ລິ້ງ ສຳຫລັບເຂົ້າຫາ

ເຈົ້າໜ້າທີ່ ສຫລ ກ່າວວ່າ ການສູ້ລົບ ຍາດເອົາ ເມືອງຣັກກາ ອາດເລີ່ມຂຶ້ນ ໄວໆນີ້


FILE - This frame grab from a video provided by the Syria Democratic Forces shows fighters from the SDF opening fire on an Islamic State group's position, in Raqqa's eastern countryside, Syria, March 6, 2017.

ເຈົ້າໜ້າ​ທີ່​ກອງທັບ​ສະຫະລັດກ່າວ​ວ່າ ກອງ​ກຳລັງ​ປະຊາທິປະ​ໄຕຊີ​ເຣຍທີ່ໄດ້​ຮັບການ
​ໜຸນ​ຫລັງ​ ​ໂດຍ​ສະຫະລັດ ​ໄດ້​ບຸກ​ເຂົ້າ​ໄປ​ ໃນ​ລັດສະໝີ 3 ກິ​ໂລ​ແມັດ ຫ່າງ​ຈາກ ​ເມືອງ​
ຫລວງຂອງ​ກຸ່ມ​ລັດ​ອິສລາມ ​ໃນ​ຊີ​ເຣຍ ​ແລະ​ການ​ສູ້​ລົບ​ກັນ​ຢ່າງໜັກ​ເພື່ອ​ເຂົ້າຄວບ​ຄຸມ
​ເມືອງ Raqqa ຈາກ​ພວກຫົວ​ຮຸນ​ແຮງ​ລັດ​ອິສລາມ “ອາດ​ຈະເລີ້ມຂຶ້ນ ​ໃນ​ໄລຍະ​ ສອງ​
ສາມມື້ຂ້າງ​ໜ້ານີ້.”

​ໃນ​ການ​ຖະ​ແຫຼງຕໍ່​ພວກ​ນັກ​ຂ່າວ​ຈາກ​ນະຄອນຫຼວງ​ແບກ​ແດັດ​ຂອງ​ອີຣັກ ​ໂຄສົກຂອງ​
ແນວ​ໂຮມ​ຕໍ່ຕ້ານ​ກຸ່ມ​ລັດ​ອິສລາມ ພາຍ​ໃຕ້​ການ​ນຳພາ​ຂອງ​ສະຫະລັດ ພັນ​ເອກ Ryan
Dillon ກ່າວ​ວ່າ ກຳລັງ​ປະຊາທິປະ​ໄຕຊີ​ເຣຍ “​ໄດ້​ກະຈາຍ​ກຳ​ລັງອ້ອມ​ເມືອງ Raqqa”
ຫລັງ​ຈາກ​ໄດ້​ເຂົ້າຄວບ​ຄຸມພື້ນທີ່ 350 ກິ​ໂລ​ແມັດ​ມົນທົນຈາກ​ກຸ່ມ​ລັດ​ອິສລາມ​ໃນ​ຊີ​ເຣຍ ​
ມື່ອ​ອາທິດ​ແລ້ວນີ້.

ອີງ​ຕາມ​ພັນ​ເອກ Dillon ​ແລ້ວ ກຳລັງ​ປະຊາທິປະ​ໄຕຊີ​ເຣຍແມ່ນ​ຕັ້ງຢູ່​ຫ່າງ​ຈາກເມືອງ
Raqqa ສາມ​ຫລັກ​ກິ​ໂລ​ແມັດ ​ໄປ​ທາງ​ທິດ​ເໜືອ​ ແລະ​ຕາ​ເວັນ​ອອກ ​ແລະປະມານ 10
ກິ​ໂລ​ແມັດ ຫ່າງ​ຈາກ​ເມືອງ​ດັ່ງກ່າວ​ໄປ​ທາງ​ທິດຕາ​ເວັນ​ຕົກ.

ນາຍ​ທະຫານ​ສະຫະລັດ​ອີກ​ທ່ານ​ນຶ່ງທີ່​ຂໍ​ສະຫງວນ​ຊື່​ໄດ້​ກ່າວຕໍ່​ວີ​ໂອ​ເອວ່າ “ການສູ້​ລົບ
​ເພື່ອ​ເຂົ້າຄວບ​ຄຸມ​ເມືອງ​ດັ່ງກ່າວ ອາດ​ຈະ​ເລີ້ມຂຶ້ນ​ໃນ​ສອງ​ສາມມື້ຂ້າງ​ໜ້ານີ້. ການ​ປິດ​
ລ້ອມ​ເມືອງ Raqqa ​ແມ່ນ​ເກືອບ​ວ່າ​ຈະ​ສຳ​ເລັດ​ແລ້ວ.”

