນ ແລະ ທົ່ວໂລກ ກ່ຽວກັບ ສະພາບດິນຟ້າອາກາດປ່ຽນແປງ.
Nations Adopt Climate Agreement at COP21 Conference
