ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

FIFA ພິ​ຈາ​ລະ​ນາ​ປົດ​ສະ​ຫະ​ພັນ​ເຕະ​ບານ ອິ​ສ​ຣາ​ແອ​ລ ອອກ​ຈາກ​ກາ​ນ​ແຂ່ງ​ຂັນ​ສາ​ກົນ


FIFA mulls suspension of Israel soccer federation
please wait

No media source currently available

0:00 0:01:53 0:00

ຊົມ​ວິ​ດີ​ໂອ ກ່ຽວ​ກັບ ລາຍ​ງານນີ້

ສົງ​ຄາມ​ຂອງ ອິ​ສ​ຣາ​ແອ​ລ ໃນ​ເຂ​ດ ກາ​ຊາ ໄດ້​ເຮັດ​ໃຫ້​ບັນ​ດາ​ນັກ​ວິ​ຈານ​ ກ່ຽວ​ກັບ ການ​ໂຈມ​ຕີ​ຂອງ ອິ​ສ​ຣາ​ແອ​ລ ຈຳ​ນວນ​ນຶ່ງ ​ຮຽກ​ຮ້ອງ​ໃຫ້ປົດ​ປະ​ເທດຢິວນັ້ນ​ອອກ​ຈາກ​ອົງ​ການ​ປົກ​ຄອງ​ກິ​ລາ​ເຕະ​ບານ​ສາ​ກົນ ຫຼື FIFA. ນັກ​ຂ່າວ​ວີ​ໂອ​ເອ ຢູ​ນີ ຊາ​ລິມ ມີ​ລາຍ​ງານ ກ່ຽວ​ກັບ ຄວາມ​ພະ​ຍາ​ຍາມ​ທີ່​ຈະ​ປ້ອງ​ກັນ​ບໍ່​ໃຫ້ ອິ​ສ​ຣາ​ແອ​ລ ເຂົ້າ​ຮ່ວມ​ໃນການ​ແຂ່ງ​ຂັນສາ​ກົນ. ພຸດ​ທະ​ສອນ ຈະ​ນຳ​ລາຍ​ລະ​ອຽດ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ອົງ​ການ​ປົກ​ຄອງ​ກິ​ລາ​ເຕະ​ບານ​ສາ​ກົນ ຫຼື FIFA, ແມ່ນ​ມີ​ກຳ​ນົດ​ທີ່​ຈະ​ຕັດ​ສິນ​ຂໍ້​ສະ​ເໜີ​ເພື່ອ​ປົດ ອິ​ສ​ຣາ​ແອ​ລ ອ​ອກ​ຈາກ​ການ​ແຂ່ງ​ຂັນ​ເຕະ​ບານ​ສາ​ກົນ​ ໃນ​ວັນ​ທີ 20 ກໍ​ລະ​ກົດ​ນີ້.

ໃນ​ລະ​ຫວ່າງກອງ​ປະ​ຊຸມ​ຂອງ FIFA ຢູ່ ບາງກອກ ເມື່ອ​ເດືອນ​ພຶ​ດ​ສະ​ພາ​ທີ່​ຜ່ານ​ມາ, ຄະ​ນະ​ຜູ້​ແທນ​ຂອງ ປາ​ແລັ​ສ​ໄຕ​ນ໌, ທີ່​ໄດ້​ຮັບ​ການ​ໜູນຫຼັງ​ໂດຍ​ສະ​ມາ​ຄົມ​ເຕະ​ບານ​ເອ​ເຊຍ ແລະ ອື່​ນໆ, ໄດ້​ຮຽກ​ຮ້ອງ​ໃຫ້​ປົດ​ ອິ​ສ​ຣາ​ແອ​ລ ອອກ.

ທ່ານ ຈຸ​ສ​ຕີ​ນຸ​ສ ລັກ​ຊານ​ນາ ແມ່ນ​ຜູ້​ບັນ​ຍາຍ​ກິ​ລາ​ເຕະ​ບານ ​ໃນ​ນະ​ຄອນຫຼວງ ຈາ​ກາ​ຕ້າ ຂອງອິນ​ໂດ​ເນ​ເຊຍ.

