ລິ້ງ ສຳຫລັບເຂົ້າຫາ

ວັນພະຫັດ, 01 ທັນວາ 2022

ຕຳຫຼວດທີ່ຍິງ ໄວລຸ້ນຜີວດຳ ຕາຍທີ່ເມືອງ Ferguson ລາອອກຈາກຕຳແໜ່ງ


ພວກປະທ້ວງຍ່າງກາຍ ຮ້ານທຸລະກິດແຫ່ງນຶ່ງ ທີ່ຖືກໄຟໄໝ້ ໃນເມືອງ Ferguson ລັດ Missouri, ວັນທີ 29 ພະຈິກ 2014 ໃນການຍ່າງໄລຍະທາງ 120 ໄມລ໌ ໄປຍັງບ້ານພັກຂອງ ຜູ້ປົກຄອງລັດ ທີ່ເມືອງ Jefferson City.

ຕຳຫຼວດ​ຜີວ​ຂາວ ທີ່​ຍິງ​ໄວ​ລຸ້ນຜີວ​ດຳ​ຕາຍ​ໃນ​ລັດ Missouri ໃນ​
ພາກ​ກາງ​ສະຫະລັດ ຫຼັງ​ຈາກ​ປະ​ເຊີນ​ໜ້າ​ກັນ​ຢູ່​ຖະໜົນ​ສາຍ​ນຶ່ງ
ຊຶ່ງ​ໄດ້ກະ​ຕຸ້ນ ​ໃຫ້​ເກີດ​ການ​ປະ​ທ້ວງຢ່າງ​ໃຫຍ່​ນັ້ນ ​ໄດ້​ລາ​ອອກ​
ຈາກ​ຕຳ​ແໜ່​ງ.

ທະນາຍຄວາມ​ຂອງ​ຕຳຫຼວດ Darren Wilson ກ່າວ​ໃນ​ວັນ​ເສົາ​
ວານ​ນີ້​ວ່າ ການ​ລາ​ອອກຂອງ​ທ່ານ ​ຈາກ​ກົມ​ຕຳຫຼວດ​ເມືອງ Fer
guson ​ແມ່ນມີ​ຜົນ​ບັງຄັບ​ໃຊ້​ໃນ​ທັນທີ. ທ່ານ Wilson ໄດ້ຖືກ​ສັ່ງ
ພັກ​ການ​ມາຕັ້ງ​ແຕ່​ຜູ້ກ່ຽວ​ໄດ້​ຍິງ​ທ້າ​ວ Michael Brown ຕາຍ​ໃນ​
ວັນ​ທີ 18 ສິງ ຫາ​ແລ້ວ​ນີ້ ທີ່​ເມືອງ Ferguson ໃນເຂດ​ຊານນະ
ຄອນ St. Louis.

ໜັງສືພິມ St. Louis Post-Dispatch ​ໄດ້​ພິມ​ເຜີຍ​ແຜ່​ໜັງສື​ລາ​ອອກ​ຂອງຕຳຫລວດ Wilson ຊຶ່ງ​ຜູ້ກ່ຽວໄດ້​ຂຽນ​ວ່າ ຕົນໄດ້ຖືກແຈ້ງ​ໃຫ້​ຊາບວ່າ ການສືບ​ຕໍ່​ຮັບ​ໃຊ້​ໃນ​ກຳລັງ​ຕຳຫຼວດ​ຂອງ​ຕົນ​ຕໍ່​ໄປ ອາດ​ຈະ​ເຮັດ​ໃຫ້​ພວກ​ເພື່ອນຕຳຫຼວດ​ດ້ວຍ​ກັນ​ແລະ​ຊາວ​ເມືອງ Ferguson ​ຕົກ​
ຢູ່​ໃນ​ການ​ສ່ຽງ​ໄພ ​ແລະ​ກ່າວ​ຕື່ມ​ວ່າ ຕົນ​ຫວັງ​ວ່າ ການ​ລາ​ອອກ​ຂອງ​ຕົນ​ ຈະ​ອຳນວຍໃຫ້
ປະຊາ​ຄົມ​ກັບ​ຄືນ​ດີ​ກັນ.

