ລິ້ງ ສຳຫລັບເຂົ້າຫາ

logo-print

ການ​ຕັດ​ອັດ​ຕາ​ພາ​ສີ ຂອງ​ທະ​ນາ​ຄານ​ກາງ ບໍ່​ສາ​ມາດ​ທີ່​ຈະ​ຢຸດ ການ​ຕົກ​ຕ່ຳ​ຂອງ ຕະຫຼາດ​ຮຸ້ນ ຍ້ອນ​ໄວ​ຣັ​ສໂຄ​ໂຣ​ນາ


ພໍ່​ຄ້າ​ຄົນ​ນຶ່ງ​​ຍ່າງ​ຜ່ານ​ບ່ອນ​ຕິດ​ຕັ້ງ​ນ້ຳ​ຢາ​ລ້າງ​ມື​ຢູ່ຕະຫຼາດ​ຮຸ້ນ​ນະ​ຄອນ ນິວຢອກ, 3 ມີ​ນາ, 2020. (AP Photo/Richard Drew)

ຄວາມ​ຢ້ານ​ກົວ​ຢ່າງ​ຕໍ່​ເນື່ອງໃນ​ບັນ​ດາ​ນັກ​ລົງ​ທຶນ ກ່ຽວ​ກັບ ຜົນ​ກະ​ທົບ​ທາງ​ເສດ​ຖະ​ກິດ​ຈາກ ໄວ​ຣັ​ສ​ໂຄ​ໂຣ​ນາ ນັ້ນ​ໄດ້​ເຮັດ​ໃຫ້ ລາ​ຄາ​ຕະຫຼາດ​ຮຸ້ນ​ຂອງ ສະ​ຫະ​ລັດ ຕົກ​ຕ່ຳ​ຢ່າງຫຼວງຫຼາຍ​ໃນ​ວັນ​ອັງ​ຄານ​ວານນີ້, ແມ່ນ​ກະ​ທັ້ງຫຼັງ​ຈາກ​ທະ​ນາ​ຄານ​ກາງ ໄດ້​ປະ​ກາດ​ການ​ຕັດ​ອັດ​ຕາ​ດອກ​ເບ້ຍ​ສຸກ​ເສີນ​ກໍ​ຕາມ.

ປະ​ທານ​ທະ​ນາ​ຄານ​ກາງ ທ່ານ ເຈ​ໂຣມ ພາວ​ໂວ ໄດ້​ກ່າວ​ໃນ​ການ​ອະ​ທິ​ບາຍ ກ່ຽວ​ກັບ ການ​ຕັດ​ສິນ​ໃຈ​ຂອງ​ທະ​ນາ​ຄານ​ກາງ​ທີ່​ຈະ​ຕັດ​ 0.5 ເປີ​ເຊັນ​ຂອງ​ອັດ​ຕາ​ດອກ​ເບ້ຍ​ລົງ​ຕໍ່​ຂ​ອບ​ເຂດ​ເປົ້າ​ໝາຍ​ຂອງ 1 ເປີ​ເຊັນ ຫາ 1.25 ເປີ​ເຊັນວ່າ” ພວກ​ເຮົາ​ໄດ້​ເຫັນ​ຄວາມ​ສ່ຽງ​ຕໍ່​ອະ​ນາ​ຄົດ​ສຳ​ລັບ​ເສດ​ຖະ​ກິດ ແລະ ໄດ້​ເລືອກ​ທີ່​ຈະ​ທຳ​ການ​ດຳ​ເນີນ​ການ.”

ແນວ​ໃດ​ກໍ​ຕາມ, ການ​ຕັດ​ສິນ​ໃຈ​ຂອງ​ທະ​ນາ​ຄານ​ກາງບໍ່​ໄດ້​ສ້າງ​ຄວາມ​ພໍ​ໃຈ​ໃຫ້​ບັນ​ດາ​ພໍ່​ຄ້າ ຫຼື ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ.

