ການເປີດເຜີຍເຖິງການໃຊ້ແຮງງານແບບຂ້າທາດ ໃນອຸດສາຫະກຳອາຫານທະເລຢູ່ ເອເຊຍອາຄະເນ ແລະການລາຍງານຂ່າວດ່ວນ ກ່ຽວກັບຜູ້ກໍ່ການຮ້າຍຍິງໂຈມຕີຢູ່ ເມືອງ San Bernardino ແມ່ນຮວມຢູ່ໃນບັນດາຜູ້ຊະນະເລີດລາງວັນ Pulitzer Prize ປີ 2016.
ນີ້ແມ່ນໂອກາດຄົບຮອບ 100 ປີ ຂອງການມອບລາງວັນໃຫ້ແກ່ບັນດານັກຂ່າວ ນັກຂຽນ ປື້ມ ນັກແຕ່ງລະຄອນ ແລະນັກດົນຕີ.
ອົງການຂ່າວ AP ໄດ້ຮັບລາງວັນຮັບໃຊ້ສາທາລະນະຊົນ ໃນການສືບສວນກ່ຽວກັບວ່າ ພວກຫາກຸ້ງແລະປາຢູ່ໃນອິນໂດເນເຊຍ ໃຊ້ແຮງງານແບບຂ້າທາດຈາກມຽນມາ ເພື່ອ ຜະລິດອາຫານການກິນ ຢູ່ໃນທົ່ວສະຫະລັດ ແລະຢູໂຣບ.
ລາຍງານດັ່ງກ່າວນີ້ ໄດ້ເປັນຜົນເຮັດໃຫ້ພວກຜູ້ຊາຍປະມານ 2,000 ຄົນໄດ້ຮັບອິດສະ ຫຼະພາບ.
ໜັງສືພິມ Los Angeles Times ໄດ້ຊະນະການລາຍງານຂ່າວດ່ວນກ່ຽວກັບ ການສັງ ຫານໜູ່ 14 ຄົນທີ່ເມືອງ San Bernardino ລັດ California ປີກາຍນີ້.
ລາງວັນດ້ານອຶ່ນໆນັ້ນ ໄດ້ຖືກມອບໃຫ້ແກ່ໜັງສືພິມ New York Times ທີ່ໄດ້ລາຍງານ ກ່ຽວກັບຊີວິດທີ່ທຸກທໍລະມານ ທີ່ໄດ້ຮັບ ໂດຍບັນດາແມ່ຍິງອັຟການິສຖານ ແລະອົງການ ຂ່າວ Thompson Reuters ໄດ້ຮັບໃນການຖ່າຍພາບພວກອົບພະຍົບ.
ນັກຂຽນ Jody Warrick ໄດ້ຊະນະລາງວັນໃນການຂຽນທີ່ບໍ່ແມ່ນນິຍາຍ ກ່ຽວ ກັບປື້ມ ຂອງທ່ານທີ່ມີຊື່ວ່າ Black Flags: The Rise of ISIS ແລະລາງວັນບົດຂຽນປະເພດ ນິຍາຍ ໄດ້ມອບໃຫ້ແກ່ນັກຂຽນ ທ່ານ Thanh Nguyen ທີ່ ເກີດຢູ່ຫວຽດນາມ ຊຶ່ງໄດ້ຂຽນ ເລື້ອງ Sympathizer ບົດລະຄອນທີ່ໄດ້ຮັບການຍົກຍ້ອງທີ່ເກີດຂຶ້ນຫລັງຈາກການແຕກ ຂອງຫວຽດນາມໃຕ້ໃນປີ 1975.
ລາງວັນ Pulitzer ໄດ້ຕັ້ງຂື້ນມາໂດຍຜູ້ພິມເຜີຍແຜ່ໜັງສືພິມ ທ່ານ Joseph Pulitzer ໃນປີ 1917 ແລະໄດ້ມີການມອບລາງວັນໃນແຕ່ລະປີໂດຍມະຫາວິ ທະຍາໄລ Columbia ໃນນະຄອນ New York.
