ລິ້ງ ສຳຫລັບເຂົ້າຫາ

logo-print

ສະມາຊິິກ ສະພາສູງ ​ພັກຣີພັບບລີກັນ ຢືນ​ຢັດ ທີ່​ຈະ​ຮັບ​ຮອງ​ ເອົາ​ ທ. ຄາແວນໍ ເປັນຜູ້ ພິພາກສາ ສານສູງສຸດ ສຫລ ໃຫ້​ໄດ້


ສະມາຊິິກສະພາສູງ ຈອນ ຄອນ​ນີນ (John Cornyn) (ຊ້າຍ), ສະມາຊິິກສະພາສູງ ອໍ​ຣິນ ແຮດ​ຈ໌ (Orrin Hatch) (ກາງ) ແລະ ສະມາຊິິກສະພາສູງໄມ​ຄ໌ ລີ (ຂວາR) ສົ​ນ​ທະ​ນາ​ກັນ​ກ່ຽວ​ກັບລາຍ​ງານ​ການກວດ​ປະ​ຫວັດ ຂອງ​ທ່ານ ຄາ​ແວ​ນໍ ໂດຍ​ອົງການສັນຕິບານກາງ ຫຼື FBI ໃນ​ວັນ​ທີ 4 ຕຸ​ລາ 2018.

ສະມາຊິິກສະພາສູງທີ່​ສັງ​ກັດພັກຣີພັບບລີກັນ ໃນ​ວັນ​ພະ​ຫັດ​ວານນີ້​ປະ​ກາດໃຫ້ຮູ້​ເຖິງ
​ຄວາມຢືນ​ຢັດ ແລະ​ຟ້າວ​ຟັ່​ງຂອງ​ພວກ​ເພິ່ນ ​ທີ່​ຢາກ​ຮັບ​ຮອງ​ເອົາ​ທ່ານແບຣັດ ຄາແວນໍ,
​ຜູ້ທີ່​ປະ​ທາ​ນາ​ທິ​ບໍ​ດີ​ ດໍ​ໂນ​ລ ທ​ຣຳ ເລືອກໃຫ້ຂຶ້ນກຳ​ຕຳແໜ່ງ ຜູ້ພິພາກ ສາສານສູງ
ສຸດສະຫະລັດ ທີ່ມີ​ການ​ສູ້​ຢັນ​ກັນນັ້ນ, ໂດຍ​ໃຫ້​ເຫດ​ຜົນ​ວ່າ ລາຍ​ງານ​ຂອງ​ອົງການ
ສັນຕິບານກາງຫຼື FBI ບໍ່​ໄດ້​ມີ​ຫລັກ​ຖານ​ສະ​ແດງ​ໃຫ້​ເຫັນ​ຄືກັບການກ່າວຫາທີ່​ເວົ້າວ່າ
ຜູ້​ພິ​ພາກ​ສາ​ທ່ານ​ນັ້ນ ໄດ້ລວນລາມທາງເພດເລີຍ.