ທ່ານ ຈຸ​ສ​ຕີ​ນຸ​ສ ລັກ​ຊານ​ນາ ກ່າວ​ວ່າ “ຖ້າ​ເປັນ​ໄປ​ໄດ້, ການ​ຫ້າມ​ດັ່ງ​ກ່າວ​ ຄວນ​ຖືກ​ຈັດ​ຕັ້ງ​ປະ​ຕິ​ບັດໃນ​ທັນ​ທີ ສະ​ນັ້ນ ອິ​ສ​ຣາ​ແອ​ລ ຈຶ່ງ​ຈະຢຸດ​ການ​ໂຈມ​ຕີ​ຂອງ​ເຂົາ​ເຈົ້າ.”

ທ່ານ ລັກ​ຊານ​ນາ ກ່າວ​ວ່າ FIFA ໄດ້​ປົດຫຼາຍ​ທີມ​ມາ​ແລ້ວ, ຫຼ້າ​ສຸດ​ແມ່ນ​ປີ 2022.

ທ່ານ ຈຸ​ສ​ຕີ​ນຸ​ສ ລັກ​ຊານ​ນາ ກ່າວ​ວ່າ “ກ່ອນ​ໜ້ານີ້, ເວ​ລາ​ທີ່ ຣັດ​ເຊຍ ໄດ້​ເຂົ້າ​ໄປ​ໃນ​ເຂດ​ແດນ​ຂອງ ຢູ​ເຄ​ຣນ, ເຊິ່ງ​ແມ່ນ​ເຂດ​ແດນ​ຂອງ​ອີກ​ປະ​ເທດ​ນຶ່ງ, ຣັດ​ເຊຍ ກໍ​ໄດ້​ຖືກ​ປົດ​ອອກ​ໄປ.”

ໃນ​ຂະ​ນະ​ທີ່​ພຽງແຕ່ 140 ກວ່າປະ​ເທດ ​ຈາກ 193 ປະ​ເທດ​ຂອງ​ອົງ​ການ​ສະ​ຫະ​ປະ​ຊາ​ຊາດ​ທີ່​ຮັບ​ຮູ້ ປາ​ແລັ​ສ​ໄຕ​ນ໌ ດັ່ງ​ກັບ​ລັດ​ນຶ່ງ​ນັ້ນ, ສະ​ມາ​ຄົມ​ເຕະ​ບານ ປາ​ແລັ​ສ​ໄຕ​ນ໌ ແມ່ນ​ໄດ້​ເປັນ​ສະ​ມາ​ຊິກ​ຂອງ​ FIFA ນັບ​ຕັ້ງ​ແຕ່​ປີ 1998.

ຄະ​ນະ​ຜູ້​ແທນ​ຂອງ ອິ​ສ​ຣາ​ແອ​ລ ໄດ້​ປະ​ຕິ​ເສດ​ການ​ຮຽກ​ຮ້ອງ​ເພື່ອ​ປົດການເປັນສະມາຊິກຂອງສະ​ຫະພັນ​ກິລາເຕະ​ບານ​ຂອງ​ເຂົາ​ເຈົ້າ ​ດັ່ງ​ກັບ​ແຮງຈູງໃຈທາງ​ການ​ເມືອງ ແລະ ການ​ແບ່ງ​ແຍກ.

ແລະ ນັກ​ວິ​ເຄາະ​ບາງ​ຄົນ​ໄດ້​ສົງ​ໄສ​ການ​ຮຽກ​ຮ້ອງ​ເພື່ອ​ປົດ ອິ​ສ​ຣາ​ແອ​ລ ແລະບໍ່​ປົດປະ​ເທດ​ອື່ນໆ.

