ວັນອາທິດມື້ນີ້ ເປັນວັນຄົບຮອບ 50 ປີ ຂອງການບຸກລຸກສະຫະ
ລັດໂດຍອັງກິດບັ້ນນຶ່ງ ເວລາວົງດົນຕີ ຣ໊ອກ The Beatles ໄດ້
ມາອອກລາຍການໂທລະພາບຂອງອາເມຣິກາ ເປັນເທື່ອທໍາອິດ
ໃນລາຍການ Ed Sullivan Show ອັນເປັນຈຸດເລີ່ມຕົ້ນຂອງ
ອັນທີ່ກາຍມາເປັນອັນທີ່ເອີ້ນກັນວ່າ Beatlemania ຫລືຄວາມ
ຫຼົງໄຫຼໃນຄະນະ The Beatles ນັ້ນ.
ລາຍການທີວີປະຈໍາອາທິດຂອງ Ed Sullivan ເປັນທີ່ຮັບຮູ້ກັນ
ວ່າເປັນລາຍການສະແດງທີ່ຮ້ອນແຮງທີ່ສຸດ ໃນວົງການທຸລະ
ກິດການສະແດງ. ຜູ້ຈັດລາຍການ Ed Sullivan ໄດ້ເຫັນວົງ
the Beatles ຖືກຫ້ອມລ້ອມໂດຍແຟນເພງຊາວອັງກິດ ຢູ່ທີ່
ສະໜາມບິນໃນກຸງລອນດອນ ແລະໃນທັນທີນັ້ນ ກໍໄດ້ຕົກລົງເຊັນສັນຍາໃຫ້ຄະນະດັ່ງກ່າວ
ມາສະແດງໃນລາຍການຂອງຕົນສາມຄັ້ງລຽນຕິດ ເຖິງແມ່ນວ່າໃນເວລານັ້ນ ຄະນະ The
Beatles ຍັງບໍ່ທັນໂດ່ງດັງຢູ່ໃນສະຫະລັດ ກໍຕາມ.
ພວກສະຖານີວິທະຍຸ ເພງ Rock and roll ທັງຫຼາຍໃນທົ່ວສະຫະລັດ ໄດ້ເຮັດໃຫ້ຄວາມ
ຫຼົງໄຫຼວົງ The Beatles ເພີ້ມທະວີຂຶ້ນ ໂດຍການ ເຜີຍແຜ່ເພງຂອງເຂົາເຈົ້າແບບບໍ່ຢຸດ.
ບັນດາແຟນໆ ໄດ້ໄປອັ່ງອໍປີ້ເຂົ້າ ຊົມລາຍການຂອງ Sullivan Show ເຖິງ 50,000 ປີ້
ຢູ່ທີ່ໂຮງມະຫໍລະສົບແຫ່ງນຶ່ງໃນນະຄອນນີວຢ໊ອກ ຊຶ່ງມີບ່ອນນັ່ງພຽງ 700 ບ່ອນ.
ພວກຜູ້ຊົມຢູ່ທາງບ້ານ 70 ລ້ານຄົນ ເປີດທີວີເບິ່ງເວລາ 8 ໂມງ ແລະໄດ້ເຫັນນັກດົນຕີ
ຄະນະ the Beatles ຄື John Paul George ແລະRingo ຮ້ອງເພງສາມເພງ ໃນຫ້ອງ studio ທີ່ອັ່ງອໍດ້ວຍພວກຜູ້ສາວໄວລຸ້ນ ທີ່ພາກັນສົ່ງສຽງຮ້ອງໂຮເຊຍ ຢ່າງຄຶກຄື້ນ.
ມື້ນີ້ ຊາວອາເມຣິກັນ ພາກັນປະກອບພິທີເປັນຂີດໝາຍວັນຄົບຮອບ 50 ປີ ຂອງການສະແດງດົນຕີຮອບທໍາອິດຂອງວົງດົນຕີ the Beatles ຢູ່ທົ່ວປະເທດ ຈາກຕັ້ງແຕ່ຕຶກ Capitol
Records Tower ທີ່ Los Angeles ໄປຈົນເຖິງສະໜາມບິນ JFK ທີ່ ນີວຢ໊ອກ ບ່ອນທີ່
ວົງດົນຕີ the Beatles ໄດ້ກ້າວລົງຢຽບດິນແດນອາເມຣິກາ ເທື່ອທໍາອິດນັ້ນ.
