ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ການຕໍ່​ສູ້​ກັນ ​ໄດ້ເລີ່ມຂຶ້ນໃນຖະ​ໜົ​ນ​ຫົນ​ທາງ ​ໃນເມືອງ​ທ່າ​ສຳ​ຄັນ ຂອງ​ເຢເມັນ


ຊາຍຜູ້ນຶ່ງຢືນຢູ່ຂ້າງລົດທີ່ເພພັງ ຈາກລະເບີດໃກ້ໆກັບ ໂຮງພະຍາບາ (al-Thawra) ໃນເມືອງເມືອງໂຮໄດດາ, ເຢເມັນ, 2 ພຶດສະພາ 2018.
ຊາຍຜູ້ນຶ່ງຢືນຢູ່ຂ້າງລົດທີ່ເພພັງ ຈາກລະເບີດໃກ້ໆກັບ ໂຮງພະຍາບາ (al-Thawra) ໃນເມືອງເມືອງໂຮໄດດາ, ເຢເມັນ, 2 ພຶດສະພາ 2018.

ການຕໍ່​ສູ້​ກັນ ໄດ້​ເລີ່ມຂຶ້ນໃນຖະ​ໜົ​ນ​ຫົນ​ທາງ ​ໃນເມືອງ​ທ່າ​ສຳ​ຄັນ ໂຮ​ໄດ​ດາຂອງ​ເຢເມັນ
ລະ​ຫວ່າງ ກຸ່ມ​ກະ​ບົດ​ຮູ​ຕີ ທີ່​ໜຸນ​ຫຼັງ​ໂດຍ​ ອີ​ຣ່ານ ແລະ​ກອງ​ກຳ​ລັງ​ປະ​ສົມ ທີ່​ນຳ​ພາ​ໂດຍ
​ຊາ​ອຸ​ດີ ນັ້ນ.

ເຈົ້າ​ໜ້າ​ທີ່​ ທີ່​ສະ​ໜັບ​ສະໜຸນກອງ​ທັບ​ເຢ​ເມັນ ໄດ້​ກ່າວ​ໃນ​ວັນ​ອາ​ທິ​ດ​ວານ​ນີ້​ວ່າ ​ກຳ​ລັງ
​ທະຫານໄດ້​ແນ​ເປົ້າ​ໝາຍ​ໃສ່ເພື່ອ “ກວດ​ລ້າງ” ພວກ​ກະ​ບົດອອກໄປຈາກເມືອງ​ ​ທີ່ພວກ
ເຂົາໄດ້​ຄວບ​ຄຸມມາ​, ບ່ອນ​ທີ່​ເກືອບ​ວ່າ ອາ​ຫາ​ທັງ​ໝົດ ແລະ​ຢຸກ​ຢາ​ທັງ​ຫຼາຍ ແລະ​ເຄື່ອງ
​ໃຊ້​ຂອງ​ສອຍອື່ນໆ ສຳ​ລັບ​ພົນ​ລະ​ເຮືອນ​ ​ແມ່ນ​ຖືກ​ສົ່ງ​ໄປ​ຍັງ​ທີ່​ນັ້ນ.

ພວກ​ພະ​ນັກ​ງານ​ເພື່ອ​ມະ​ນຸດ​ສະ​ທຳ ຢ້ານວ່າ​ຈະມີ​ການ​ລົບ​ກວນ​ການ​ລຳ​ລຽງ​ສຳ​ພາ​ລະ
ເຂົ້​າຂອງ​ຕ່າງໆທີ່ສົ່ງໄປ​ນັ້ນ ອັນໝາຍ​ເຖິງ ການ​ອຶດຫິວຕາຍເປັນ​ຈຳ​ນວນ​ຫຼວງ​ຫຼາຍ
ໃນ​ປະ​ເທດ​ທີ່​ອຶດ​ຢາກ​ຢູ່​ແລ້ວ​ນັ້ນ.

