ບັນດາຜູ້ຊ່ຽວຊານກ່າວວ່າ ເຖິງແມ່ນວ່າ ຍັງບໍ່ມີຄວາມຄືບໜ້າ ກ່ຽວກັບການປົດອາວຸດ
ນິວເຄລຍ ແຕ່ວໍຊິງຕັນກໍບໍ່ຄວນຜ່ອນຜັນແລະບັນເທົາການລົງໂທດຕໍ່ເກົາຫຼີເໜືອ ຕາມ
ລຳພັງ ເພື່ອເປັນຊ່ອງທາງຊັກຊວນ ໃຫ້ມີການປົດອາວຸດນິວເຄລຍ ຈົນກວ່າພຽງຢາງ
ເອົາບາດກ້າວທີ່ສຳຄັນຕ່າງໆ ເພື່ອທັບມ້າງ ອາວຸດນິວເຄລຍ ຂອງຕົນ.
ທ່ານສະຕິບ ເບກັນ ຜູ້ຕາງໜ້າພິເສດສະຫະລັດຮັບຜິດຊອບກ່ຽວກັບເກົາຫຼີເໜືອ ຄວນ
ໄດ້ພົບປະກັບຄູ່ຕຳແໜ່ງຝ່າຍເກົາຫຼີເໜືອຂອງທ່ານ ຫຼັງຈາກການເດີນທາງ ໄປເກົາຫຼີ
ເໜືອ ເທື່ອທີສີ່ຂອງ ລັດຖະມົນຕີຕ່າງປະເທດສະຫະລັດ ທ່ານໄມຄ໌ພອມພຽວ ໃນວັນ
ທີ 7 ຕຸລາ. ແຕ່ຄວາມຫວັງຂອງທ່ານເບກັນ ໃນການສົນທະນາ ກ່ຽວກັບການປົດອາ
ວຸດນິວເຄລຍ ກັບຮອງລັດຖະມົນຕີຕ່າງປະເທດເກົາຫຼີເໜືອ ທ່ານໂຈ ຊັນ ຮຸຍ ນັ້ນບໍ່
ໄດ້ມີຂຶ້ນ.
ນັບແຕ່ຜູ້ນຳເກົາຫຼີເໜືອ ທ່ານກິມ ຈົງ ອຶນ ໄດ້ເຫັນພ້ອມໃຫ້ເກົາຫຼີເໜືອປົດອາວຸດນິວ
ເຄລຍຢ່າງສິ້ນເຊີງ ຢູ່ກອງປະຊຸມສຸດຍອດວັນທີ 12 ມິຖຸນາທີ່ສິງກະໂປ ກັບປະທາ
ນາທິບໍດີສະຫະລັດ ທ່ານດໍໂນລ ທຣຳ ພຽງຢາງໄດ້ຮຽກຮ້ອງໃຫ້ບັນເທົາການລົງໂທດ
ແລະຈັດຕັ້ງປະຕິບັດມາດຕະການ ການສ້າງຕັ້ງຢ່າງເຊື່ອໝັ້ນ ທີ່ກ່າວວ່າຈະຄ້ຳປະ
ກັນຄວາມປອດໄພຂອງເກົາຫຼີເໜືອ.
ສອງສາມມື້ຫຼັງຈາກການເດີນທາງຂອງທ່ານພອມພຽວ ໄປພຽງຢາງຫວ່າງມໍ່ໆມານີ້
ນັກການທູດເກົາຫຼີເໜືອກ່າວຕໍ່ຄະນະກຳມະການ ກຳມະການທີ 6 ຂອງສະມັດຊາ
ໃຫຍ່ສະຫະປະຊາຊາດ ທີ່ເປັນກອງປະຊຸມສະເພາະເພື່ອພິຈາລະນາກ່ຽວກັບຄຳ
ຖາມຕ່າງໆດ້ານກົດໝາຍ ເພື່ອດັດແປງການລົງໂທດທີ່ໄດ້ວາງໄວ້ຕໍ່ເກົາຫຼີເໜືອ.
