ລິ້ງ ສຳຫລັບເຂົ້າຫາ

logo-print

ຊິ້ນສ່ວນ ຊາກເຮືອບິນ ທີ່ພົບເຫັນ ຢູ່ເກາະ Reunion ຖືກສົ່ງໄປຝຣັ່ງ


Malaysia Plane
please wait
Embed

No media source currently available

0:00 0:00:31 0:00

ຊິ້ນສ່ວນຊາກເຮືອບິນທີ່ເຈົ້າໜ້າທີ່ສືບສວນເຊື່ອວ່າ ເປັນຂອງ
ເຮືອບິນໂດຍສານມາເລເຊຍ ທີ່ຫາຍສາບສູນໄປ ໃນປີກາຍນີ້
ກຳລັງຖືກສົ່ງ ຈາກເກາະ Reunion ໃນເຂດມະຫາສະມຸດອິນ
ເດຍ ໄປຍັງຝຣັ່ງ.

ຊິ້ນສ່ວນ ທີ່ເຊື່ອກັນວ່າ ເປັນສ່ວນນຶ່ງຂອງປີກເຮືອບິນ ກຳລັງ
ຖືກສົ່ງໄປປະເທດຝຣັ່ງເພື່ອທຳການພິສູດ ໂດຍຄະນະພວກ ນັກຊ່ຽວຊານທາງດ້ານເທັກນິກ. ບໍລິສັດຜະລິດເຮືອບິນໂດຍ
ສານໂບອິ້ງ ກ່າວໃນວັນສຸກວານນີ້ວ່າ ຕົນກໍກຳລັງສົ່ງ ຄະນະ
ປະຕິບັດງານນຶ່ງ ໄປຍັງປະເທດຝຣັ່ງ ຕາມການຂໍຮ້ອງ ຂອງ
ພວກເຈົ້າໜ້າທີ່ເພື່ອສຶກສາເບິ່ງຊິ້ນສ່ວນຂອງເຮືອບິນດັ່ງກ່າວ.

ຖ້ຽວບິນ MH370 ຂອງມາເລເຊຍແມ່ນໄດ້ໃຊ້ເຮືອບິນໂດຍສານໂບອີ້ງ 777 ຢູ່ໃນຖ້ຽວບິນ
ທີ່ຫາຍສາບສູນໄປເມື່ອເດືອນມີນາປີ 2014 ພ້ອມດ້ວຍຜູ້ໂດຍສານແລະພະນັກງານປະຈຳ
ເຮືອບິນ 239 ຄົນ.

ເຈົ້າໜ້າທີ່ສືບສວນຂອງອອສເຕຣເລຍກ່າວວ່າ ຕົນມີຄວາມເຊື່ອໝັ້ນເພີ້ມຂຶ້ນວ່າ ຊິ້ນສ່ວນ ດັ່ງກ່າວເປັນຂອງເຮືອບິນໂດຍສານມາເລເຊຍທີ່ຫາຍສາບສູນໄປ.

ທ່ານ Martin Dolan ຫົວໜ້າກຳມາທິການດ້ານຄວາມປອດໄພໃນການຂົນສົ່ງຂອງອອສ ເຕຣເລຍກ່າວຕໍ່ພວກນັກຂ່າວໃນວັນສຸກວານນີ້ວ່າ ພວກເຈົ້າໜ້າທີ່ຫວັງວ່າຈະ​ໃຫ້ການ​ຢືນ
ຢັນ​ກ່ຽວ​ກັບ​ທີ່​ມາຂອງ​ຊິ້ນສ່ວນ​ດັ່ງກ່າວ ​ໃນ​ໄວໆນີ້.

ຊິ້ນສ່ວນ ທີ່ຍາວປະມານ 2 ແມັດ ທີ່ປາກົດວ່າ ເປັນສ່ວນນຶ່ງຂອງປີກ ທີ່ເອີ້ນວ່າ flaperon
ນັ້ນ ໄດ້ຖືກພົບເຫັນໃນມື້ວັນພຸດຜ່ານມານີ້ ຢູ່ທີ່ຫາດຊາຍຂອງເກາະ Reunion ຕັ້ງຢູ່ທາງ ກ້ຳຕາເວັນອອກຂອງເກາະໃຫຍ່ Madagascar ແລະໄກກວ່າ 3 ພັນ 500 ຫຼັກກິໂລແມັດ ຫ່າງຈາກບ່ອນທີ່ເຮືອບິນໂບອິ້ງ 777 ຂອງມາເລເຊຍ ໄດ້ມີການຕິດຕາມຄັ້ງສຸດທ້າຍ.

ເຈົ້າໜ້າທີ່ສືບສວນຂອງຝຣັ່ງ ຈະພະຍາຍາມລົງຄວາມເຫັນວ່າ ນ້ຳເບີທີ່ພົບເຫັນຢູ່ໃນຊີ້ນ ສ່ວນດັ່ງກ່າວ ຖືກຕ້ອງກັບນ້ຳເບີ ຂອງເຮືອບິນໂດຍສານມາເລເຊຍ ທີ່ຫາຍສາບສູນໄປ
ຢ່າງລຶກລັບຫລືບໍ່ໃນຂະນະທີ່ບິນແຕ່ນະຄອນຫຼວງກົວລາລຳເປີໄປຍັງນະຄອນປັກກິ່ງໃນ
ປີກາຍນີ້.

XS
SM
MD
LG