ເຈົ້າໜ້າທີ່ຮັບຜິດຊອບ ກ່ຽວກັບການເດີນເຮືອທາງທະເລຂອງ
ກຣີສກ່າວວ່າມີຢ່າງໜ້ອຍ 15 ສົບໄດ້ຖືກພົບເຫັນໃນເຫດເຮືອ
ຫລົ້ມ 2 ຄັ້ງ ຢູ່ນອກແຄມຝ່ັງທະເລຂອງບັນດາເກາະດອນກຣີສ
ໃນຂະນະທີ່ປາກົດວ່າ ກະແສຟອງ ທີ່ບໍ່ຮູ້ຈັກສິ້ນສຸດ ຂອງພວກ
ອົບພະຍົບຍັງສືບຕໍ່ພາກັນເດີນທາງຂ້າມນ້ຳຂ້າມທະເລ ທີ່ເປັນ
ອັນຕະລາຍໃນລະດູໜາວ ເພື່ອເຂົ້າໄປລີ້ໄພຢູ່ໃນຢູໂຣບ. ການ
ຄົ້ນຫາພວກອົບ ທີ່ຫາຍສາບສູນ ຍັງດຳເນີນຢູ່ຕໍ່ໄປ.
ໜ່ວຍຍາມຝັ່ງຂອງກຣີສກ່າວວ່າ 41 ຄົນສາມາດລອຍເຂົ້າໄປ
ຫາແຄມຝັ່ງຫຼັງຈາກເຮືອເຂົາເຈົ້າໄດ້ຫລົ້ມຢູ່ນອກແຄມຝັ່ງຂອງ
ເກາະ Farmakonissi ຊຶ່ງເປັນດອນນ້ອຍໆ ໃນເຂດພາກຕາ
ເວັນອອກຂອງທະເລ Aegean. ມີ 7 ສົບຖືກຄົ້ນພົບທີ່ນັ້ນ.
ອົບພະຍົບ ຫຼາຍເປັນປະຫວັດການ ໄປຮອດກຣີສ
ໃນເຫດຮ້າຍຢູ່ອີກບ່ອນນຶ່ງ ມີ 26 ຄົນລອດຊີວິດມາໄດ້ຫລັງຈາກເຮືອເຂົາເຈົ້າໄດ້ຫລົ້ມຢູ່ນອກແຄມຝັ່ງຂອງເກາະ Kalolimnos. ເຈົ້າໜ້າທີ່ກ່າວວ່າ ມີ 8 ສົບ ໄດ້ພົບເຫັນຢູ່ທີ່ນັ້ນ.
ອົງການຈັດຕັ້ງສາກົນເພື່ອການເຄື່ອນຍ້າຍຂອງປະຊາກອນຫຼື IOM ກ່າວໃນຕົ້ນອາທິດ
ນີ້ວ່າ ນັບແຕ່ປີ 2016 ເປັນຕົ້ນມາ ກະປະມານວ່າ ມີພວກຍົກຍ້າຍຖິ່ນຖານ ແລະອົບພະ ຍົບ 31,244 ຄົນ ໄດ້ເດີນທາງໄປເຖິງກຣີສໂດຍທາງທະເລ. ອົງການດັ່ງກ່າວຍັງເວົ້າວ່າ
ໂຕເລກນີ້ແມ່ນຫລາຍເທົ່າສູງກວ່າ 1,472 ຄົນ ທີ່ໜ່ວຍຍາມຝັ່ງຂອງກຣີສໄດ້ຈົດບັນທຶກ
ໃນເດືອນມັງກອນປີ 2016 ນີ້.
ອົງການ IOM ກ່າວວ່າ ໂຕເລກຂອງພວກທີ່ເດີນທາງ ໄປເຖິງກຣີສ ໂດຍທາງທະເລນັ້ນ ອາດລື່ນຈຳນວນພວກຍົກຍ້າຍຖິ່ນຖານ ແລະອົບພະຍົບ 853,650 ຄົນ ທີ່ເດີນທາງໄປ
ເຖິງກຣີສໂດຍທາງທະເລໃນປີກາຍນີ້ ຢ່າງຫຼວງຫຼາຍ.