ທ່ານອິນ ໂຈລ ກິມ ເລຂາທິການເອກ ຂອງຜູ້ຕາງໜ້າເກົາຫຼີເໜືອປະຈຳສະຫະ
ປະຊາຊາດ ທີ່ນະຄອນນິວຢອກ ກ່າວວ່າ ບໍ່ເປັນທີ່ປົກກະຕິ ທີ່ສະພາຄວາມໝັ້ນ
ຄົງສະຫະປະຊາຊາດ ທີ່ໄດ້ກະຕືລືລົ້ນສະແດງຄວາມເປັນຫ່ວງກ່ຽວກັບສະພາບ
ການທີ່ເຄັ່ງຕຶງໃນແຫຼມເກົາຫຼີ ຮັກສາຄວາມມິດງຽບຢູ່ກັບແນວໂນ້ມໃນທາງບວກ
ໃນປັດຈຸບັນຂອງສັນຕິພາບ ທີ່ກຳລັງເກີດຂຶ້ນໃນແຫຼມເກົາຫຼີມາເຖິງປັດຈຸບັນນີ້.”
“ເຖິງແມ່ນວ່ານຶ່ງປີຜ່ານມາຫຼັງຈາກເກົາຫຼີເໜືອ ບໍ່ໄດ້ທົດລອງນິວເຄລຍ ແລະບໍ່
ໄດ້ຍິງທົດລອງລູກສອນໄຟ ສະພາຄວາມໝັ້ນຄົງສະຫະປະຊາຊາດຍັງບໍ່ທັນໄດ້
ລົ້ມເລີກ ຫຼື ຜ່ອນຜັນການລົງໂທດ ໂດຍການຫັນໜ້າໄປທາງອື່ນບໍ່ຮູ້ບໍ່ເຫັນຕໍ່ບັນ
ດາຂໍ້ບັງຄັບ” ທີ່ນັກການທູດ ຮຽກຮ້ອງໃຫ້ສຳຫຼວດເບິ່ງມະຕິສະຫະປະຊາຊາດ ທີ່
ບັງຄັບໃຫ້ທົບທວນເປັນໄລຍະຂອງການລົງໂທດ ໃນຂະນະທີ່ສະພາບການ
ປ່ຽນແປງ.
ປະທານາທິບໍດີເກົາຫຼີໃຕ້ ທ່ານມູນ ເຈ-ອິນ ຢູ່ໃນຄວາມພະຍາມທີ່ຈະປັບປຸງຄວາມ
ສຳພັນກັບເກົາຫຼີເໜືອ ໄດ້ສະໜັບສະໜູນຢາກໃຫ້ມີການບັນເທົາການລົງໂທດແກ່
ພຽງຢາງ ແລະຄໍ້າປະກັນຄວາມປອດໄພ ແລະໄດ້ພະຍາຍາມຊັກຊວນໃຫ້ສາກົນ
ສະໜັບສະໜູນເປົ້າໝາຍຕ່າງໆ ໃນຂະນະທີ່ຢູ່ໃນຢູໂຣບອາທິດແລ້ວນີ້. ທ່ານມູນ
ກ່າວຢູ່ກອງປະຊຸມນັກຂ່າວຫວ່າງມໍ່ໆມານີ້ ໃນນະຄອນຫຼວງປາຣີ ວ່າ “ຂ້າພະເຈົ້າ
ເຊື່ອໃນຄວາມຕ້ອງການຂອງປະຊາຄົມສາກົນ ທີ່ຈະໃຫ້ການຄ້ຳປະກັນວ່າເກົາຫຼີ
ເໜືອໄດ້ເຮັດທາງເລືອກທີ່ຖືກຕ້ອງໃນການປົດອາວຸດນິວເຄລຍ. ພວກເຮົາຕ້ອງ
ຊຸກຍູ້ໃຫ້ເກົາໃຫ້ຫຼີເໜືອຕື່ມເພື່ອປົດອາວຸດນິວເຄລຍ ໂດຍຜ່ອນຜັນການລົງໂທດ
ຈາກສະຫະປະຊາດ.”
