ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ຢ່າງໜ້ອຍ 51 ຄອບຄົວ ຕົກລົງ ຮັບເອົາ ຄ່າເສຍຫາຍ ຈາກບໍລິສັດ GM


ພາບພວງມະໄລ ແລະກະແຈຕິດຈັກລົດ Chevrolet Cobalt ປີ 2005 ຂອງບໍລິສັດ General Motors.
ພາບພວງມະໄລ ແລະກະແຈຕິດຈັກລົດ Chevrolet Cobalt ປີ 2005 ຂອງບໍລິສັດ General Motors.

ຢ່າງ​ໜ້ອຍ 51 ຄອບຄົວ​ ກຳລັງຕົກລົງກັນກ່ຽວກັບຄ່າເສຍຫາຍ
ກັບບໍລິສັດ​ General Motors ຊຶ່ງເປັນບໍລິສັດສ້າງ​ລົດ​ທີ່​ໃຫຍ່
​ສຸດ​ຂອງສະຫະລັດ ເພາະເກີດອຸປະຕິເຫດຕຳ​ກັນ​ຕາຍ​ຢ່າງ​ຮ້າຍ​
ແຮງ ຍ້ອນກະ​ແຈ​ຕິດຈັກ​ລົດ​ທີ່​ບົກຜ່ອງ ຢູ່​ໃນ​ລົດ​ຂະ​ໜາດ​ນ້ອຍ
ທີ່​ໄດ້​ຜະລິດ​ເມື່ອ​ນຶ່ງ​ທົດ​ສະ​ວັດ​ກ່ອນນັ້ນ.

ນອກນັ້ນ ຍັງມີຜູ້ໄດ້​ຮັບ​ບາດ​ເຈັບ 77 ​ຄົນ​ທີ່ໄດ້​ຮັບ​ເງິນຊົດເຊີຍ
ທີ່ບໍ່ມີການ​ເປີດ​ເຜີຍ​ຈຳນວນນຶ່ງ ໂດຍເຈົ້າໜ້າທີ່ຄຸ້ມຄອງກອງ
ທຶນ ​ທີ່​ເປັນ​ອິດສະຫຼະ ຊຶ່ທີ່ຕັ້ງຂຶ້ນ ມາໂດຍບໍລິສັດ GM. ບໍລິສັດ​
ສ້າງ​ລົດ​ຮູ້​ດີ​ກ່ຽວກັບບັນຫາ​ບ່ອນ​ຕິດ​ຈັກ ຢູ່​ໃນລົດ 2 ລ້ານ 6 ​
ແສນ​ຄັນ ​ເປັນ​ເວລາ​ກວ່ານຶ່ງ​ທົດ​ສະ​ວັດ​ທີ່​ຜ່ານ​ມາ ​ແຕ່ວ່າ ບໍ່​ໄດ້​
ຮ້ອງເອົາລົດ​ກັບ​ຄືນມາແປງ ຈົນ​ກວ່າ​ຕົ້ນ​ປີ​ກາຍ​ນີ້.

​ເວລາ​ບ່ອນ​ຕິດ​ຈັກ​ລົດ​ບໍ່ເຮັດວຽກ ລະບົບຄວບຄຸມ​ພວງ​ມະ​ໄລລົດ ຖົງ​ອາກາດ ​ແລະ​ລະບົບ
​ໄຟຟ້າ​ອຶ່ນໆ​ ໄດ້​ຢຸດ​ເຊົາບໍ່​ປະ​ຕິ​ບັດ​ງານ.

ຈຳ​ນວນ​ການ​ຈ່າຍ​ເງິນຊົດເຊີຍ ອາດ​ເພີ້​ມຂື້ນ​ຕື່ມຢ່າງຫຼວງຫຼາຍ ໃນໄລຍະ​ຫລາຍເດືອນ
​ຕໍ່ໜ້າ​ນີ້.

ບັນດາ​ຜູ້​ຂັບ​ລົດ​ເກືອບ 4,200 ຄົນ ​ແລະ​ຄອບຄົວ​ເຂົາ​ເຈົ້າ ​ໄດ້​ຍືນ​ຟ້ອງເອົາ​ຄ່າ ເສຍ​ຫາຍ​ກ່ຽວກັບບ່ອນ​ຕິດ​ຕັກ​ລົດທີ່ບົກຜ່ອງ ​ໃນ​ວັນ​ເສົາ​ແລ້ວ​ນີ້ ທີ່​ເປັນວັນ​ເສັ້ນ​ຕາຍ ແລະການຟ້ອງ
ຮ້ອງ​ຂ​ອງ​ເຂົາ​ເຈົ້າ ບັດ​ນີ້​ຈະ​ຖືກ​ທົບທວນ​ເບິ່ງ.

US AUTO DEATHS SOTVO
please wait
Embed

No media source currently available

0:00 0:01:35 0:00

XS
SM
MD
LG