ລັດໂດຍອັງກິດບັ້ນນຶ່ງ ເວລາວົງດົນຕີ ຣ໊ອກ The Beatles ໄດ້
ມາອອກລາຍການໂທລະພາບຂອງອາເມຣິກາ ເປັນເທື່ອທໍາອິດ
ໃນລາຍການ Ed Sullivan Show ອັນເປັນຈຸດເລີ່ມຕົ້ນຂອງ
ອັນທີ່ກາຍມາເປັນອັນທີ່ເອີ້ນກັນວ່າ Beatlemania ຫລືຄວາມ
ຫຼົງໄຫຼໃນຄະນະ The Beatles ນັ້ນ.
ລາຍການທີວີປະຈໍາອາທິດຂອງ Ed Sullivan ເປັນທີ່ຮັບຮູ້ກັນ
ວ່າເປັນລາຍການສະແດງທີ່ຮ້ອນແຮງທີ່ສຸດ ໃນວົງການທຸລະ
ກິດການສະແດງ. ຜູ້ຈັດລາຍການ Ed Sullivan ໄດ້ເຫັນວົງ
the Beatles ຖືກຫ້ອມລ້ອມໂດຍແຟນເພງຊາວອັງກິດ ຢູ່ທີ່
ສະໜາມບິນໃນກຸງລອນດອນ ແລະໃນທັນທີນັ້ນ ກໍໄດ້ຕົກລົງເຊັນສັນຍາໃຫ້ຄະນະດັ່ງກ່າວ
ມາສະແດງໃນລາຍການຂອງຕົນສາມຄັ້ງລຽນຕິດ ເຖິງແມ່ນວ່າໃນເວລານັ້ນ ຄະນະ The
Beatles ຍັງບໍ່ທັນໂດ່ງດັງຢູ່ໃນສະຫະລັດ ກໍຕາມ.
ພວກສະຖານີວິທະຍຸ ເພງ Rock and roll ທັງຫຼາຍໃນທົ່ວສະຫະລັດ ໄດ້ເຮັດໃຫ້ຄວາມ
ຫຼົງໄຫຼວົງ The Beatles ເພີ້ມທະວີຂຶ້ນ ໂດຍການ ເຜີຍແຜ່ເພງຂອງເຂົາເຈົ້າແບບບໍ່ຢຸດ.
ບັນດາແຟນໆ ໄດ້ໄປອັ່ງອໍປີ້ເຂົ້າ ຊົມລາຍການຂອງ Sullivan Show ເຖິງ 50,000 ປີ້
ຢູ່ທີ່ໂຮງມະຫໍລະສົບແຫ່ງນຶ່ງໃນນະຄອນນີວຢ໊ອກ ຊຶ່ງມີບ່ອນນັ່ງພຽງ 700 ບ່ອນ.
ພວກຜູ້ຊົມຢູ່ທາງບ້ານ 70 ລ້ານຄົນ ເປີດທີວີເບິ່ງເວລາ 8 ໂມງ ແລະໄດ້ເຫັນນັກດົນຕີ
ຄະນະ the Beatles ຄື John Paul George ແລະRingo ຮ້ອງເພງສາມເພງ ໃນຫ້ອງ studio ທີ່ອັ່ງອໍດ້ວຍພວກຜູ້ສາວໄວລຸ້ນ ທີ່ພາກັນສົ່ງສຽງຮ້ອງໂຮເຊຍ ຢ່າງຄຶກຄື້ນ.
ມື້ນີ້ ຊາວອາເມຣິກັນ ພາກັນປະກອບພິທີເປັນຂີດໝາຍວັນຄົບຮອບ 50 ປີ ຂອງການສະແດງດົນຕີຮອບທໍາອິດຂອງວົງດົນຕີ the Beatles ຢູ່ທົ່ວປະເທດ ຈາກຕັ້ງແຕ່ຕຶກ Capitol
Records Tower ທີ່ Los Angeles ໄປຈົນເຖິງສະໜາມບິນ JFK ທີ່ ນີວຢ໊ອກ ບ່ອນທີ່
ວົງດົນຕີ the Beatles ໄດ້ກ້າວລົງຢຽບດິນແດນອາເມຣິກາ ເທື່ອທໍາອິດນັ້ນ.
