ທີ່ປະເທດຝຣັ່ງ ບັນດາຜູ້ມີສິດປ່ອນບັດ ອອກໄປປ່ອນບັດເລືອກ
ຕັ້ງໃນວັນອາທິດມື້ນີ້ ເພື່ອເລືອກເອົາສະມາຊິກສະພາທ້ອງຖິ່ນ.
ມີການເບິ່ງກັນຢ່າງກວ້າງຂວາງວ່າ ການເລືອກຕັ້ງມື້ນີ້ ເປັນໂອ
ກາດໜຶ່ງສຳຫລັບໃຫ້ທ່ານນາງ Marine Le Pen ແລະພັກ
ແນວໂຮມແຫ່ງຊາດ ຫຼື FN ທີ່ນິຍົມຂວາຈັດຂອງທ່ານນາງ
ສ້າງພື້ນຖານໄວ້ສຳຫລັບ ສະໝັກລົງແຂ່ງເລືອກຕັ້ງເປັນປະ
ທານາທິບໍດີໃນປີ 2017 ດັ່ງທີ່ມີການຄາດໝາຍກັນໄວ້ນັ້ນ.
ການສຳຫລວດຫາງສຽງປະຊາຊົນ ສະແດງໃຫ້ເຫັນວ່າ ພັກ
ແນວໂຮມຂອງທ່ານນາງ Le Pen ກຳລັງໄດ້ຮັບສຽງສະໜັບ
ສະໜຸນ ສູສີກັນກັບພັກສັງຄົມນິຍົມຂອງປະທານາທິບໍດີ
Francois Hollande ທີ່ ປົກຄອງປະເທດໃນປັດຈຸບັນ ແລະພັກ UMP ນິຍົມແນວ
ທາງເດີມ ພາຍໃຕ້ການນຳພາຂອງອະດີດປະທານາທິບໍດີ Nicolas Sarkozy.
ຜ່ານມາ ພັກ FN ໄດ້ຮັບຄະແນນນິຍົມຫຼາຍຂຶ້ນ ຈາກການສະໜັບສະໜຸນຈຸດຢືນຂອງ
ພັກ ໃນເລື້ອງຕ່າງໆທີ່ເປັນບັນຫາຂັດແຍ້ງທາງການເມືອງ ເຊັ່ນເລື້ອງຄົນເຂົ້າເມືອງ ເລື້ອງການຮວມເອົາສາສະໜາອິສລາມ ເຂົ້າໃນສັງຄົມຝຣັ່ງ ແລະຄວາມປາດຖະໜາຂອງພັກ
ທີ່ຢາກອອກຈາກການໃຊ້ເງິນຢູໂຣ ແລະຫັນກັບມາໃຊ້ເງິນຝຣັ່ງເກົ່າຄືນນັ້ນ.