ຊາ​ອຸ​ດີ ກ່າວ​ຫາວ່າ ກຸ່ມ​ກະ​ບົດ​ຮູ​ຕີ ແມ່ນ​ໃຊ້​ເມືອງ​ທ່າ​ດັ່ງ​ກ່າວ ເປັນ​ບ່ອນ​ລຳ​ລຽງ​ອາ​ວຸດ​
ຂອງ​ອີ​ຣ່ານ ຊຶ່ງ​ທາງ​ອີ​ຣ່ານ​ປະ​ຕິ​ເສດ.

ລາຍ​ງານ​ຫຼາຍ​ສະ​ບັບ ກ່າວ​ວ່າ ມີ​ຢ່າງ​ນ້ອຍ​ພົນ​ລະ​ເຮືອນ 7 ຄົນ ໄດ້​ຖືກ​ສັງ​ຫານ
ຈາກການ​ປະ​ທະ​ກັນ ຢູ່​ໃນທ້ອງ​ຖະ​ໜົນ.

“ພວກ​ເຮົາ ໄດ້​ຍິນ​ສຽງ​ປືນໃຫຍ່ຢ່າງ​ແຮງ ແລະ​ພວກ​ເຂົາ​ເຈົ້າ​ກໍ​ໃຊ້​ອາ​ວຸດ​ທຸກ​ຮູບ​ແບບ.
ມັນ​ເປັນ​ຕາ​ຢ້ານ​ແທ້ໆ​.” ຊຶ່ງ​ຜູ້​ຢູ່​ອາ​ໄສ ໃນ​ເມືອງ​ໂຮ​ໄດ​ດາ ໄດ້​ກ່າວ​ໃນ​ສັນ​ອາ​ທິດ​ວານ​ນີ້
ແລະ​ກ່າວ​ຕໍ່​ໄປ​ວ່າ “ເຮືອ​ບິນ​ເຮ​ລິ​ຄອບ​ເຕີ​ກໍ​ຖິ້ມ​ລະ​ເບີດ​ໃສ່ຝ່າຍ​ຄ້ານຊາວ​ຮູ​ຕີ ຕະຫຼອດມື້.”

ຊາວ​ເຢ​ເມັນ​ບາງ​ຄົນ​ ຍັງ​ກ່າວ​ວ່າ ເຂົາ​ເຈົ້າ​ໄດ້​ເຫັນ​ພ​ວກ​ດັກ​ສະ​ກັດ​ຍິງ ຢູ່​ເທິງ​ຫຼັງ​ຄາ​ເຮືອນ
ທົ່ວ​ເມືອງ.

ບາງ​ກຸ່ມ​ພາ​ກັນ​ຢ້ານ ​ວ່າພວກ​ຜູ້​ປ່ວຍທີ່ໂ​ຮງ​ພະ​ຍາ​ນານ ​ຈະບໍ່​ປອດ​ໄພ​ ​ທີ່​ອ້ອມ​ຮອບ​ໄປ​
ດ້ວຍ​ພວກ​ນັກ​ຕໍ່​ສູ້ກຸ່ມ​ກະ​ບົດຈຳນວນ​ເຈົ້າ​ໜ້າ​ທີ່​ຂັ້ນ​ສູງ​ຂອງອະດີດ​ລັດ​ຖະ​ບານທ່ານ
​ໂອ​ບາ​ມາ ພວມ​ຮຽກ​ຮ້ອງ​ໃຫ້​ທ່ານທ​ຣຳ ໃນ​ທຳ​ນຽມ​ຂາວ ​ຕັດ​ການ​ສະ​ໜັບ​ສະ​ໜຸນ​
ໃນ​ທຸກ​ຮູບ​ແບບຕໍ່ກອງ​ກຳ​ລັງ​ປະ​ສົມ​ຊາ​ອຸ​ດີໃນ​ເຢ​ເມັນ.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

XS
SM
MD
LG