ທ່ານ ໄມ​ເກິ​ລ໌ ບາ​ເນັດ, ຈາກ​ມະ​ຫາ​ວິ​ທະ​ຍາ​ໄລ ຈອດ​ຈ໌ ວໍ​ຊິງ​ຕັນ ກ່າວ​ວ່າ “ການ​ເວົ້າ​ເຖິງ ຊູ​ດານ ແມ່ນ​ຢູ່​ໃສ? ການ​ສົນ​ທະ​ນາ ກ່ຽວ​ກັບ ເອ​ທິ​ໂອ​ເປຍ ແມ່ນ​ຢູ່​ໃສ? ມັນ​ມີຫຼາຍໆ​ບ່ອນ​ຢູ່​ໃນ​ໂລກ ​ໂດຍ​ແທ້​ຈິງ​ແລ້ວ, ຄື​ທ່ານ​ຮູ້, ຈຳ​ນວນ​ຜູ້​ເສຍ​ຊີ​ວິດ​ແມ່ນ​ມີຫຼາຍກວ່ານັ້ນອີກ.”

ການ​ປົດ ຣັດ​ເຊຍ ອອກ​ຂອງ FIFA ໄດ້​ປ້ອງ​ກັນ​ບໍ່​ໃຫ້​ທີມ​ດັ່ງ​ກ່າວ ​ເຂົ້າ​ຮ່ວມ​ການ​ເຕະ​ບານ​ໂລກ 2022 ໃນ​ປະ​ເທດ ກາ​ຕ້າ. ຣັດ​ເຊຍ ກໍ​ຍັງ​ຖືກ​ປ້ອງ​ກັນ​ບໍ່​ໃຫ້​ເຂົ້າ​ຮ່ວມ​ການ​ແຂ່ງ​ຂັນ Euro 2024 ຂອງ​ສະ​ຫະ​ພັນ​ແຫ່ງສະ​ມາ​ຄົມ​ເຕ​ະ​ບານຢູ​ໂຣບ ໃນ​ເດືອນນີ້.

ການ​ຫ້າມຕໍ່ ອິ​ສ​ຣາ​ແອ​ລ ຈະ​ກີ​ດ​ກັນ​ບໍ່​ໃຫ້​ເຂົາ​ເຈົ້າ ​ເຂົ້າ​ຮ່ວມ​ເຕະ​ບານ​ໂລກ FIFA 2026 ໃນ ສະ​ຫະ​ລັດ, ກາ​ນາ​ດາ ແລະ ເມັກ​ຊິ​ໂກ ນຳດ້ວຍ.

​ອ່ານ​ຂ່າວນີ້​ເປັນ​ພາ​ສາ​ອັງ​ກິດ

Soccer's international governing body, FIFA, is set to rule by July 20th on a proposal to suspend Israel from international soccer.

During FIFA's congress in Bangkok in May, the Palestinian delegation, backed by the Asian Football Confederation and others, called for Israel's suspension.

Justinus Lhaksana (JOOS-teen-oos LUCK-son-ah) is a soccer commentator based in Jakarta, Indonesia.

"If possible, the ban should be imposed right away so that Israel would stop its attacks (in Gaza)"

Lhaksana says FIFA has suspended teams before, as recently as 2022.

"Before this, when Russia entered Ukrainian territory, another country's territory, Russia was suspended."

While just over 140 of 193 United Nations countries recognize Palestine as a state, the Palestinian Football Association has been a member of FIFA since 1998.

Israel's delegation rejected calls to suspend their soccer federation as politically motivated and divisive.

And some analysts question the call to suspend Israel and not other countries.

"Where are the discussions on Sudan? Where are the discussions on Ethiopia? There are a lot of other places in the world where actually, you know, the death toll is much greater."

FIFA's suspension of Russia prevented the team from participating in the 2022 World Cup in Qatar. Russia was also blocked from the Union of European Football Associations' Euro 2024 tournament this month.

A ban on Israel would bar it from competing in the 2026 FIFA World Cup in the U.S., Canada, and Mexico.

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG