ລິ້ງ ສຳຫລັບເຂົ້າຫາ

ເກົາຫຼີເໜືອ ຊອກຫາສາເຫດ ຂອງຄວາມຫຼົ້ມແຫຼວ ໃນການສົ່ງຈະຫລວດ (ເບິ່ງວີດີໂອ)


ປະຊາຊົນເກົາຫລີໃຕ້ ກໍາລັງພາກັນເບິ່ງການສົ່ງຈະຫລວດຂອງ ເກົາຫລີເໜືອ ໃນວັນສຸກ ທີ່ 13, ເດືອນເມສາ 2012.

ບັນດາ​ນັກວິທະຍາສາດ​ເກົາຫລີ​ເໜືອ ພາກັນ​ອົນ​ລະ​ວົນ​ໃນ​ການ​ຊອກ​ຫາ​ສາ​ເຫດວ່າ ​
ເປັນ​ຫຍັງຈະ​ຫລວດລະຍະໄກ ​ທີ່ມີ​ການ​ໂຄສະນາ​ອອກຂ່າວ​ຢ່າງ​ກວ້າງຂວາງຂອງ​ເຂົາ
ເຈົ້າ ​ຈຶ່ງໄດ້ຕົກລົງ​ສູ່​ທະ​ເລ ບໍ່​ດົນ​ຫລັງຈາກໄດ້​ຍິງ​ຂື້ນໄປ ​ໃນ​ວັນ​ສຸກມື້ນີ້ ​ຊຶ່ງ​ໄດ້ສ້າງ​ຄວາມ
ອັບອາຍ​ຂາຍໜ້າໃຫ້ແກ່ຜູ້​ນໍາ​ໃໝ່ຂອງເກົາຫຼີ​ເໜືອ ທ່ານ Kim Jong Un.

ໂທລະ​ພາບ​ລັດຖະບານເກົາຫລີ​ເໜື​ອຮັບ​ຮູ້​ວ່າ ຈະ​ຫລວດ Unha 3 ທີ່​ມີສາມທ່ອນ ໄດ້
ແຕກ​ອອກ​ຈາກ​ກັນ​ພຽ​ງນຶ່ງ​ນາ​ທີ​ຫຼັງຈາກ​ໄດ້ຖືກ​ຍິງ​ຂື້ນ​ໄປ​ຊຶ່ງໄດ້ຕົກລົງ​ມາສູ່​ທະ​ເລ​ເຫລືອງ
ຢ່າງ​ບໍ່​ໄດ້​ສ້າງ​ຄວາມ​ເສຍ​ຫາຍ ຢູ່ນອກ​ຝັ່ງ​ທະ​ເລຂອງເກົາຫລີ​ໃຕ້.

ໃນ​ຂະ​ນະ​ທີ່ພຽງ​ຢາງ​ບໍ່ໃຫ້ການ​ອະ​ທິບາຍໄດໆວ່າ ເກີດ​ມີ​ຫຍັງຜິດພາດ ກອງ​ບັນຊາ​ການ
ເຂດ​ເໜືອ​ຂອງ​ສະຫະລັດ ຊຶ່ງໄດ້​ຕິດ​ຕາມເບິ່ງການ​ຍິງ​ຈະ​ຫລວດຢ່າງ​ໃກ້​ຊິດກ່າວ​ວ່າ ສອງ
ທ່ອນ​ສຸດ​ທ້າຍຂອງຈະ​ຫລວດກໍ​ປະ ກົດ​ວ່າໄດ້ເກີດ​ຫລົ້ມແຫ​ລວໂດຍເຮັດ​ລູກ​ຈະ​ຫລວດ
ດັ່ງກ່າວຕົກລົງ​ສູ່​ທະ​ເລ.

ທ່ານ Morris Jones ນັກວິໄຈ​ດ້ານ​ອາ​ວະ​ກາດອິດສະຫຼະ ຊຶ່ງ​ເປັນຜູ້ ທີ່​ໄດ້​ຕິດຕາມເບິ່ງ
ໂຄງການ​ຈະ​ຫລວດ​ຂອງ​ເອ​ເຊຍ ກ່າວ​ຕໍ່ວີ​ໂອ​ເອວ່າ ຄວາມ​ຫລົ້ມແຫ​ລວປະກົດວ່າໄດ້​ເກີດ​
ຂື້ນ ​ເວລາ​ຈະ​ຫຼວດທ່ອນ​ທີ​ນຶ່ງພະຍາ​ຍາມ​ແຍກ​ໂຕ​ອອກ​ຈາກຈະ​ຫຼວດທີ່​ຍັງ​ເຫຼືອຢູ່​ທັງ​ສອງ​
ທ່ອນ.