​ໃນ​ຂະນະ​ດຽວ​ກັນ ການ​ປະ​ທ້ວງ​ຍັງ​ດຳ​ເນີນ​ສືບ​ຕໍ່​ມາ​ໃນ​ວັນ​ເສົາ​ວານ​ນີ້ ຫຼັງ​ຈາກ​ຄະນະ​ຕຸລາການໄດ້​ອອກ​ຄຳ​ຕັດສິນ ບໍ່​ຟ້ອງ​ຮ້ອງ​ຕຳຫລວດ Wilson ໃນ​ການ​ຍິງ​ທ້າວ Michael Brown ຕາຍນັ້ນ.

Police Officer Who Shot Missouri Teen Resigns, Speaks Out
please wait

No media source currently available

0:00 0:02:02 0:00

ພວກ​ປະ​ທ້ວງ​ຈຸ​ນຶ່ງໄດ້​ພາກັນ​ອອກ​ຍ່າງ​ປະ​ທ້ວງ​ ຈາກ​ເມືອງ Ferguson ​ເປັນ​ເວລາ 7 ມື້ ​ໄລຍະ​ທາງ 193 ຫຼັກ​ກິ​ໂລແມັດ ​ໄປ​ຫາ Jefferson City ເມືອງຫຼວງ​ຂອງ​ລັດ Missouri.

ການ​ຍ່າງ​ປະ​ທ້ວງ​ທີ່​ເອີ້ນ​ວ່າ “ການ​ເດີນທາງ​ເພື່ອ​ຄວາມ​ຍຸຕິ​ທຳ” ​ແມ່ນຈັດຂຶ້ນ ​ໂດຍ​ສະມາ​ຄົມແຫ່ງ​ຊາດ​ເພື່ອ​ຄວາມ​ກ້າວໜ້າ​ຂອງ​ຄົນ​ຜີວ​ດຳ ຫລື ອົງການ NAACP ທີ່ກ່າວ​ວ່າ ​ເປົ້າ​ໝາຍ​ຂອງ​ການ​ຍ່າງຄັ້ງ​ນີ້ ​ແມ່ນ “ເພື່ອ​ຮຽກຮ້ອງ​ໃຫ້​ມີ​ຄະນະ​ນຳພາ​ໃໝ່​ຂອງ​ກົມ​ຕຳຫຼວດ​ເມືອງ Ferguson” ແລະ “ການ​ປະ​ຕິ​ຮູບ​ໃໝ່ ​ໃນ​ວິທີ​ການ​ປະຕິບັດ​ງານ​ແລະ​ວັດທະນະທຳ​ຂອງ​ຕຳຫຼວດ” ​ ໃນ​ທົ່ວ​ປະ​ເທດ ​ແລະ​ກ່າວ​ຕື່ມ​ວ່າ ຈະ​ມີ​ການຈັດການ​ໂຮມ​ຊຸມນຸມ​ແລະ​ສິດສອນ ​ຂຶ້ນ​ໃນ​ແຕ່ລະ​ຄືນ​ ຕະຫລອດໄລຍະ​ການ​ເດີນທາງນັ້ນ.

ໃນ​ເຂດ​ນະຄອນຫຼວງ​ວໍ​ຊິງ​ຕັນ ດີ​ຊີ ປະຊາ​ຊົນ​ຫຼາຍ​ຮ້ອຍ​ຄົນ ທີ່​ມີ​ຄວາມ​ໂກດ​ແຄ້ນ ນຳ​ການ​ຕັດສິນ​ຂອງ​ຄະນະ​ຕຸລາການ​ທີ່​ເມືອງ Ferguson ​ໄດ້ພາກັນ​ຍ່າງ​ປະ​ທ້ວງ ​ໄປ​ຍັງ​ສູນ​ການ​ຄ້າ​ທ້ອງ​ຖິ່ນ​ແຫ່ງ​ນຶ່ງ ຫຼັງ​ຈາກ​ໂຮມ​ຊຸມນຸມ​ກັນ ​ໃນ​ຄຸ້ມ​ປະຫວັດສາດ Georgetown.

usfergusonprotests30november14
please wait

No media source currently available

0:00 0:01:39 0:00

XS
SM
MD
LG