ປະເທດຟິຈິ ຮຽກຮ້ອງໃຫ້ 'ເຄົາລົບຕໍ່ພາກພື້ນຂອງຕົນ' ລຸນຫຼັງ ການທົດສອບລູກສອນໄຟຂອງຈີນ

ປະທານາທິບໍດີຂອງປະ​ເທດ​ເກາະ ຟິຈິ ທ່ານ ຣາຕູ ວີເລຍເມ ກາໂຕນິເວຍ (Ratu Wiliame Katonivere) ​ໄດ້ຮຽກຮ້ອງໃຫ້ "ເຄົາລົບພາກພື້ນຂອງ ພວກເຮົາ" ແລະຢຸດການທົດລອງລູກສອນໄຟໃນມະຫາສະຫມຸດປາຊີຟິກ, ຫຼັງຈາກຈີນ ໄດ້ຍິງລູກສອນໄຟຂີປະນາວຸດຂ້າມທະວີບ ຫຼື ICBM, ໃນບົດ ປາໄສຕໍ່ກອງປະຊຸມສະມັດຊາໃຫຍ່ອົງການສະຫະປະຊາຊາດ, ອີງຕາມອົງ ການຂ່າວ Reuters.

ໃນຄຳປາໄສຕໍ່ກອງປະຊຸມສະມັດຊາໃຫຍ່ອົງການສະຫະປະຊາຊາດ ທີ່ນະຄອນ ນິວ ຢອກ ໃນວັນພະຫັດວານນີ້ ທ່ານ ກາໂຕນິເວຍ (Katonivere) ໄດ້ລະນຶກ ເຖິງປະຫວັດສາດຂອງມະຫາສະໝຸດປາຊີຟິກ ວ່າ ເປັນບ່ອນທົດລອງອາວຸດ ນິວເຄລຍ ແລະໄດ້ໃຫ້ຂໍ້ສັງເກດ ກ່ຽວກັບການຍິງລູກສອນໄຟຂີປະນາວຸດ ຂ້າມທະວີບທີ່ບໍ່ຄ່ອຍເກີດຂຶ້ນຂອງຈີນ ໃນວັນພຸດທີ່ຜ່ານມາ.

ທ່ານ​ກ່າວ​ວ່າ “ມີ​ການ​ທົດ​ລອງ​ຍິງ​ລູກ​ສອນ​ໄຟ​ຂີ​ປະ​ນາ​ວຸດ​ພຽງ​ຝ່າຍ​ດຽວ​ ເຂົ້າໄປ​ໃນ​ມະຫາ​ສະໝຸດ​ປາຊີ​ຟິກ. ພວກເຮົາຮຽກຮ້ອງໃຫ້ເຄົາລົບພາກພື້ນຂອງພວກ ເຮົາ ແລະ ຮຽກຮ້ອງໃຫ້ຢຸດການກະທຳດັ່ງກ່າວ.”

ກະຊວງ​ປ້ອງ​ກັນ​ປະ​ເທດ​ຈີນ​ກ່າວ​ໃນ​ວັນ​ພຸດທີ່ຜ່ານມາ​ວ່າ ICBM ທີ່​ບັນທຸກ​ຫົວ​ລະເບີດປອມ ​ໄດ້​ຖືກ​ຍິງ​ໂດຍ​ກອງກຳລັງ​ລູກ​ສອນ​ໄຟ​ຂອງ​ກອງທັບ​ປົດ​ປ່ອຍ​ປະ​ຊາ​ຊົນ​ ໃນ​ເວລາ 8:44 ​ໂມງ​ເຊົ້າ​ຕາມ​ເວລາໃນ​ປັກ​ກິ່ງ ​ໃນ​ວັນ​ພຸດ ​ແລະ "ໄດ້​ຕົກ​ເຂົ້າ​ສູ່​ເຂດ​ທະ​ເລ​ທີ່​ຄາດຄະເນໄວ້".

ທ່ານ ຈິມ ຊາລເມີ (Jim Chalmers) ລັດຖະມົນຕີກະຊວງການເງິນຂອງ ອອສເຕຣເລຍ ກ່າວວ່າ ທ່ານໄດ້ຍົກບັນຫາການທົດລອງລູກສອນໄຟດັ່ງກ່າວ ຂຶ້ນ ໃນການພົບປະກັບຄູ່ຮ່ວມຕຳແໜ່ງຂອງທ່ານ ໃນນະຄອນຫຼວງ ປັກກິ່ງ.

ສື່ມວນຊົນ ໃນ​ເກາ​ະ ເຟຣັນຈ໌ ໂປລິນີເຊຍ (French Polynesia) ​ລາຍ​ງານ​ວ່າ ລູກ​ສອນ​ໄຟ​ດັ່ງກ່າວ ໄດ້​ຕົກ​ໃກ້ກັບ​ເຂດ​ເສດຖະກິດ​ຈຳ​ເພາະຂອງດິນແດນ ໃນມະຫາສະມຸດ​ປາຊີ​ຟິກຂອງ​ຝຣັ່ງ, ໂດຍປະທານາທິບໍດີ ໂມເອໄທ ບຣາເທີສັນ (Moetai Brotherson) ​ໄດ້​ສະ​ແດງ​ຄວາມ​ປະຫຼາດໃຈ ​ແລະ ຄວາມ​ກັງວົນ.

ທ່ານ ບຣາເທີສັນ (​Brotherson) ໄດ້​ສົ່ງ​ຈົດໝາຍ​ປະ​ທ້ວງ​ໄປ​ຍັງ​ສະຖານທູດ​ຈີນ ພາຍຫຼັງໄດ້​ຮູ້ກ່ຽວກັບ ​ການ​ຍິງ​ລູກ​ສອນ​ໄຟ​ດັ່ງກ່າວ ໃນ​ສື່, ອີງຕາມການ ລາຍງານຂອງ ວິທະຍຸ ​ຕາ​ຮິ​ຕີ.

ອ່ານຂ່າວເປັນພາສາອັງກິດລຸ່ມນີ້:

SYDNEY, Sept 27 (Reuters) - Fijian President Ratu Wiliame Katonivere called for "respect for our region" and a stop to missile tests in the Pacific Ocean, after China launched an intercontinental ballistic missile.

In a speech to the United Nations General Assembly in New York on Thursday, Katonivere recalled the Pacific Ocean's history as a nuclear weapons testing ground, and noted Wednesday's rare launch by China of an intercontinental ballistic missile.

"There was a unilateral test firing of a ballistic missile into the Pacific Ocean. We urge respect for our region and call for cessation of such action," he said.

The ICBM, carrying a dummy warhead, was launched by the People's Liberation Army Rocket Force at 8:44 a.m. Beijing time (0044 GMT) on Wednesday and "fell into expected sea areas," the Chinese defence ministry said on Wednesday.

Australian Treasurer Jim Chalmers said he had raised the missile test in a meeting with his counterpart in Beijing.

In French Polynesia, media reported the missile landed near to the French Pacific territory's exclusive economic zone, with President Moetai Brotherson expressing surprise and concern.

Brotherson sent a protest letter to the Chinese Embassy after learning of the missile launch in the media, Radio Tahiti reported.