ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

FAO ເວົ້າວ່າມູນຄ່າຊື້-ຂາຍ ອາຫານໃນໂລກໃນປີນີ້ ອາດເພີ້ມສູງຂຶ້ນ


ເຂົ້າຊຶ່ງເປັນສະບຽງ​ອາຫານ​ປະ​ເພດ​ເມັດຊະນິດນຶ່ງ ທີ່ FOA ຄາດຄະເນວ່າອາດມີລາຄາເພີ້ມຂຶ້ນ ຍ້ອນ​ດິນຟ້າ​ອາກາດບໍ່ດີ.
ເຂົ້າຊຶ່ງເປັນສະບຽງ​ອາຫານ​ປະ​ເພດ​ເມັດຊະນິດນຶ່ງ ທີ່ FOA ຄາດຄະເນວ່າອາດມີລາຄາເພີ້ມຂຶ້ນ ຍ້ອນ​ດິນຟ້າ​ອາກາດບໍ່ດີ.

ອົງການອາຫານຂອງ​ສະຫະ​ປະຊາ​ຊາດ ກໍ​ຄື​ອົງການ​ອາຫານ ​​ແລະ ການ​ກະ​ເສດ ​ຫລື FAO ເວົ້າວ່າ ມູນຄ່າການ​ນຳເຂົ້າອາຫານຂອງ ​ປະ​ເທດ​ທັງຫລາຍ​ໃນ​ໂລກ ອາດ​ສູງ​ກາຍ ຂີ​ດ 1 ພັນ​ລ້ານໂດ​ລາ ​ໃນ​ປີ 2010 ນີ້.

ໃນລາຍ​ງານກ່ຽວກັບພາບ​ພົດ​ໃນ​ອານາ​ຄົດຂອງ​ອາຫານ ​ສະບັບ​ຫລ້າ​ສຸດຂອງຕົນນັ້ນ, ອົງ
ການ​ອາຫານ ແລະ ການ​ກະ​ເສດ​ ຫລື FAO ໄດ້​ອອກ​ຄຳ​ເຕືອນແກ່​ປະຊາ​ຄົມສາກົນ​ໃຫ້
ກຽມຕົວຮັບມືກັບ​ສະພາບ​ການໃນ​ພາຍໜ້າ ທີ່ຈະ​ຫຍຸ້ງຍາກ​ກວ່າ​ເກົ່າ ​ເວັ້ນ​ເສຍ​ແຕ່​ວ່າຈະ​ມີ
ການຜະຫລິດ ອາຫານຈາກ​ຜົນລະປູກຫລັກ​ຕ່າງໆ ​ເພີ້ມຂຶ້ນຢ່າງ​ຫລວງຫລາຍສົມຄວນ
ໃນ​ປີ 2011.

ເດັກນ້ອຍບັງກລາເດັສ ແບກເອົາເຂົ້າຊ່ວຍເຫລືອ ຈາກອົງການສາກົນໃນປີ 2008 ຍ້ອນຖືກວິກິດການ ດ້ານສະບຽງອາຫານ.
ເດັກນ້ອຍບັງກລາເດັສ ແບກເອົາເຂົ້າຊ່ວຍເຫລືອ ຈາກອົງການສາກົນໃນປີ 2008 ຍ້ອນຖືກວິກິດການ ດ້ານສະບຽງອາຫານ.

ອົງການ FAO ທໍານາຍ​ວ່າ ມູນຄ່າການ​ນຳ​ເຂົ້າອາຫານ
ສຳລັບ​ພວກ ປະ​ເທດ​ທີ່ທຸກ​ຈົນ​ທີ່​ສຸດ ຈະ​ເພີ້ມຂຶ້ນ 11%
ໃນ​ປີນີ້ ​ແລະ ​ເພີ້ມຂຶ້ນຮອດ 20% ສໍາລັບປະ​ເທດທີ່​ມີ​
ລາຍ​ໄດ້ຕໍ່າ ທີ່​ຜະຫລິດອາຫານ​ບໍ່ພຽງພໍກັບຄວາມ​ຕ້ອງ
ການ.