ຫຼັງ​ຈາກກ​ານ​ເພີ່ມ​ຂຶ້ນ​ເປັນ​ເວ​ລາ​ບໍ່​ດົນ​ໃນ​ທິດ​ທາງ​ທີ່​ເປັນ​ແງ່ບວກ​ນັ້ນ, ດັດ​ສະ​ນີ​ຕະຫຼາດ​ຮຸ້ນ​ທີ່​ສຳ​ຄັນ​ຕ່າງໆ​ກໍ​ໄດ້​ຕົກ​ລົງ​ອີກ​ຄັ້ງ​ນຶ່ງ. ຕະຫຼາດ​ຮຸ້ນ​ອຸດ​ສາ​ຫະ​ກຳ ດາວ ໂຈນ​ສ໌ ໄດ້​ປິດ​ດ້ວຍ 788 ຈຸດ, ເຊິ່ງ​ຫຼຸດ​ລົງ​ເກືອບ 3 ເປີ​ເຊັນ.

ທ່ານ ທ​ຣຳ ໄດ້​ກ່າວ​ໃນ​ຄຳ​ປາ​ໄສ​ຕໍ່​ກອງ​ປະ​ຊຸມ​ໃຫຍ່​ສະ​ມາ​ຄົມ​ນິ​ຕິ​ບັນ​ຍັດ​ເມືອງ​ແຫ່ງ​ຊາດ ລຸນຫຼັງ​ການ​ດຳ​ເນີນ​ການ​ຂອງ​ທະ​ນາ​ຄານ​ກາງວ່າ “ພວກ​ເຮົາ​ຄວນ​ຈ່າຍ​ເງິນ​ໜ້ອຍ​ລົງ. ອັດ​ຕາ​ດອກ​ເບ້ຍ​ຂອງ​ທະ​ນາ​ຄານ​ກາງ​ແມ່​ນ​ສູງ​ໂພດ.”

ໃນ​ທວິດ​ເຕີ, ທ່ານ​ປະ​ທາ​ນາ​ທິ​ບໍ​ດີ​ໄດ້​ຮຽກ​ຮ້ອງ​ໃຫ້​ທຳ “ການຫຼຸດ​ຜ່ອນ​ລົງ ແລະ ຕັດ​ລົງ​ຕື່ມ.”

ຜູ້​ປົກ​ຄອງ​ລັດ​ ນິວຢອກ ທ່ານ ແອນດ​ຣູ ຄູ​ໂອ​ໂມ ໄດ້​ປະ​ກາດ​ການ​ຢືນ​ຢັນ​ການ​ຕິດ​ເຊື້ອ COVID-19 ກໍ​ລະ​ນີ​ທີ​ສອງ​ໃນ​ລັດ​ຂອງ​ທ່ານ​ໃນ​ວັນ​ອັງ​ຄານ​ວານນີ້. ຜູ້​ຊາຍ​ອາ​ຍຸ 50 ປີ​ທີ່​ຕິດ​ເຊື້ອ​ນັ້ນ​ແມ່ນບໍ່​ໄດ້​ເດີນ​ທາງ​ໄປ ຈີນ ຫຼື ປະ​ເທດ​ອື່ນໆ ທີ່​ຖືກ​ປົກ​ຄຸມ​ໂດຍ​ການ​ແຜ່​ລະ​ບາດ​ຂອງ​ໄວ​ຣັ​ສ​ໂຄ​ໂຣ​ນາ​.

ທ່ານ ທ​ຣຳ ໄດ້​ເລັ່ງ​ໃຫ້​ທຳ​ການ​ພັດ​ທະ​ນາ ແລະ ສົ່ງ​ອອກ​ຢາ​ຢ່າງວ່ອງ​ໄວ, ເຊິ່ງ​ທ່ານ​ໄດ້​ທຳ​ການ​ປຶກ​ສາ​ຫາ​ລື​ກັບ​ບັນ​ດາ​ຜູ້​ບໍ​ລິ​ຫານ​ບໍ​ລິ​ສັດ​ການ​ຢາ ຜູ້​ທີ່​ໄດ້​ເດີນ​ທາງ​ໄປ​ທຳ​ນຽບ​ຂາວ​ໃນ​ວັນ​ຈັນ​ທີ່​ຜ່ານ​ມາ.