ຄາດ​ກັນ​ວ່າ ສະພາສູງຈະຈັດ​ໃຫ້​ມີ​ການ​ລົງ​ຄະ​ແນນ​ສຽງ​ກ່ຽວ​ກັບ​ຂັ້ນ​ຕອນຕໍ່​ການ​ສະ​
ເໜີແຕ່ງ​ຕັ້ງ​ທ່ານ ຄາ​ແວ​ນໍ ໃນວັນ​ສຸກມື້ນີ້ ແລະ​ ອາດ​ຈະ​ມີການ​ລົງ​ຄະ​ແນນ​ສຽງ​ຂັ້ນ​
ສຸດ​ທ້າຍວ່າ ​ຈະ​ຮັບ​ຮອງ​ເອົາ​ທ່ານຫລືບໍ່ ໃນ​ວັນ​ເສົາມື້​ອື່ນນີ້. ​ເມື່ອອາ​ທິດ​ແລ້ວນີ້ ຄະ
​ນະ​ກຳ​ມະ​ການ​ຕຸ​ລາ​ການ​ຂອງ​ສະ​ພາ​ສູງ ໄດ້​ສົ່ງ​ການ​ສະ​ເໜີ​ແຕ່ງ​ຕັ້ງ​ດັ່ງ​ກ່າວ ​ໄປ​ຫາ
ສະ​ມາ​ຊິກ​ສະ​ພາ​ສູງຄົບ​ຊຸດ ​ໃນ​ເງື່ອນ​ໄຂ​ທີ່​ວ່າ ອົງ​ການ FBI ຕ້ອງ​ໄດ້​ກວດ​ກາ​ປະ
​ຫວັດ ​ຂອງ​ຜູ້​ທີ່​ຖືກ​ສະ​ເໜີນັ້ນ​ ເພີ້ມ​ຕື່ມ​ອີກ.

ທ່ານ ຈຊັກ ແກ​ຣັ​ສ​ລີ ປະ​ທານ​ຄະ​ນະ​ກຳ​ມະ​ການ​ຕຸ​ລາ​ການ​ຂອງ​ສະ​ພາ​ສູງ ກ່າວ​ຢູ່​ໃນ ​ກອງ​ປະ​ຊຸມ​ຖະ​ແຫລງ​ຂ່າວ ໃນວັນທີ 4 ຕຸ​ລາ 2016
ທ່ານ ຈຊັກ ແກ​ຣັ​ສ​ລີ ປະ​ທານ​ຄະ​ນະ​ກຳ​ມະ​ການ​ຕຸ​ລາ​ການ​ຂອງ​ສະ​ພາ​ສູງ ກ່າວ​ຢູ່​ໃນ ​ກອງ​ປະ​ຊຸມ​ຖະ​ແຫລງ​ຂ່າວ ໃນວັນທີ 4 ຕຸ​ລາ 2016

"ຫວັງ​ຢ່າງ​ຍິ່​ງວ່າ, ພວກ​ເຮົາ​ຍັງມີ​ເວ​ລາ​ແຕ່ 48 ຊົ່ວ​ໂມງ​ເທົ່າ​ນັ້ນ, ກໍ​ຈະ​ມີ​ຄົນ​ໃໝ່ ຂຶ້ນ​
ກຳ​ຕຳ​ແໜ່ງຜູ້ພິພາກສາສານສູງສຸດແລ້ວ," ນັ້ນ​ຄື​ຄຳ​ເວົ້າ ​ຂອງທ່ານ ຈຊັກ ແກ​ຣັ​ສ​ລີ
ປະ​ທານ​ຄະ​ນະ​ກຳ​ມະ​ການ​ຕຸ​ລາ​ການ​ຂອງ​ສະ​ພາ​ສູງ ທີ່​ມາ​ຈາກ​ລັດ​ໄອ​ໂອ​ວາ ​ກ່າວ​ຢູ່​
ໃນ​ກອງ​ປະ​ຊຸມ​ຖະ​ແຫລງ​ຂ່າວ ໃນວັນ​ພະ​ຫັດ ວານນີ້.

"ພວກ​ເຮົາຕ້ອງ​ໄດ້​ຮັບ​ຮອງ​ເອົາ​ທ່ານ​ໂລດ," ນັ້ນ​ຄື​ຄຳ​ເວົ້າ​ຂອງສະ​ມາ​ຊິກສະ​ພາ​ສູງ
ສັງ​ກັດພັກຣີພັບບລີກັນ ທ່ານ ອໍ​ຣິນ ແຮດ​ຈ໌ (Orrin Hatch) ຊຶ່ງ​ທ່ານ​ໄດ້​ກ່າວ​ເພີ້ມ
​ອີກວ່າ "​ບໍ່ໃຫ້ມີການ​ເມືອງ ​ທີ່ທຳ​ລາຍບຸກ​ຄົນ ​ໂດຍບໍ່​ມີ​ເຫດ​ຜົນຫລົງ​ເຫລືອຢູ່​ໃນທີ່
ນີ້ໄດ້."