ແຜນທີ່ເມືອງຣັກກາ
ແຜນທີ່ເມືອງຣັກກາ

ກອງທັບ​ສະຫະລັດ​ໃຫ້ການ​ຢືນຢັນ ​ໃນຕົ້ນອາທິດ​ນີ້​ວ່າ ຕົນ​ໄດ້​ເລີ້ມ​ແຈ​ກຢາຍ​ອາວຸດ
​ແລະ​ລົດ​ ໃຫ້​ແກ່​ພວກ​ນັກ​ລົບ​ຊາວ​ເຄີ​ດ​ໃນ​ຊີ​ເຣຍ ​ເພື່ອ​ກຽມ​ບຸກ​ໂຈມ​ຕີ​ເມືອງ Raqqa.
ການ​ເຄື່ອນ​ໄຫວ​ດັ່ງກ່າວ​ນີ້ ​ເຮັດ​ໃຫ້​ສະຫະລັດ​ຂັດ​ໃຈ​ກັນ​ກັບ​ເທີ​ກີ​ ຊຶ່ງເປັນພັນທະ​ມິດ
​ຂອງ​ອົງການ​ເນ​ໂຕ້ ທີ່​ໄດ້​ໂຕ້​ຖຽງ​ວ່າ ກຳລັງ​ປະຊາທິປະ​ໄຕ​ຊີ​ເຣຍ ຂອງ​ທະຫານ​ບ້ານ
ຊາວ​ເຄີ​ດ ​ແມ່ນ​ກຸ່ມ​ກໍ່​ການ​ຮ້າຍທີ່​ເປັນ​ເຄືອ​ຂ່າຍ​ຂອງ​ພັກ​ກຳມະກອນເຄີ​ດດິສຖານ​ ຫຼື
PKK ຊຶ່ງ​ເປັນ​ກຸ່ມ​ກໍ່​ການ​ຮ້າຍ​ທີ່​ໄດ້​ທຳ​ການ​ສູ້​ລົບ​ກັບ​ລັດຖະບານ​ເທີ​ກີ​ມາ​ໄດ້​ຫລາຍໆ​
ປີ​ແລ້ວ.

ພັນ​ເອກ Dillon ກ່າວ​ວ່າ ກອງ​ກຳລັງ​ປະຊາທິປະ​ໄຕ​ໃນ​ຊີ​ເຣຍ ໄດ້ເຕືອນ​ໃຫ້​ປະຊາ
​ຊົນ ​ອອກ​ຈາກເມືອງ Raqqa ກ່ອນ​ທີ່​ການ​ສູ້​ລົບ​ຈະ​ເລີ້ມຂຶ້ນ ຊຶ່ງ​ໃນ​ເວລາ​ນີ້ມີ​ເກືອບ
200,000 ຄົນ​ແລ້ວ ​ໄດ້​ພາກັນ​ອົບ​ພະຍົບໜີ. ທ່ານ Dillon ກ່າວ​ຕື່ມ​ວ່າ ສູນ​ຂອງ​ຜູ້
​ຫລົບ​ໄພ​ໄດ້​ຕັ້ງຂຶ້ນອ້ອມແອ້ມ​ເມືອງ​ດັ່ງກ່າວ ​ໂດຍ​ທີ່​ກຳລັງ​ປະຊາທິປະ​ໄຕ​ໃນ​ຊີ​ເຣຍ​
ເປັນ​ຜູ້​ເລືອກ​ສະຖານ​ທີ່ເພື່ອ​ປ້ອງ​ກັນ​ບໍ່​ໃຫ້​ພວກ​ຫົວ​ຮຸນ​ແຮງ​ລັດອິສລາມ​ພາກັນ​ຫຼົບ
ໜີ ​ໂດຍ​ປອມ​ຕົວ​ເຂົ້າ​ໄປ​ປົນ​ກັບ​ພວກ​ພົນລະ​ເຮືອນ​ທີ່​ພາກັນໜີ​ອອກ​ຈາກ​ເມື​ອງດັ່ງ
ກ່າວ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG