ບັນດາເຈົ້າໜ້າທີ່ຕຳຫລວດ ຢູ່ທີ່ເມືອງ Ferguson ລັດ Mis-
souri ໃນພາກ ກາງຂອງສະຫະລັດໄດ້ເຫັນດີນຳ “ກົດຂອງ
ການປະທ້ວງ” ກັບບັນດາອົງການຈັດຕັ້ງຂອງພວກນັກເຄື່ອນ
ໄຫວ ເພື່ອຄໍ້າປະກັນວ່າການປະທ້ວງຈະມີຂຶ້ນຢ່າງ ສະຫງົບ
ເວລາຄະນະຕຸລາການອອກຄຳຕັດສິນ ໃນບໍ່ເທົ່າໃດວັນຂ້າງ
ໜ້ານີ້ວ່າ ຈະຟ້ອງຕຳຫລວດຜີວຂາວ ຜູ້ທີ່ຍິງສັງຫານໜຸ່ມ
ນ້ອຍຜິວດຳ ທີ່ບໍ່ຕິດອາວຸດໃນຕົ້ນເດືອນສິງຫາຜ່ານມານັ້ນ
ຫລືບໍ່.
ເຫດຮ້າຍດັ່ງກ່າວ ໄດ້ພາໃຫ້ມີການປະທ້ວງຢູ່ຫລາຍອາທິດ
ຊຶ່ງບາງຄັ້ງບາງ ຄາວກໍໄດ້ເກີດຮຸນແຮງຂຶ້ນ ຢູ່ໃນເຂດຊານ
ເມືອງ ຂອງນະຄອນ St Louiseທີ່ໄດ້ກາຍມາເປັນຈຸດລະເບີດທີ່ພົວພັນກ່ຽວກັບເລື້ອງ
ຜີວພັນຢູ່ໃນສະຫະລັດ.
ໃນວັນສຸກວານນີ້ ຜູ້ບໍລິຫານສູງສຸດຂອງເຂດເມືອງ St Louis ທ່ານ Charlie Dooley
ກ່າວວ່າ ທ່ານ “ຄາດຫວັງໃນທາງດີທີ່ສຸດ” ບໍ່ວ່າຄະນະຕຸລາການ ຈະຕັດສິນຢ່າງໃດກໍ
ຕາມ. ທ່ານ Dooley ກ່າວວ່າ ທ່ານພົບເຫັນວ່າ ມີຄວາມຫວັງ “ທີ່ພວກເຮົາສາມາດນັ່ງ
ອ້ອມໂຕະ ເຖິງແມ່ນວ່າ ເຮົາມີແນວຄິດທີ່ແຕກຕ່າງກັນ.” ທ່ານຮ້ອງຂັ້ນຕອນການຮ່າງ
ກົດລະບຽບການປະທ້ວງນີ້ວ່າ “ເປັນທີ່ໜ້ານັບຖື.”
ບັນດາກຸ່ມປະທ້ວງ ຈາກທົ່ວປະເທດ ກຳລັງວາງແຜນ ຈະໄປໂຮມຊຸມນຸມກັນ ທີ່ເມືອງ
Fergurson ເປັນຈຳນວນຫລວງຫລາຍ ຖ້າຫາກຄະນະຕຸລາການ ເຮັດໃຫ້ເຈົ້າໜ້າທີ່
Darren Wilson ພົ້ນຈາກຄວາມຜິດ. ເຈົ້າໜ້າທີ່ຕຳຫລວດທ້ອງຖິ່ນ ໄດ້ວາງແຜນຮັບ
ມືສຸກເສີນໄວ້ລ່ວງໜ້າ ໃນກໍລະນີທີ່ການປະທ້ວງກາຍເປັນ ຄວາມຮຸນແຮງ.
ຄະນະຄຸລາການ ໄດ້ເລີ້ມພິຈາລະນາຄະດີນີ້ ມາຕັ້ງແຕ່ທ້າຍເດືອນສິງຫາ ແລະຍັງພວມ
ພິຈາລະນາຄະດີດັ່ງກ່າວນີ້ຢູ່.