ໃນ​ຂະ​ນະ​ດຽວ​ກັນ ​ສະ​ມາ​ຊິກພັກ​ເດ​ໂມ​ແຄ​ຣັດ ໄດ້​ສາ​ມັກ​ຄີ​ກັນ ​ເຫັນ​ພ້ອມ​ກັບການ
​ຄັດ​ຄ້ານ​ຂອງ​ຜູ້​ນຳ​ພັກ​ຂອງ​ພວກ​ເຂົາ​ເຈົ້າຕໍ່​ທ່ານ ຄາ​ແວ​ນໍ, ​ຜູ້​ພິ​ພາກ​ສາ​ສານ​ອຸ​ທອນ
ທີ່ການ​ເລື່ອນ​ຊັ້ນຂອງ​ທ່ານ ຂຶ້ນເປັນຜູ້ພິພາກສາສານສູງສຸດ ສາ​ມາດທີ່​ຈະຢຶດ​ແໜ້ນ
​ແນວ​ທາງ​ອາ​ນຸ​ລັກນິ​ຍົມ ທີ່​ເປັນສຽງ​ສ່ວນ​ຫລາຍເປັນ​ເວ​ລາ​ ນານ​ເຖິງຫລາຍ​ທົດ​ສະ​ວັດ.

ສະ​ມາ​ຊິກ​ສະ​ພາ​ສູງໄຮ​ດີ ໄຮ​ແຄມ ສັງ​ກັດ​ພັກເດ​ໂມ​ແຄ​ຣັດ ທີ່​ມາ​ຈາກ​ລັດດາ​ໂກ​ຕາ​
ເໜືອ ປະ​ກາດ​ວ່າ ທ່ານ​ນາງ​ຈະ​ລົງ​ຄະ​ແນນ​ສຽງຄັດ​ຄ້ານ ຕໍ່​ທ່ານ ຄາ​ແວ​ນໍ. ທ່ານ​ນາງ
ບໍ່​ໝັ້ນ​ໃຈ​ຕໍ່ "ການໃຊ້​ອາ​ລົມ, ຄວາມ​ຊື່​ສັດ, ແລະ​ຄວາມ​ທ່ຽງ​ທໍາ," ຂອງ​ຜູ້​ທີ່​ຖືກ​ສະ​ເໜີ
​ໃຫ້​ກຳ​ຕຳ​ແໜ່ງ​ທ່ານນີ້ ແລະ​ກ່າວ​ວ່າ "ການ​ກະ​ທຳ​ຂອງ​ພວກ​ເຮົາ​ໃນ​ເວ​ລານີ້ ແມ່ນ​ສັນ
​ຍານ​ເຕືອນ ​ເຖິງຄ​ວາມສະ​ທ້ານ​ສະ​ເທືອນ​ໃຈ ​ແກ່​ຍິງ​ສາວ ແລະ​ແມ່​ຍິງ ຢູ່​ທົ່ວ​ປະ​ເທດ.
ຂ້າ​ພະ​ເຈົ້າ​ຈະ​ສືບ​ຕໍ່ ລຸກ​ຂຶ້ນ​ຕໍ່​ສູ້​ເພື່ອ​ພວກ​ເຂົາ​ເຈົ້າ."

