ລັດຖະມົນຕີການຕ່າງປະເທດສະຫະລັດ ທ່ານ ແອນໂທນີ ບລິງເກັນ ປະກາດໃນວັນຈັນວານນີ້ວ່າ ອິສຣາແອລ ໄດ້ຢືນຢັນການສະໜັບສະໜູນຂໍ້ສະເໜີເພື່ອບັນລຸຂໍ້ຕົກລົງຢຸດຍິງໃນສົງຄາມ ລະຫວ່າງອິສຣາແອລ ແລະກຸ່ມ ຮາມາສ. ນັກການທູດລະດັບສູງຂອງສະຫະລັດ ໄດ້ຮຽກຮ້ອງໃຫ້ກຸ່ມ ຮາມາສ ສະໜັບສະໜູນຂໍ້ສະເໜີດັ່ງກ່າວເຊັ່ນກັນ, ໂດຍກ່າວວ່າ ມັນຈະຊ່ວຍຫລຸດຜ່ອນສະຖານະການດ້ານມະນຸດສະທຳທີ່ຮ້າຍແຮງຢູ່ເຂດ ກາຊາ. ນັກຂ່າວ ວີໂອເອ, ເວໂຣນິກາ ບາລເດີຣາສ ອິເກຼຊຽສ (Veronica Balderas Iglesias) ມີລາຍງານ, ເຊິ່ງອາດນະສັກ ຈະນຳເອົາລາຍລະອຽດມາສະເໜີທ່ານໃນອັນດັບຕໍ່ໄປ.
ອິສຣາແອລ ເຫັນດີກັບຂໍ້ສະເໜີທີ່ໄດ້ຖືກນຳສະເໜີໃນອາທິດແລ້ວນີ້ ທີ່ຈະເປັນຂົວຕໍ່ຄວາມຂັດແຍ້ງທີ່ຍັງເຫຼືອຢູ່ ເພື່ອບັນລຸຂໍ້ຕົກລົງການຢຸດຍິງໃນສົງຄາມກັບກຸ່ມ ຮາມາສ. ລັດຖະມົນຕີການຕ່າງປະເທດສະຫະລັດ ທ່ານ ແອນໂທນີ ບລິງເກັນ ໄດ້ປະກາດເລື້ອງນີ້ ໃນວັນຈັນວານນີ້ ຫຼັງຈາກໄດ້ຈັດກອງປະຊຸມກັບເຈົ້າໜ້າທີ່ລະດັບສູງຂອງອິສຣາແອລ ຫຼາຍຄັ້ງ.
ທ່ານ ແອນໂທນີ ບລິງເກັນ, ລັດຖະມົນຕີກະຊວງການຕ່າງປະເທດສະຫະລັດ:
"ບາດກ້າວທີ່ສຳຄັນບາດກ້າວຕໍ່ໄປແມ່ນໃຫ້ກຸ່ມ ຮາມາສ ຕອບຕົກລົງເຫັນດີ, ແລະຫຼັງຈາກ ນັ້ນ ໃນຊຸມມື້ຂ້າງໜ້າ, ບັນດານັກເຈລະຈາທີ່ຊ່ຽວຊານທັງໝົດ ຈະຮວມໂຕກັນເພື່ອ ທຳຄວາມເຂົ້າໃຈຢ່າງຈະແຈ້ງ ກ່ຽວກັບການປະຕິບັດຂໍ້ຕົກລົງດັ່ງກ່າວ.”
ຄວາມກົດດັນກຳລັງເພີ້ມຂຶ້ນຕໍ່ລັດຖະບານຂອງນາຍົກລັດຖະມົນຕີ ເບັນຈາມິນ ເນຕັນຢາຮູ ຂອງອິສຣາແອລ ເພື່ອຮັບປະກັນການປ່ອຍຕົວຕົວປະກັນຊາວອິສຣາແອລ ທີ່ກຸ່ມ ຮາມາສ ຈັບໂຕໄປໃນວັນທີ 7 ຕຸລາ. ທ່ານ ບລິງເກັນ ໄດ້ສ່ອງແສງໃຫ້ທ່ານ ຮັບຮູ້ເຖິງຄວາມ ສໍາຄັນຂອງການບັນລຸຂໍ້ຕົກລົງການຢຸດຍິງໃນຕອນນີ້.
ທ່ານ ແອນໂທນີ ບລິງເກັນ, ລັດຖະມົນຕີການຕ່າງປະເທດສະຫະລັດ:
"ຖ້າແຕ່ລະມື້ຜ່ານໄປ ໂດຍທີ່ບໍ່ມີຂໍ້ຕົກລົງ, ສອງສິ່ງສາມາດເກີດຂຶ້ນໄດ້ ຄື: ຫນຶ່ງແມ່ນ, ແນ່ນອນ, ບັນດາໂຕປະກັນ ອາດເສຍຊີວິດເພີ້ມຂຶ້ນ. ແລະສອງແມ່ນ ເຫດການແຊກ ແຊງທີ່ເກີດຂຶ້ນຕາມມາ ອາດຈະເຮັດໃຫ້ສິ່ງຕ່າງໆມີຄວາມຫຍຸ້ງຍາກຫຼາຍຂຶ້ນ, ຫຼືອາດ ຈະບໍ່ເກີດຂຶ້ນເລີຍກໍເປັນໄດ້."