ລາຍ​ງານຂອງອົງການ FAO ​ເວົ້າວ່າ ​ໃນຈໍານວນ​ທີ່ສູງເກີນ
1 ພັນ​ລ້ານໂດ​ລານັ້ນ​ ມູນ​ຄ່າ​ການ​ນຳ​ເຂົ້າຂອງ​ອາຫານ​ໃນ
ໂລກ ແມ່ນຈະ​ເພີ້​ມ ຂຶ້ນ​ເຖິງ​ລະດັບທີ່​ບໍ່​ເຄີຍ​ມີ​ມາ​ກ່ອນ ນັບ
ຕັ້ງແຕ່​ລາຄາ​ອາຫານ​ໄດ້​ຖີບ​ຕົວ​ສູງ​ຂຶ້ນຢ່າງ​ເປັນ​ປະວັດ​ການ
ໃນ​ປີ 2008 ​ເປັນຕົ້ນມາ. ທ່ານ Abdolreza Abbassian
ຊຶ່ງ​ເປັນນັກ​ເສດຖະ​ສາດປະຈຳ​ອົງການ FAO ​ກ່າວວ່າ:

ທ່ານ Abbassian ​ເວົ້າ​ວ່າ “ລາຄາ​ຂອງ​ພືດຜົນທີ່ເປັນ
ອາຫານ​ເກືອ​ບທຸກ​ປະ​ເພດ​ໄດ້​ຖີບ​ຕົວສູງ​ຂຶ້ນຂ້ອນ​ຂ້າງວ່ອງ​ໄວ ​ໃນໄລຍະ​ບໍ່​ເທົ່າ​
ໃດເດືອນທີ່​ຜ່ານ​ມາ. ລາຄາສິນຄ້າ​ອາຫານບາງ​ປະ​ເພດ ​ໄດ້​ຖີບຂຶ້ນສູງ​ເກືອບ
ເທົ່າ​ກັບລະດັບຂອງ​ປີ 2008 ຊຶ່ງ​ເປັນ​ປີ​ທີ່​ພວກ​ເຮົາມີ​ວິ​ກິດ​ການທາງ​ອາຫານນັ້ນ.”

ຜູ້ຍິງຊິມບັບເວຄົນນີ້ເດີໃຈທີ່ໄດ້ຮັບເຂົ້າ ຊ່ວຍເຫລືອ2ເປົາ ເພາະອາຫາຂາດ ແຄນຫລາຍຢູ່ປະເທດນັ້ນໃນປີ 2008.
ຜູ້ຍິງຊິມບັບເວຄົນນີ້ເດີໃຈທີ່ໄດ້ຮັບເຂົ້າ ຊ່ວຍເຫລືອ2ເປົາ ເພາະອາຫາຂາດ ແຄນຫລາຍຢູ່ປະເທດນັ້ນໃນປີ 2008.

ລາຍ​ງານຂອງອົງການ FAO ກ່າວອີກວ່າ ​ດ້ວຍ​ເຫດ​ວ່າ​ມີ​ການ​ກົດ​ດັນ​ຕໍ່ລາຄາສິນຄ້າ​ໃນ​ໂລກ​ເກືອບທຸກ​ປະ​ເພດ ທີ່​ບໍ່ສາມາດ​ລະ​ງັບ​ໃຫ້​ຫລຸດ​ລົງ​ໄດ້ນັ້ນ ປະຊາ​ຄົມ​ໂລກຈະ​ຕ້ອງ​ເຝົ້າລະວັງ​ເບິ່ງຜົນ​ກະທົບ​ຢ່າງ​ແຮງ ຈາກ​ການ​ຂາດ​ແຄນອາຫານ​ໃນ​ຕະຫລາດ​ໂລກ ​ໃນ​ປີ 2011 ​ແລະ ກໍ​ກຽມຕົວ​ຮັບມື​ກັບ​ມັນ. ທ່ານ Abbassian ​ເວົ້າວ່າ ​ໃນ​ໂລກ​ນີ້ ມີ​ຫລາຍ​ກວ່າ 80 ປະ​ເທດ ທີ່​ຖືກ​ຈັດ​ເຂົ້າ​ໃນ​ລາຍ​ຊື່​ປະ​ເທດ ທີ່​ມີ​ລາຍຮັບຕໍ່າ ​ແລະ ບໍ່ຜະລິດ​ອາຫານ​ໄດ້ພຽງພໍ​ ກັບ​ຄວາມ​ຕ້ອງການ​ບໍລິ​ໂພ​ກຂອງ​ປະ​ເທດ. ທ່ານກ່າວຕໍ່​ໄປ​ວ່າ:

