ກອງເຊຍ ບານເຕະຍິງ ສະຫະລັດ ສະຫຼອງ ຊະນະເລີດ ຢູ່ນອກທຳນຽບຂາວ

໐໖,໐໗,໒໐໑໕

ກອງເຊຍກິລາບານເຕະ ນາງ Laura Neff ຈາກ California (ຊ້າຍ) ແລະ ນາງ Kayli Westling ຈາກ Wyoming ສະເຫຼີມສະຫຼອງການຊະນະເລີດບານເຕະໂລກ ຂອງທີມຊາດຍິງ ສະຫະລັດ ກັບກຸ່ມນອກກົດໝາຍ ຢູ່ນອກທຳນຽບຂາວ. 5 ກໍລະກົດ 2015.

ໃນສັນຍານຫຼ້າສຸດໃນການຫຼົງໄຫຼໃນກິລາບານເຕະ ທີ່ກຳລັງເຕີບໂຕຂຶ້ນຢູ່ໃນ ສະຫະລັດນັ້ນ , ໄດ້ມີພວກສະໜັບສະໜູນ ສະຫະລັດ ຫຼາຍຮ້ອຍຄົນ ມາເຕົ້າໂຮມກັນຢູ່ນອກທຳນຽບຂາວໃນຕອນຄ່ຳຂອງວັນອາທິດວານນີ້ ເພື່ອສະເຫຼີມສະຫຼອງການຍາດໄດ້ ໄຊຊະນະຂອງ ທີມບານເຕະຍິງແຫ່ງຊາດຈາກ ຍີ່ປຸ່ນ ໃນການແຂ່ງຂັນບານເຕະໂລກນັ້ນ.

ດັ່ງທີ່ ທ້າວ Donald Wine ແຟນບານເຕະອາເມລິກັນ ໄດ້ບັນລະຍາຍຢູ່ໃນການຮວມຕົວກັນ ຂອງບັນດາກອງເຊຍບານເຕະ ສະຫະລັດນັ້ນກໍແມ່ນວ່າ “ພວກເຮົາມາສະເຫຼີມສະຫຼອງກັນໜ້ອຍ ໜຶ່ງຢູ່ບ້ານຂອງບາຣັກ.”. ນັ້ນເປັນການເຕົ້າໂຮມກັນທີ່ໃຫຍ່ທີ່ສຸດຢູ່ນອກບ້ານພັກຂອງປະທານາ ທິບໍດີ ໃນຢ່າງໜ້ອຍໜຶ່ງທົດສະວັດຜ່ານມາ.

ທ້າວ Wine ນຳໜ້າສະໂມສອນ Washington ເປັນກຸ່ມບໍ່ປະສົງຜົນກຳໄລ ນອກກົດໝາຍຂອງ ອາເມຣິກາ, ເຊິ່ງເປັນກຸ່ມຜູ້ໜັບສະໜູນໃຫຍ່ ຂອງທິມຊາດບານເຕະ ສະຫະລັດ.

ນັກຮັກສາປະຕູ ທີມຊາດ ອາເມຣິກາ ນາງ Hope Solo ຍໍຂັນຊະນະເລີດບານເຕະຍິງໂລກ ພ້ອມກັບເພື່ື່ອນຮ່ວມທີມ. 5 ກໍລະກົດ 2015

ສາຂາໃນທ້ອງຖິ່ນ ເອີ້ນວ່າ AODC ແມ່ນກຸ່ມທີ່ໃຫຍ່ທີ່ສຸດ ມີ 174 ສະໂມສອນ, ເຊິ່ງລວມ ສະມາຊິກທັງໝົດມີ 30,000 ຄົນ.

ທ້າວ Wine ຄາດເດົາວ່າ AODC ໄດ້ດຶງດູດປະມານ 500 ຄົນເຂົ້າຮ້ານກິນດື່ມຕັ້ງຢູ່ໃຈກາງ ເມືອງ Washington ເພື່ອຊົມການແຂ່ງຂັນ ບານເຕະແມ່ຍິງ ລະຫວ່າງ ສະຫະລັດ ກັບ ຍີປຸ່ນ ໃນຮອບຊິງ ຊະນະເລີດ. ການໂດດດີໃຈຍ້ອນການຊະນະ 5 ຕໍ່ 2 ເຮັດໃຫ້ເຮັດ ໃຫ້ກອງເຊຍ ເກືອບເຄິ່ງໜຶ່ງຢູ່ໃນຮ້ານກິນດື່ມດັ່ງກ່າວ ພາກັນຍ່າງ ອອກຈາກຮ້ານ ພ້ອມດ້ວຍຮ້ອງເພງຊົມເຊີຍໄຊຊະນະໄປຕາມທາງມຸ້ງ ໜ້າສູ່ທຳນຽບຂາວ, ເຊິ່ງຢູ່ຫ່າງພຽງປະມານ 5 ຊ່ວງຕຶກອອກໄປ ເທົ່ານັ້ນເອງ.

ລິ້ງ ສຳຫລັບເຂົ້າຫາ

ຕິດຕາມພວກເຮົາ ທີ່

ກອງເຊຍ ບານເຕະຍິງ ສະຫະລັດ ສະຫຼອງ ຊະນະເລີດ ຢູ່ນອກທຳນຽບຂາວ

U.S. Women's Soccer Team Wins World Cup