ທ່ານ ບລິງເກັນ ກ່າວວ່າ ທ່ານໄດ້ກ່າວເຖິງຄວາມຮີບດ່ວນໃນການແກ້ໄຂສະຖານະການດ້ານມະນຸດສະທຳຢູ່ເຂດ ກາຊາ ໃນເວລາທີ່ທ່ານໄດ້ພົບປະກັບລັດຖະມົນຕີປ້ອງກັນປະເທດ ຂອງອິສຣາແອລ ທ່ານ ໂຢອາຟ ກາລລັນ (Yoav Gallant).
ການປຶກສາຫາລືຍັງລວມເຖິງຄວາມເປັນໄປໄດ້ທີ່ພະຍາດໂປລີໂອຈະຄືນາລະບາດອີກຄັ້ງ ຢູ່ໃນເຂດກາຊາ. ເຈົ້າໜ້າທີ່ສາທາລະນະສຸກຂອງປາແລັສໄຕນ໌ ໄດ້ລາຍງານກໍລະນີໜຶ່ງ ໃນອາທິດທີ່ຜ່ານມາກ່ຽວກັບເດັກທີ່ບໍ່ໄດ້ຮັບວັກຊີນ.
ທ່ານ ແອນໂທນີ ບລິງເກັນ, ລັດຖະມົນຕີກະຊວງການຕ່າງປະເທດສະຫະລັດ:
"ພວກເຮົາໄດ້ເຮັດວຽກກ່ຽວກັບແຜນການລະອຽດເພື່ອເຮັດໃຫ້ແນ່ໃຈວ່າ ຜູ້ທີ່ຈໍາເປັນຕ້ອງ ໄດ້ຮັບການສັກຢາປ້ອງກັນສາມາດໄດ້ຮັບການສັກຢາປ້ອງກັນໄດ້ ແລະພວກເຮົາກຳລັງ ເຮັດວຽກຮ່ວມກັບລັດຖະບານອິສຣາແອລ ກ່ຽວກັບເລື່ອງນີ້.”
ທ່ານ ບລິງເກັນ ຄາດວ່າຈະໄດ້ຮຽນຮູ້ຈຸດຢືນຂອງກຸ່ມ ຮາມາສ ກ່ຽວກັບຂໍ້ສະເໜີໃນການ ເຊື່ອມຕໍ່ນີ້ ເມື່ອທ່ານພົບປະກັບຜູ້ໄກ່ເກ່ຍຈາກ ອີຈິບ ແລະ ກາຕາ ໃນວັນອັງຄານມື້ນີ້ ທີ່ເມືອງແຄມທະເລ ເອລ-ອາລາເມນ (El-Alamein) ຂອງອີຈິບ.
ອ່ານລາຍງານເປັນພາສາອັງກິດລຸ່ມນີ້:
U.S. Secretary of State Antony Blinken announced Monday that Israel confirmed its support for a proposal to achieve a cease-fire in the Israel-Hamas war. The top U.S. diplomat urged Hamas to back the proposal as well, saying it would help alleviate the dire humanitarian situation in Gaza. VOA’s Veronica Balderas Iglesias reports.
Israel is on board with a proposal presented last week that bridges the remaining differences to reach a cease-fire in its war with Hamas. U.S. Secretary of State Antony Blinken made the announcement Monday after holding several meetings with top Israeli officials.
Antony Blinken, US Secretary of State:
“The next important step is for Hamas to say yes, and then in the coming days, for all of the expert negotiators to get together to work on clear understandings on implementing the agreement.”
Pressure is building on the government of Israeli Prime Minister Benjamin Netanyahu to secure the release of Israeli hostages taken by Hamas on October 7th. Blinken conveyed to him the importance of reaching a cease-fire agreement now.
Antony Blinken, US Secretary of State:
“With every passing day there's not an agreement, two things can happen: One is, of course, more hostages can perish. And second, intervening events come along that may make things even more difficult, if not impossible.”
Blinken said he brought up the urgency of addressing the humanitarian situation in Gaza when he met with Israeli Defense Minister Yoav Gallant.
Discussions also included the possible reemergence of polio in the Gaza Strip. Palestinian health officials reported a case last week in an unvaccinated child.
Antony Blinken, US Secretary of State:
“We've been working on a detailed plan to make sure that those who need to be vaccinated against it can get vaccinated. And we're working with the Israeli government on that.”
Blinken expects to learn Hamas' stance on the bridging proposal when he meets Tuesday with mediators from Egypt and Qatar in the coastal town of El-Alamein, Egypt.
Veronica Balderas Iglesias, VOA News
ຟໍຣັມສະແດງຄວາມຄິດເຫັນ