ບັນດາເຈົ້າ​ໜ້າ​ທີ່​ຍີ່​ປູ່​ນ ທີ່ໄດ້​ພາກັນ​ຕຽມ​ພ້ອມ​ຢ່າງ​ສຸດ​ຂີດ​ເພາະ​ອາດ​ຈະ​ເກີດ​ມີ​ຊາກ​ຂອງ​
ຈະ​ຫລວດຕົກລົງ​ມາ​ໃສ່ ກ່າວ​ວ່າ​ ຈະ​ຫລວດໄດ້​ຍິງຂື້ນ​ສູ່​ອາກາດ​ປະມານ​ນຶ່ງ​ນາ​ທີ ​ເຖິງ​ລະ
ດັບຄວາມ​ສູງ 120 ກິ​ໂລ​ແມດກ່ອນ ​ມັນຈະແຕກ​ອອກ​ຈາກ​ກັນ​ ເປັນ 4 ປ່ຽງ.

ທ່ານ Jones ກ່າ​ວວ່າ ຖ້າໂຕ​ເລກ​ດັ່ງກ່າວ​ຫາກ​ເປັນຄວາມ​ຈິງ ດັ່ງ​ນັ້ນ​ຈະ​ຫລວດໄດ້ຂື້ນ
ໄປ​ເຖິງຊັ້ນ​ເທິງ​ຂອງ​ “ອະວະ​ກາດ” ​ແຕ່​ທ່ານ​ກໍກ່າວ​ວ່າ ທ່ອນ​ທຳ​ອິດ​ຂອງຈະ​ຫລວດ ບໍ່​ປາ
ກົດ​ວ່າ​ມີ​ແຮງ​ຂັບ​ດັນ​ພຽງພໍ ​ເພື່ອສົ່ງ​ດາວ​ທຽມ​ເປັນ​ຜົນ​ສໍາ​ເລັດ ເຂົ້າສູ່​ວົງ​ໂຄຈອນ.

ເບິ່ງວີດີໂອກ່ຽວກັບການວິເຄາະຂອງຊ່ຽວຊານສະຫະລັດ:

ເຈົ້າ​ໜ້າ​ທີ່​ປ້ອງ​ກັນ​ປະ​ເທດ​ເກົາຫລີ​ໃຕ້​ກ່າວ​ວ່າ ປັດ​ຈຸ​ບັນ​ນີ້​ເຂົາ​ເຈົ້າ​ກໍາ ລັງ​ພາກັນຊອກ​ຫາ​
ຊາ​ກຂອງ​ຈະ​ຫລວດດັ່ງກ່າວ ຊຶ່ງ​ຕົກລົງ​ມາປະມານ 165 ກິ​ໂລ​ແມັດ​ຫ່າງຈາກ​ຝັ່ງ​ທະ​ເລ
ຂອງ​ກຸ​ງ​ໂຊ​ລ. ທ່ານ Jone ກ່າວ​ຕື່ມ​ອີກ​ວ່າ ມີ​ທ່າ​ທາງ​ວ່າສະຫະລັດ ກໍຈະ​ສົ່ງ​ເຮືອດໍາ​ນໍ້າ
ໄປ​ເກັບ​ເອົາ ຊາກ​ຂອງ​ຈະ​ຫລວດນີ້ຄື​ກັນ.

ເກົາຫລີ​ເໜື​ອ​ໄດ້​ດຳ​ເນີນຄວາມ​ພະຍາຍາມຜ່ານ​ມາ​ແລ້ວ​ເພື່ອ​ສົ່ງ​ດາວ ທຽມຂຶ້ນສູ່​ວົງ​ໂຄ
ຈອນ​ໃນ​ປີ 1998 ​ແລະ 2009 ​ຊຶ່ງ​ມີ​ການ​ເຊື່ອ​ກັນ ຢ່າງ​ກວ້າງຂວາງ​ວ່າ ​ໄດ້​ປະສົບ​ກັບ
ຄວາມ​ຫລົ້ມແຫ​ລວນັ້ນ. ການ​ພະ ຍາມ​ເທື່ອ​ສຸດ​ທ້າຍ​ໄຊ້​ເວລາ​ພຽງ 40 ວິນາທີ​ເທົ່າ​ນັ້ນ
ຫລັງ​ຈາ​ກຍິງ​ຂື້ນ​ໄປ.

ແຕ່​ເກົາຫລີເໜືອຢືນຢັດ​ວ່າ ​ຕົນ​ໄດ້​ປະສົບ​ຜົນ​ສໍາ​ເລັດ ຢ່າງ​ໜ້ອຍ​ກໍ ໃນ​ການສົ່ງ​ດາວ​ທຽມ
ໜ່ວຍ​ນຶ່ງ​ຂື້ນ​ສູ່​ອາ​ວະ​ກາດ ​ແລະ​ກໍາລັງອອກ​ອາກາດ ສຽງເພງທີ່​ຮັກ​ຊາດ.

XS
SM
MD
LG