ຄອບຄົວນັກຂ່າວສະຫະລັດ ທີ່ຖືກຕັດຫົວໂດຍພວກຫົວຮຸນ
ແຮງລັດອິສລາມ ໃນ ຊິເຣຍ ໄດ້ເລີ້ມຕັ້ງກອງທຶນ ທີ່ຈະສ້າງ
ສູນກາງຊັບພະຍາກອນ ແລະຕາໜ່າງໃຫ້ ການສະໜັບສະ
ໜຸນແກ່ບັນດາຄອບຄົວຂອງຊາວອາເມຣິກັນຄົນອຶ່ນໆທີ່ຖືກ
ກັກຂັງຢູ່ໃນເຂດທີ່ເປັນອັນຕະລາຍທັງຫຼາຍ.
ກອງທຶນມູນມໍລະດົກ James W. Foley (www.james
foleyfund.org ) ຍັງຈະດຳເນີນງານເພື່ອສ້າງຕັ້ງນະໂຍບາຍ
ຢູ່ທົ່ວໂລກ ເພື່ອປ້ອງກັນການລັກພາໂຕ.
ຄອບຄົວຂອງທ່ານໄດ້ຂຽນລົງໃນເວັບໄຊທ໌ວ່າ “ບໍ່ມີສິ່ງໃດທີ່
ພວກເຮົາເຮັດຈະນຳເອົາລາວຄືນມາ ຊີວິດຂອງລາວແລະການຕາຍຂອງລາວ ທ້າທາຍ
ຕໍ່ເຮົາທຸກຄົນ ໃຫ້ມີຄວາມຮັກແລະໃຫ້ອະໄພໂທດແກ່ກັນແລະກັນ ແລະເຮັດໃຫ້ໂລກນີ້ເປັນບ່ອນທີ່ດີຂື້ນ.”
ພາບວິດີໂອສະຫຍອງຂວັນ ທີ່ນຳອອກເຜີີຍແຜ່ໃນເດືອນແລ້ວນີ້ໄດ້ສະແດງໃຫ້ເຫັນການ
ສັງຫານ ທ່ານ Foley ຢ່າງໂຫດຮ້າຍທາລຸນໂດຍສະມາຊິກທີ່ໃສ່ໜ້າກາກ ຂອງກຸ່ມຫົວຮຸນ
ແຮງລັດອິສລາມທີ່ໄດ້ເຂົ້າຄວບຄຸມດິນແດນບາງເຂດຂອງ ຊິເຣຍ ແລະ ອີຣັກ.
ທ່ານ Foley ໄດ້ເຮັດວຽກໃນນາມນັກຂ່າວຖ່າຍຮູບອິດສະຫຼະ ເວລາລາວຖືກລັກພາໂຕ
ໄປໃນຊິເຣຍ ເມື່ອທ້າຍປີ 2012. ຢູ່ໃນການສຳພາດທາງໂທລະພາບ ອາທິດນີ້ ແມ່ຂອງ
ລາວໄດ້ຕິຕຽນລັດຖະບານສະຫະລັດທີ່ບໍ່ໄດ້ດຳເນີນການຢ່າງພຽງພໍ ເພື່ອຊ່ວຍຊີວິດລູກ
ຂອງລາວນັ້ນ.
ສະຫະລັດ ບໍ່ຍອມຈ່າຍເງິນຄ່າໄຖ່ ໃຫ້ແກ່ກຸ່ມໃດກໍຕາມທີ່ຖືວ່າເປັນອົງການກໍ່ການຮ້າຍ.
ເຖິງຢ່າງໃດກໍດີ ພວກໂຕປະກັນຊາວຢູໂຣບຫລາຍຄົນ ທີ່ຖືກກັກຂັງໄວ້ກັບທ່ານ Foley
ນັ້ນ ໄດ້ຖືກປ່ອຍໂຕ ຫລັງຈາກມີການກ່າວຫາວ່າ ໄດ້ມີການຈ່າຍ ເງິນຄ່າໄຖ່ ໃຫ້ແກ່ກຸ່ມ ລັດອິສລາມ.
