ລິ້ງ ສຳຫລັບເຂົ້າຫາ

​ຄົນຮ້າຍທີ່ສົງໄສວ່າ ແມ່ນພວກໂບໂກ ຮາຣຳ ໂຈມຕີ ເມືອງ Damaturu ຂອງໄນຈີເຣຍ


ແຜນທີ່ ປະເທດໄນຈີເຣຍ

ປະຊາຊົນ​ໃນເມືອງຫຼວງ​ຂອງ​ລັດ Yobe ຂອງ​ໄນ​ຈີ​ເຣຍ ກ່າວ​
ວ່າ ການ​ໂຈມ​ຕີ​ທີ່​ສົງ​ໄສ​ວ່າ​ແມ່ນ​ກຸ່ມ Boko Haram ​ໃສ່​ເມືອງ​
ຂອງ​ເຂົາ​ເຈົ້າ ​ໄດ້​ແນ​ເປົ້າ​ໝາຍ​ໃສ່​ຕຳຫຼວດ.

ພວກ​ຜູ້​ຊາຍ​ຈຸ​ນຶ່ງ​ທີ່​ປະກອບ​ອາວຸດ​ໜັກ ​ໄດ້​ທຳ​ການ​ໂຈມ​ຕີ​ເມືອງ
Damaturu ​ໃນ​ເຊົ້າ​ວັນ​ຈັນ​ມື້​ນີ້ ດ້ວຍ​ລະ​ເ​ບີ​ດ​ແລະ​ອາວຸດ​ປືນ.

ພວກ​ຊາວ​ເມືອງ ຮວມທັງ​ພວກ​ນັກ​ສຶກສາ​ມະຫາວິທະຍາ​ໄລ​ລັດ
Yobe ​ພາກັນ​ລີ້​ຊ່ອນ​ຢູ່​ໃນ​ປ່າ​ແຫ່ງ​ນຶ່ງ​ ຢູ່​ນອກ​ເມືອງ​ທີ່​ຕັ້ງ​ຢູ່ໃນ​
ພາກ​ເໜືອ​ຂອງ​ໄນ​ຈີ​ເຣຍ. ນັກ​ຂ່າວ​ວີ​ໂອ​ເອພະ​ແນ​ກພາສາ
Hausa ​ໂອ້​ລົມ​ກັບ​ນັກ​ຂ່າວ​ໂທລະ​ພາບ​ຄົນ​ນຶ່ງ​ທີ່​ກຳລັງ​ລີ້​ຊ່ອນ
​ຢູ່​ໃນ​ປ່າ​ເຊັ່ນ​ກັນ ທີ່​ເວົ້າ​ວ່າ ພວກ​ມື​ປືນ​ ​ໄດ້​ເຂົ້າ​ໄປ​ຮອດ​ໃຈກາງ​ເມືອງ​ແລ້ວ.

ຊາຍຄົນ​ນຶ່ງ​ກ່າວ​ຕໍ່​ອົງການ​ຂ່າວ AFP ວ່າ ຄ້າຍ​ຕຳຫຼວດ​ແຫ່ງ​ນຶ່ງ​ໄດ້​ຖືກ​ທຳລາຍ​ໄປ​ແລ້ວ.

​ເມືອງ Damaturu ​ແມ່ນ​ເຂດ​ນຶ່ງ​ທີ່​ກຸ່ມ Boko Haram ​ໄດ້ທຳການ​ໂຈມ​ຕີ​ຢ່າງ​ໂຫດ​ຫ້ຽມ
ທີ່​ສຸດ ຮວມທັງ​ການ​ສັງຫານ​ພວກ​ນັກ​ສຶກສາ​ທີ່​ວິທະຍາ​ໄລ​ກະ​ເສດ ​ແລະ​ພວກ​ນັກຮຽນມັດ
ທະຍົມ ທີ່​ເມືອງ Mamudo ຕະຫຼອດ​ທັງ​ການວາງ​ລະ​ເບີດ​ໂຈມ​ຕີ​ຫວ່າງ​ໄວໆ​ມາ​ນີ້ ທີ່​ໂຮງ
ຮຽນ​ອຸດົມສຶກສາ​ແຫ່ງ​ນຶ່ງ​ຂອງ​ລັດຖະບານ​ທີ່​ເມືອງ Potiskum ນັ້ນ.

ກຸ່ມ Boko Haram ​ໄດ້​ເພີ້​ມການ​ໂຈມ​ຕີ​ເລື້ອຍ​ຂຶ້ນ ​ແລະຮຸນ​ແຮງ​ເຮັດ​ໃຫ້​ມີ​ຄົນ​ຕາຍ​ຫລາຍ​ຂຶ້ນ ໃນ​ຫວ່າງ​ໄວໆມາ​ນີ້.

ກຸ່ມ​ດັ່ງກ່າວ​ໄດ້​ຖືກ​ຖິ້ມ​ໂທດ​ໃສ່​ວ່າ ເປັນ​ຕົ້ນເຫດ​ຂອງ​ການ​ເສຍ​ຊີວິດ​ຂອງ​ປະຊາຊົນ​ຫຼາຍ​
ພັນ​ຄົນ ​ໃນ​ລະຫວ່າງ​ການ​ກໍ່​ການ​ກະບົດ​ມາ​ເປັນ​ເວລາ 5 ປີ​ ຢູ່ໄນຈີ​ເຣຍ. ກຸ່ມ​ດັ່ງກ່າວ​ໄດ້
​ຍຶດ​ເອົາຫລາຍ​ເມືອງ ​ໃນ​ລັດ Borno ​ແລະ​ລັດ Adamawa ​ເພື່ອ​ສ້າງ​ຕັ້ງ​ອັນ​ທີ່ພວກ​ເຂົາເອີ້ນ​ວ່າ ລັດ​ອິສລາມ​ທີ່ຢູ່​ພາຍ​ໃຕ້​ການ​ປົກຄອງ​ຂອງ​ກົດໝາຍ​ອິສລາມ​ຢ່າງ​ເຂັ້ມ​ງວດ​ນັ້ນ.

ເບິ່ງວີດີໂອ ກ່ຽວກັບຄວາມຮຸນແຮງ ຂອງພວກໂບໂກ ຮາຣຳ:

XS
SM
MD
LG