ລິ້ງ ສຳຫລັບເຂົ້າຫາ

58 ຄົນ ເສຍຊີວິດ ໃນການໂຈມຕີ ຄຸ້ມບ່ອນຢູ່ ຂອງ ສປຊ ທີ່ຊູດານໃຕ້ (ວີດີໂອ)


ລັດຖະມົນຕີ ຕ່າງປະເທດ ຊູດານໃຕ້ ທ່ານ Barnaba Marial Benjamin ກຳງລັງຖະແຫລງ ຕໍ່ກອງປະຊຸມນັກຂ່າວ.
ບັນດາ​ເຈົ້າ​ໜ້າ​ທີ່ ສະຫະ​ປະຊາ​ຊາດ ກ່າວ​ວ່າ ຈຳນວນ​ຜູ້ເສຍ​
ຊີວິດ ​ໃນ​ການ​ໂຕມຕີ​ ຄຸ້ມບ່ອນຢູ່​ຂອງອົງການ ສະຫະປະຊາ
ຊາດ ​ເມື່ອ​ວັນ​ພະຫັດ​ຜ່ານ​ມາ ທີ່ ຊູ​ດານ​ໃຕ້ ​ໄດ້​ເພີ້​ມຂື້ນ​ເປັນ
58 ຄົນ ​ແລະ​ຫລາຍ​ກວ່າ 100 ຄົນ​ໄດ້​ຮັບ​ບາດ​ເຈັບ.

ພວກ​ເຈົ້າ​ໜ້າ​ທີ່ກ່າວ​ວ່າ ຜູ້​ເຄາະ​ຮ້າຍ​ແມ່ນ​ມີ​ຮວມ​ທັງ ພວກ​ຜູ້
ຍິງ​ແລະ​ເດັກນ້ອຍ ແລະ​ວ່າ ຜູ້​ເຄາະ​ຮ້າຍ​ຫລາຍ​ຄົນ​ເປັນ ຊາ​ວ
ເຜົ່າ Nuers ທີ່​ໄດ້​ພາກັນເຂົ້າ​ໄປ​ລີ້​ໄພ​ຢູ່​ໃນ​ຄຸ້ມ​ດັ່ງກ່າວ ໃນ​
ເມືອງ Bor ຫລັງ​ຈາກໄດ້​ມີການ​ສູ້​ລົບເກີດ​ຂື້ນ ​ໃນ​ປະ​ເທດ
ທ້າຍ​ປີ​ກາຍ​ນີ້.

ບັນດາ​ຜູ້​ເຫັນເຫດການ ກ່າວ​ວ່າ ພວກ​ທຳ​ການ​ໂຈມ​ຕີ ​ໄດ້​ພາກັນ​ປະ​ທ້ວງ​ຢູ່​ຕໍ່ໜ້າຄຸ້ມ
​ກ່ອນສະຖານະການ​ໄດ້ປ່ຽ​ນ​ໄປ​ເປັນ​ຮຸນ​ແຮງ. ເຈົ້າ​ໜ້າ​ທີ່ສະຫະ​ປະຊາ​ຊາດ ກ່າວ​ວ່າ
ພວກປະ​ທ້ວງ​ທີ່​ຖື​ອາວຸດ ​ໄດ້​ພາກັນ​ບຸກ​ເຂົ້າໄປໃນ​ຄ້າຍ ​ແລະ​ຍິງໃສ່ພວກ​ພົນລະ​ເຮືອນ.

ແຕ່​ວ່າ ລັດຖະມົນຕີ ກະຊວງ​ຖະ​ແຫລ​ງຂ່າວ ຊູ​ດານ​ໃຕ້ ທ່ານ Michael Makuei ກ່າວ​
ວ່າ ໜ່ວຍ​ປະຕິບັດ​ງານຈາກສະຫະ​ປະຊາ​ຊາດ ຫລື​ໜ່ວຍ UNMISS ​ໄດ້​ຍິງ​ປືນ​ຂື້ນ​ຟ້າ
ອັນ​ເປັນ​ການ​ກໍ່ກວນ​ໃຫ້ເກີດການ​ໂຈມ​ຕີ.
XS
SM
MD
LG