ການ​ຈັດ​ສົ່ງ​ຢາ​ດັ່ງ​ກ່າວ​ແມ່ນ​ຈະ​ໃຊ້​ເວ​ລາ​ຢ່າງ​ໜ້ອຍ​ນຶ່ງ​ປີ ຫາ ນຶ່ງ​ປີ​ເຄິ່ງ, ດ​ຣ. ແອນ​ໂທ​ນີ ຟາວ​ຈີ, ຜູ້​ອຳ​ນວຍ​ການ​ຂອງ​ສະ​ຖາ​ບັນ​ໂຣກ​ພູ​ມ​ແພ້ ແລະ ໂຣກ​ຕິດ​ຕໍ່​ແຫ່ງ​ຊາດ ໄດ້​ກ່າວ​ຕໍ່​ບັນ​ດາ​ສະ​ມາ​ຊິກ​ສະ​ພາ​ສູງ ສະ​ຫະ​ລັດ ໃນ​ວັນ​ອັງ​ຄານ​ວານນີ້.

ໃນ​ການ​ໃຫ້​ການ​ຕໍ່​ສະ​ພາ​ສູງ​ນັ້ນ, ຫົວ​ໜ້າ​ຂອງ​ອົງ​ການ​ອາ​ຫານ ແລະ ຢາ ສະ​ຫະ​ລັດ, ດ​ຣ. ສ​ເຕ​ເຟັນ ຮານ, ໄດ້​ກ່າວ​ວ່າ ອົງ​ການ​ດັ່ງ​ກ່າວ​ໄດ້​ເຮັດ​ວຽກັບ​ບໍ​ລິ​ສັດ​ເອ​ກະ​ຊົນ​ແຫ່ງ​ນຶ່ງ ເພື່ອ​ຜະ​ລິດ​ອຸ​ປະ​ກອນ​ທົດ​ສອບຫຼາຍ​ເຖິງ 2,500 ອັນ​ໃຫ້​ຫ້ອງ​ທົດ​ລອງ​ຕ່າງໆ​ພາຍ​ໃນ​ທ້າຍ​ອາ​ທິດນີ້.

ການ​ແນະ​ນຳ​ໃໝ່​ໄດ້​ຖືກ​ປະ​ກາດ​ໂດຍ​ສູງ​ກາງ​ເພື່ອ​ການ​ຄວບ​ຄຸມ​ ແລະ ປ້ອງ​ກັນ​ໂຣກ ເພື່ອ​ເຮັດ​ໃຫ້​ມັນ​ມີ​ຄວາມ​ກະ​ຈ່າງ​ແຈ້ງວ່າ ປະ​ຊາ​ຊົນ ອາ​ເມ​ຣິ​ກັນ ທຸກ​ຄົນ ສາ​ມາດ​ຖືກກວດ​ກາ​ໂດຍບໍ່​ມີ​ຂໍ້​ຫ້າມ “ຕາມ​ຄຳ​ສັ່ງ​ຂອງ​ບັນ​ດາ​ແພດ​ໝໍ,” ອີງ​ຕາມ​ການ​ປະ​ກາດ​ຂອງ​ຮອງ​ປະ​ທາ​ນາ​ທິ​ບໍ​ດີ ໄມ​ຄ໌ ເພັນ​ສ໌ ໃນ​ກອງ​ປະ​ຊຸມ​ລາຍ​ງານ​ທີ່ບໍ່​ໄດ້​ອ​ອກ​ອາ​ກາດ​ໃນ​ຕອນ​ແລ​ງວັນ​ອັງ​ຄານ​ວານນີ້.

ບັນ​ດາ​ຜູ້​ຊ່ຽວ​ຊານ​ດ້ານ​ການ​ແພດ​ໃນ​ທົ່ວ​ປະ​ເທດ​ໄດ້​ຕຳ​ໜິ ກ່ຽວ​ກັບ ການ​ຂາດ​ການ​ທົດ​ລອງ​ທີ່​ພຽງ​ພໍ ແລະ ຂໍ້​ຜິ​ດ​ພາດ​ຂອງ​ບັ​ນ​ດາ​ເຈົ້າ​ໜ້າ​ທີ່​ລັດ​ຖະ​ບານ​ກາງ, ລວມ​ທັງ​ຄວາມ​ຜິດ​ພາດ​ໃນ​ການ​ທົດ​ລອງກວດ​ກາ​ເບື້ອງ​ຕົ້ນ ແລະ ການ​ຫ້າມກວດ​ໂຣກ​ທີ່ກວ້າງ​ຂວາງ.

ອ່ານ​ຂ່າວນີ້​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG