ທ່ານໄດ້ຍິນຄຳເວົ້ານີ້ຢູ່ເລື້ອຍໆ: “ໃຫ້ຖາມທ່ານໝໍຂອງທ່ານກ່ອນ ຈຶ່ງເລີ້ມລາຍການ
ອອກກຳລັງກາຍໃໝ່”
ການສຶກສາຄົ້ນຄວ້າໃໝ່ບັ້ນນຶ່ງໄດ້ສະທ້ອນໃຫ້ເຫັນວ່າ ຄໍາເຕືອນນັ້ນແມ່ນຖືກຕ້ອງ.
ໃນແຕ່ລະປີ ມີຄົນເປັນລ້ານໆຄົນທີ່ເຫັນວ່າຕົນເອງຕ້ອງໄປຢູ່ຫ້ອງສຸກເສີນ ຫລັງຈາກ
ເປັນໂຣກຫົວໃຈວາຍ ເພາະວ່າພວກເຂົາເຈົ້າອອກກຳລັງກາຍ ຫລືວ່າມີການຮ່ວມເພດ
ຢ່າງໜັກເກີນໄປໂພດ.
ການອອກກຳລັງກາຍທີ່ກະຕຸ້ນ
ການໝູນວຽນຂອງເລືອດໃນຫົວ
ໃຈແບບປົກກະຕິ ແມ່ນຊ່ວຍເຮັດ
ໃຫ້ຄວາມສ່ຽງຕໍ່ການມີບັນຫາ
ທາງຫົວໃຈຫລຸດລົງ. ແຕ່ວ່າສຳ
ລັບພວກທີ່ຂີ້ຄ້ານອອກກຳລັງ
ກາຍຫລືຜູ້ທີ່ນັ່ງເຮັດວຽກແຕ່ຢູ່
ໂຕະຢູ່ຕັ່ງຫລາຍນັ້ນ ການເລີ້ມ
ໂຄງການອອກກຳລັງກາຍເພື່ອ
ກະຕຸ້ນການໝູນວຽນຂອງເລືອດ
ໃນຫົວໃຈໃນທັນທີທັນໃດໂລດ
ຫລືມີການຮ່ວມເພດຢ່າງບຸກບັນ
ນັ້ນ ສາມາດພາໃຫ້ເດີດອາການ
ຫົວໃຈວາຍໄດ້.
ພວກທ່ານໝໍ ທີ່ໂຮງຮຽນແພດ
ສາດ ຂອງມະຫາວິທະຍາໄລ
Tufts ທີ່ເມືອງ Boston ໄດ້
ສຶກສາຄົ້ນຄວ້າບັນຫານີ້ ແລະ
ໄດ້ພົບວ່າມີການພົວພັນກັນໂດຍກົງ ລະຫວ່າງການອອກກຳລັງກາຍ ແລະການເປັນໂຣກ
ຫົວໃຈວາຍຂອງພວກຄົນເຈັບເຫລົ່ານີ້. ດຣ. Jessica Paulus ແລະ ດຣ. Issa Daha-
breh ໄດ້ທົບທວນຄືນການສຶກສາຄົ້ນຄວ້າ 14 ບັ້ນກ່ຽວກັບຄວາມກ່ຽວພັນກັນລະຫວ່າງ
ການອອກກຳລັງກາຍ ແລະໂຣກຫົວໃຈວາຍ ຊຶ່ງເຫັນວ່າມັນມັກເກີດຂຶ້ນຫລາຍທີ່ສຸດກັບ
ພວກຜູ້ຊາຍອາຍຸລະຫວ່າງ 55 ຫາ 64 ປີ.
ດຣ. Jessica Paulus ກ່າວວ່າ “ສຳລັບຜູ້ໃດທີ່ບໍ່ຊິນເຄີຍກັບການໃຊ້ແຮງງານທາງຮ່າງກາຍ ຫລືຜູ້ທີ່ບໍ່ເຄີຍອອກກຳລັງການເປັນປະຈຳ, ຄວາມສ່ຽງຕໍ່ການເປັນໂຣກຫົວໃຈວາຍນີ້ ແມ່ນສູງກວ່າພວກທີ່ໝັ່ນອອກກຳລັງກາຍຢ່າງເປັນປົກກະຕິ”
ການສຶກສາສະແດງໃຫ້ເຫັນວ່າ ຄວາມສ່ຽງທີ່ສູງທີ່ສຸດແມ່ນຢູ່ໃນໄລຍະທຳກິດຈະກຳຢູ່ນັ້ນ
ແລະໄປຈົນເຖິງ 2 ຊົ່ວໂມງຫລັງຈາກນັ້ນ. ແຕ່ຕໍ່ຄຳຖາມທີ່ວ່າ ເຮົາຄວນຕີຄວາມໝາຍເອົາ
ເຫດຜົນອັນນີ້ໃຫ້ເປັນຂໍ້ອ້າງເພື່ອບໍ່ຢາກອອກກໍາລັງກາຍບໍ? ອັນນີ້ ທ່ານດຣ. Jessica
Paulus ບອກວ່າ ຜູ້ນັ້ນຄວນຈະຄິດຄືນເບິ່ງອີກຖ້າຈະເຮັດແນວນັ້ນ. ດຣ. Paulus ກ່າວ
ຕື່ມວ່າ
“ຖ້າຫາກພວກເຂົາເຈົ້າບໍ່ລຶ້ງອອກກຳລັງກາຍ ແຕ່ວ່າພວກເຂົາເຈົ້າຢາກຈະເລີ້ມມີຄວາມ
ຫ້າວຫັນໃນການໃຊ້ກຳລັງກາຍ ພວກເຂົາເຈົ້າຄວນເລີ້ມລົງມືແບບຄ່ອຍເປັນຄ່ອຍໄປ ຫຼື
ແບບຊ້າໆ ແລະກໍດຳເນີນໄປພາຍໃຕ້ການຊີ້ນຳຂອງແພດໝໍ”
ສ່ວນດຣ. Dahabrey ກໍໄດ້ຊີ້ແຈງເຊັ່ນກັນວ່າ ການອອກກຳລັງກາຍເປັນປະຈຳ ແມ່ນດີ
ແມ່ນແຕ່ສໍາລັບຄົນທີ່ມີຄວາມສ່ຽງຕໍ່ການເປັນໂຣກຫົວໃຈສູງກວ່ານັ້ນອີກ ເພາະວ່າມັນ
ເຮັດໃຫ້ຫົວໃຈມີການເຕັ້ນທີ່ຊ້າລົງ ໃນລະຫວ່າງທີ່ພວມອອກກຳລັງກາຍຢ່າງໜັກ ຫລື
ພວມມີການຮ່ວມເພດຢູ່ນັ້ນ. ດຣ. Issa Dahabrey ຊີ້ແຈງຕື່ມວ່າ
“ຜູ້ຄົນທີ່ອອກກຳລັງກາຍຢູ່ເລື້ອຍໆ ເປັນປະຈຳ, ອອກຫລາຍໆຄັ້ງຕໍ່ອາທິດນັ້ນ ຈະເຮັດ
ໃຫ້ຈັງຫວະການເຕັ້ນຂອງຫົວໃຈ ສູງຂຶ້ນໃນອັດຕາທີ່ໜ້ອຍກວ່າ ໃນເວລາທີ່ພວກເຂົາເຈົ້າ
ໄປເຮັດກິດຈະກຳສະເພາະເຫລົ່ານີ້.”
ທ່ານສາມາດຊອກອ່ານກ່ຽວກັບການສຶກສາຄົ້ນຄວ້ານີ້ໄດ້ ທີ່ວາລະສານສະມາຄົນການແພດ
ຂອງອາເມຣິກາ ຫລື Journal of the American Medical Association.
