ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ທ່ານເຟີດິນານ ມາໂກສ ຈູເນ່ຍ ໄດ້ກາຍມາເປັນປະທານາທິບໍດີ ຄົນ​ທີ 17 ຂອງຟີລິບປິນ


ປະທານາທິບໍດີ ເຟີດິນານ ມາໂກສ ຈູເນ່ຍ, ຢືນຄຽງຂ້າງກັບແມ່ຂອງທ່ານ ຍານາງອິມເມລດາ ມາໂກສ (ຊ້າຍ), ແລະພັນລະຍາຂອງທ່ານ ຍານາງມາເຣຍ ລຸຍສ໌ ມາໂກສ (ຂວາ), ໃນລະຫວ່າງພິທີສາບານໂຕ ຢູ່ທີ່ຫໍພິພິດທະພັນແຫ່ງຊາດ, ເມື່ອວັນທີ 30 ມິຖຸນາ 2022, ໃນນະຄອນຫຼວງມະນີລາ, ປະເທດຟີລິບປິນ.
ປະທານາທິບໍດີ ເຟີດິນານ ມາໂກສ ຈູເນ່ຍ, ຢືນຄຽງຂ້າງກັບແມ່ຂອງທ່ານ ຍານາງອິມເມລດາ ມາໂກສ (ຊ້າຍ), ແລະພັນລະຍາຂອງທ່ານ ຍານາງມາເຣຍ ລຸຍສ໌ ມາໂກສ (ຂວາ), ໃນລະຫວ່າງພິທີສາບານໂຕ ຢູ່ທີ່ຫໍພິພິດທະພັນແຫ່ງຊາດ, ເມື່ອວັນທີ 30 ມິຖຸນາ 2022, ໃນນະຄອນຫຼວງມະນີລາ, ປະເທດຟີລິບປິນ.

ທ່ານເຟີ​ດີນານ “ບົງບົງ” ມາໂກສ ຈູເນ່ຍ, ເຊິ່ງເປັນລູກຊາຍຂອງອະດີດຜູ້ປົກ ຄອງຜະເດັດການ ທ່ານເຟີດີນານ ມາໂກສ, ໄດ້ກາຍມາເປັນປະທານາທິບໍດີຄົນທີ 17 ຂອງຟີລິບປິນ ໃນມື້ວັນພະຫັດວານນີ້, ເຊິ່ງເປັນການບັນລຸຄວາມສໍາເລັດຂອງພາລະກິດຄອບຄົວໃນການກັບມາມີອໍານາດອີກຄັ້ງ ລຸນຫຼັງທີ່ໄດ້ມີການລຸກຮືຂຶ້ນ ໂຄ່ນລົ້ມອໍານາດບິ​ດາຂອງທ່ານ​ໂດຍປະຊາຊົນ.

ດ້ວຍຈໍານວນຄະແນນສຽງຫຼາຍກວ່າ 31 ລ້ານຄະແນນ, ທ່ານ ບົງບົງ, ເຊິ່ງຮູ້ກັນດີວ່າທ່ານເປັນທີ່ນິຍົມ​ຂອງ​ປະ​ຊາ​ຊົນ ໄດ້ຮັບໄຊຊະນະ​ ຄວ້າ​ເອົາຕໍາແໜ່ງປະທານາທິບໍດີ ອັນເນື່ອງມາຈາກຜົນການເລືອກຕັ້ງທີ່ມີຄະແນນຫຼາຍທີ່ສຸດໃນເດືອນພຶດສະພາແລ້ວນີ້.

ທ່ານມາໂກສ ອາຍຸ 64 ປີ, ໄດ້ທຳການໂຄສະນາຫາສຽງເພື່ອຄວາມສາມັກຄີແຫ່ງຊາດ, ເຊິ່ງເປັນການເຊື້ອເຊີນໃຫ້ລືມຄວາມໂຫດຮ້າຍທາລຸນຕໍ່ລະບອບການປົກຄອງ​ຜະ​ເດັດ​ການຂອງບິ​ດາທ່ານ ໃນຂະ​ນະ​ທີ່​ໂຄ​ສະ​ນາເຜີຍແຜ່​ໃຫ້​ຫວນ​ລະ​ນຶກ​ເຖິງ​ອະດີດ​ຮ່ວມກັນ ເພື່ອການສະໜັບສະໜຸນ “ຍຸກຄໍາ” ຂອງປະເທດ.

​ພວກ​ຕ້ອງ​ຕິກ່າວວ່າ ໄຊຊະນະຂອງທ່ານ ສາມາດນໍາມາເຊິ່ງຄວາມພະຍາຍາມໃນການແກ້ໄຂປະຫວັດສາດ ທີ່ຍາວນານຫຼາຍທົດສະຫວັດຂອງຄອບຄົວ ແລະການບິດເບືອນຂໍ້ມູນ ຢູ່ໃນສື່ສັງຄົມອອນລາຍຕ່າງໆ.

ປະທານາທິບໍດີ ໂຣດຣິໂກ ດູເຕີເຕ ບໍ່ໄດ້ເຂົ້າຮ່ວມພິທີມອບຮັບຕໍາແໜ່ງ, ເຊິ່ງໄດ້ຈັດຂຶ້ນທີ່ທາງຂຶ້ນ ຂອງຫໍພິພິດທະພັນແຫ່ງຊາດ, ໂດຍທີ່ອະດີດປະທານາທິ ບໍດີຫຼາຍໆທ່ານ ກໍສາບານຕົນເຂົ້າຮັບຕໍາແໜ່ງຢູ່ທີ່ນີ້ເຊັ່ນກັນ. ແຕ່ທັງສອງທ່ານ ໄດ້ພົບປະກັນແລ້ວຢູ່ທາງດ້ານໃນຂອງທຳ​ນຽບ ກ່ອນພິທີສາບານໂຕ ຊຶ່ງ​ຈັດ​ຂຶ້ນ ໃນຕອນທ່ຽງ​ນັ້ນ.

ອ່ານຂ່າວນີ້ເປັນພາສາອັງກິດ

XS
SM
MD
LG