ເຈົ້າໜ້າທີ່ໂຊມາເລຍ ກ່າວວ່າ ພວກຫົວຕໍ່ສູ້ ໄດ້ໂຈມຕີ ຫ້ອງການ
ສືບລັບຂອງປະເທດ ໃນນະຄອນຫລວງ.
ເຈົ້າໜ້າທີ່ດັ່ງກ່າວ ເວົ້າວ່າ ພວກກະບົດ ໄດ້ໂຈມຕີອາຄານຂອງ
ໜ່ວຍສືບລັບ ໃນນະຄອນຫລວງ Mogadishu ໃນວັນອາທິດ
ມື້ນີ້ ດ້ວຍລົດບັນທຸກລະເບີດ ຊຶ່ງຕິດຕາມມາດ້ວຍການຍິງຕໍ່ສູ້ກັນ.
ສ່ວນນຶ່ງຂອງອາຄານດັ່ງກ່າວ ແມ່ນນຳໃຊ້ເປັນສະຖານທີ່ຄຸມຂັງ
ພວກທີ່ສົງໄສວ່າ ເປັນພວກຫົວຕໍ່ສູ້.
ເຈົ້າໜ້າທີ່ກ່າວອີກວ່າ ເຖິງແມ່ນວ່າຍັງບໍ່ມີຝ່າຍໃດ ອອກມາອ້າງ
ເອົາຄວາມຮັບຜິດຊອບ ໃນທັນທີນີ້ເທື່ອ ກໍຕາມ ແຕ່ການໂຈມຕີດັ່ງກ່າວແມ່ນມີສັນຍາລັກ
ທັງໝົດ ຂອງພວກກະບົດຫົວຮຸນແຮງອິສລາມ al-Shabab ຊຶ່ງໄດ້ເພີ້ມທະວີການໂຈມຕີ
ຂອງພວກເຂົາຂຶ້ນເມື່ອບໍ່ດົນມານີ້ ໃນນະຄອນຫລວງຂອງໂຊມາເລຍ.