ທ່ານ Abbassian ​ເວົ້າ​ວ່າ ລາຄາ​ອາຫານ​ຕ່າງໆ ທີ່​ພວກ​ເຮົາ​ເວົ້າ​ເຖິງໃນ​ທຸກ​ມື້ນີ້ ​ແມ່ນ 40 ຫາ 60% ສູງ​ກວ່າ​ລາຄາ​ອາຫານ​ໃນ​ປີ​ກາຍ​ນີ້. ສະນັ້ນ ​ເລື້ອງນີ້ ​ຈຶ່ງເປັນພາລະ​ທີ່ໃຫຍ່ຫລາຍ ສຳລັບ​ພວກ​ປະ​ເທດ​ທີ່​ທຸກ​ຈົນກວ່າ ​ໃນ
ຈຳນວນ 80 ປະ​ເທດ​ທີ່​ວ່າ​ນັ້ນ ​ຊຶ່ງຢ່າງໜ້ອຍກໍມີ​ຮອດ 30 ປະ​ເທດພຸ້ນ​ແຫລະ
ທີ່​ຕ້ອງ​ແບກຫາບ​ບັນຫາໃນ​ການ​ສືບຕໍ່​ຊື້ອາຫານຈາກ​ຕະຫລາດ​ໂລກ​ ໃນ​ລາຄາ​
ທີ່​ແພງ​ຫລາຍຢູ່​ໃນ​ປັດຈຸບັນ​ນີ້.”

ອົງການ​ດັ່ງກ່າວ ​ໄດ້​ປັບການ​ຄາດ​ຄະ​ເນ​ຂອງ​ຕົນ ກ່ຽວ​ກັບ​ການ​ຜະລິດ​ພືດ​ປະ​ເພດ​ເມັດຂອງ​ໂລກລົງ ​ໂດຍ​ກ່າວ​ວ່າ ມັນ​ຈະ​ຫລຸດ​ລົງ 2%. ອົງການ FAO ຊຶ່ງກ່ອນ​ໜ້າ​ນີ້ ​ໄດ້ທຳນາຍ​ວ່າ ການ​ຜະລິດ​ອາຫານ​ປະ​ເພດ​ນີ້ ຈະ​ມີເພີ້ມຂຶ້ນຢູ່ 1.2% ເວົ້າວ່າ ການ​ຫລຸດ​ໜ້ອຍລົງໃນ​ສະບຽງ​ອາຫານ​ປະ​ເພດ​ເມັດນັ້ນ ແມ່ນເປັນຍ້ອນ​ດິນຟ້າ​ອາກາດ​ທີ່​ບໍ່ດີ.

ອົງການ​ອາຫານ ແລະການ​ກະ​ເສດ​ ຫລື FAO ຍັງເວົ້າອີກ​ວ່າ ປະລິ ມານອາຫານ​ປະ​ເພດ​ເມັດສ່ວນ​ໃຫຍ່ ທີ່​ມີ​ສະ​ສົມ​ໄວ້​ນັ້ນ ກໍຄາດ​ວ່າຈະ​ຫລຸດ​ລົງ​ຢ່າງ​ຫລວງຫລາຍ ​ແລະ ການ​ຜະຫລິດ​ອາຫານ​ປະ​ເພດ​ນີ້ ຄວນ​ຈະ​ເພີ້ມຂຶ້ນ ​ເພື່ອ​ໃຫ້​ຕອບ​ສະໜອງກັບ​ຄວາມ​ຕ້ອງການ​ໃນ​ການ​ບໍລິ​ໂພ​ກ​ໄດ້. ລາຍ​ງານ​ນີ້ຍັງ​ເວົ້າ​ຕື່ມ​ອີກ​ວ່າ ມີ​ແຕ່​ປະລິມານເຂົ້າທີ່ເກັບ ສຳຮອງ​ໄວ້​ເທົ່າ​ນັ້ນ ທີ່​ຄາດ​ວ່າ​ຈະ​ເພີ້ມຂຶ້ນ. ລາຍ​ງານ​ເວົ້າ​ວ່າ ສ່ວນ ການ​ຜະລິດ​ເຂົ້າ​ເບລ, ສາລີ ​ແລະ ຖົ່ວ​ເຫລືອງນັ້ນ ກໍຄວນ​ຈະມີເພີ້ມຂຶ້ນ.

XS
SM
MD
LG