ທ່​ານ​ນາງ ໄຮ​ແຄມ ປັດ​ຈຸ​ບັນ ມີ​ຄະ​ແນນ​ລາກ​ຫລັງ​ຢູ່ ​ໃນ​ການ​ຢັ່ງ​ຫາງ​ສຽງ ໃນ​ຂະ​ນະ
​ທີ່​ທ່ານ​ນາງ ລົງແຂ່ງ​ຂັນ​ເພື່ອໃຫ້​ຖືກ​ເລືອກ​ຕັ້ງ​ຄືນ​ອີກຢູ່​ລັດດາ​ໂກ​ຕາ​ເໜືອ, ທີ່​ທ່ານ
ທ​ຣຳ ໄດ້​ຮັບ​ໄຊ​ຊະ​ນະ​ຢ່າງງ່າຍ​ດາຍ ​ໃນ​ປີ 2016. ການ​ປະ​ກາດດັ່ງ​ກ່າວ​ຂອງ​ທ່ານ
​ນາງ ໄດ້ເຮັດ​ໃຫ້ມີ​ແຕ່ສະ​ມາ​ຊິກ​ສະ​ພາ ທີ່ສັງ​ກັດ​ພັກເດ​ໂມ​ແຄ​ຣັດ ຄົນ​ດຽວ​ເທົ່າ​ນັ້ນ
ທີ່​ຍັງ​ບໍ່​ສາ​ມາດ​ຕັດ​ສິນ​ໃຈ​ໄດ້​ເທື່ອ ນັ້ນ​ກໍ​ຄື​ທ່ານ ໂຈ ແມນຊິນ (Joe Manchin)
ຈາກ​ລັດ​ເວ​ຈີ​ເນຍ​ຕາ​ເວັນ​ຕົກ.

ສະ​ມາ​ຊິກ​ສະ​ພາ​ສູງສັງ​ກັດພັກຣີພັບບລີກັນ ສອ​ງຄົນ ໃນ​ຈຳ​ນວນສາມ​ຄົນ ທີ່ບໍ່​ມີ​
ຄວາມມຸ້ງ​ໝັ້ນ​ຕໍ່​ການ​ລົງ​ຄະ​ແນນ​ສຽງຮັບຮອງ​ເອົາ​ທ່ານ ຄາ​ແວ​ນໍ ກ່າວ​ຕໍ່​ພວກ​ນັກ
​ຂ່າວ ພາຍ​ຫລັງ​ໄດ້​ທົບ​ທວນ​ເບິ່ງ​ລາຍ​ງານ​ຂອງອົງການ FBI ແລ້ວ.

ສະ​ມາ​ຊິກ​ສະ​ພາ​ສູງຊູ​ແຊນ ຄອ​ລ​ລິນ​ສ໌ (Susan Collins) ຈາກ​ລັດ​ເມນ
ສະ​ມາ​ຊິກ​ສະ​ພາ​ສູງຊູ​ແຊນ ຄອ​ລ​ລິນ​ສ໌ (Susan Collins) ຈາກ​ລັດ​ເມນ

ສະ​ມາ​ຊິກ​ສະ​ພາ​ສູງຊູ​ແຊນ ຄອ​ລ​ລິນ​ສ໌ (Susan Collins) ຈາກ​ລັດ​ເມນ ເອີ້ນ​ເອ​ກະ​ສານ
​ດັ່ງ​ກ່າວ​ວ່າ ເປັນ​ເອ​ກະ​ສານ "ທີ່​ລະ​ອຽດ​ຖີ່​ຖ້ວນ," ໃນ​ຂະ​ນະ​ທີ່ ທ່ານ ແຈັ​ຟ ເຟ​ລກ ຈາກ
​ລັດ​ອາ​ຣີ​ໂຊ​ນາ ກ່າວ​ວ່າ "ພວກ​ເຮົາ​ບໍ່​ເຫັນ​ວ່າ​ ມີຂໍ້​ມູນ​ ເພີ້ມ​ເຕີມໃດໆ ທີ່ສະ​ແດງ​ໃຫ້​ເຫັນ​
ວ່າ ເປັນ​ຄືການ​ກ່າວ​ຫານັ້ນ."

ອ່ານ​ຂ່າວນີ້​ເພີ້​ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG