ອິງຕາມການສືບສວນສອບສວນຂອງອົງການສັນຕິບານກາງ
ຫຼື FBI ຂອງສະຫະລັດແລ້ວ ແມ່ນວ່າ ສອງສາມີພັນລະຍາ ທີ່ໄດ້
ສັງຫານ 14 ຄົນ ແລະຍິງບາດເຈັບອີກ 21 ຄົນ ໃນລັດ Cali-
fornia ໄດ້ທຳການຊ້ອມຍິງປືນ ກ່ອນການໂຈມຕີ ທີ່ຮ້າຍແຮງນັ້ນ
ແລະໄດ້ກາຍ ເປັນພວກຫົວຮຸນແຮງຈັດ “ມາໄດ້ດົນນານພໍສົມ
ຄວນແລ້ວ.”
ເຈົ້າໜ້າທີ່ FBI ໄດ້ບອກກັບພວກນັກຂ່າວໃນວັນຈັນວານນີ້ ວ່າ
ບັນດານັກສືບສວນ ສອບສວນທັງຫຼາຍ ຍັງສືບຕໍ່ຄົ້ນຫາວ່າ ທ້າວ
Syed Rizwan Farook ຜູ້ຊຶ່ງເກີດຢູ່ໃນສະຫະລັດ ແລະພັນ
ລະຍາຊາວປາກິສຖານ ນາງ Tashfeen Malik ໄດ້ວາງແຜນ
ໂຈມຕີ ມາດົນປານໃດແລ້ວ ແຕ່ທັງສອງໄດ້ໄປຝຶກຊ້ອມຍິງປືນ ຕາມສະຖານຍິງເປົ້າ
ຫລາຍໆບ່ອນ ຊຶ່ງຮວມທັງການຝຶກຊ້ອມຄັ້ງນຶ່ງ ແມ່ນມີຂຶ້ນພາຍໃນບໍ່ເທົ່າໃດມື້ກ່ອນໜ້າການໂຈມຕີສັງຫານໝູ່ ໃນງານສັງສັນຂອງພະນັກງານລັດຖະບານທ້ອງຖິ່ນນັ້ນ.
ທ່ານ David Bowdich ຮອງຜູ້ອຳນວຍການຂອງອົງການ FBI ທີ່ກຳກັບພວກເຈົ້າໜ້າທີ່ສະໜາມຂອງຫ້ອງການໃນນະຄອນ Los Angeles ໄດ້ກ່າວວ່າ ພວກກ່ຽວທັງສອງນີ້ ແມ່ນມີຄວາມເປັນໄປໄດ້ ທີ່ໄດ້ກາຍມາເປັນພວກຫົວຮຸນແຮງຈັດໃນທາງອິນເຕີແນັດ ຫຼື online
ແຕ່ບໍ່ແມ່ນຕິດຕໍ່ໂດຍກົງກັບຄົນອື່ນ. ທ່ານຍັງໄດ້ກ່າວວ່າ ການສືບສວນສອບສວນນີ້ຍັງຕ້ອງ ການທີ່ຈະສືບໃຫ້ຮູ້ເຖິງລາຍລະອຽດຂອງການທີ່ພວກເຂົາເຈົ້າ ໄດ້ກາຍມາເປັນພວກຫົວຮຸນແຮງນີ້ໄດ້ຢ່າງໃດ ຊຶ່ງບໍ່ໄດ້ມີຮ່ອງຮອຍສະແດງໃຫ້ເຫັນວ່າ ພວກເຂົາເຈົ້າເປັນສ່ວນນຶ່ງຂອງການວາງແຜນໃນຕ່າງປະເທດ ເພື່ອໂຈມຕີໃນຂອບເຂດທີ່ກວ້າງຂວາງ.
ເຈົ້າໜ້າທີ່ລັດຖະບານກາງ ໄດ້ກ່າວວ່າ ນາງ Malik ໄດ້ປະຕິຍານຕົນຕໍ່ຫົວໜ້າຂອງກຸ່ມລັດ ອິສລາມ ໂດຍຂຽນຂໍ້ຄວາມລົງໃນ Facebook ແລະທ້າງ Farook ໄດ້ຕິດຕໍ່ກັບສ່ວນບຸກ ຄົນ ທີ່ພົວພັນກັບກຸ່ມກໍ່ການຮ້າຍອື່ນໆ.
ນາງ Malik ແລະທ້າວ Frook ໄດ້ໜີອອກຈາກສະຖານທີ່ໂຈມຕີ ພ້ອມກັນ ແຕ່ວ່າ ຕໍ່ມາຕຳຫຼວດໄດ້ພົບເຫັນລົດຂອງພວກກ່ຽວ ແລະໄດ້ສັງຫານບຸກຄົນທັງສອງໃນການຍິງຕໍ່ສູ້ກັນ.
ເຈົ້າໜ້າ ທີ່ ທ້ອງຖິ່ນ ໄດ້ກ່າວວ່າ ຍັງຈະໄດ້ມີການຮັກສາຄວາມປອດໄພເພີ້ມຂຶ້ນໃນຂົງເຂດ ທີ່ໃຫ້ເປັນການສອດຄ່ອງກັບຄຳເວົ້າຂອງປະທານາທິບໍດີ ບາຣັກ ໂອບາມາ ທີ່ເອີ້ນການໂຈມຕີນີ້ວ່າ “ເປັນການກະທຳກໍ່ການຮ້າຍ ທີ່ຢາກຈະສັງຫານບັນດາຜູ້ບໍລິສຸດນັ້ນ.”
ໃນການຖະແຫຼງທີ່ບໍ່ສູ້ຈະມີຂຶ້ນ ຢູ່ທຳນຽບຂາວ ໃນວັນອາທິດຜ່ານມານີ້ ທ່ານບາຣັກ ໂອບາມາ ໄດ້ອະທິບາຍເຖິງການໂຈມຕີດັ່ງກ່າວ ແລະໃຫ້ການຄ້ຳປະກັນແກ່ຊາວອາເມຣິກັນ ກ່ຽວກັບຍຸດທະສາດຂອງສະຫະລັດເພື່ອປາບປາມກຸ່ມກໍ່ການຮ້າຍ ດັ່ງກ່າວ. ທ່ານປະທານາທິບໍດີ ໄດ້ກ່າວວ່າ ທັງສອງມືສັງຫານ ແມ່ນໄດ້ຮັບເອົາ “ການຕີຄວາມໝາຍທີ່ຜິດພາດກ່ຽວກັບສາ ສາອິສລາມ ນັ້ນ.”
