ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ອະ​ດີດ ເຈົ້າ​ໜ້າທີ່ ​ສືບ​ລັບ ເປັນ​ຫ່ວງວ່າ ປະ​ທາ​ນາ​ທິ​ບໍ​ດີ ທ​ຣຳ ຈະເຮັດໃຫ້ສິ່ງ ທີ່​ຣັ​ດເຊຍເຮັດ ກັບການ​ເລືອ​ກ​ຕັ້ງນັ້ນ ສະ​ດວກ ຂຶ້ນກວ່າ​ເກົ່າ


ປະນາ​ທາ​ທິບໍ​ດີ​ ທ​ຣຳ ກ່າວ​ໃນ​ຂະ​ນະທີ່ປະ​ທາ​ນາ​ທິ​ບໍ​ດີປູ​ຕິນ ຢືນ​ຢູ່​ຂ້າງ​ໆ ໃນ​ກອງ​ປ​ະຊຸມທີ່ຟີນ​ແລນ ​ໃນ​ເ​ດືອນ​ກໍລະ​ກົດ ປີນີ້ ​
ປະນາ​ທາ​ທິບໍ​ດີ​ ທ​ຣຳ ກ່າວ​ໃນ​ຂະ​ນະທີ່ປະ​ທາ​ນາ​ທິ​ບໍ​ດີປູ​ຕິນ ຢືນ​ຢູ່​ຂ້າງ​ໆ ໃນ​ກອງ​ປ​ະຊຸມທີ່ຟີນ​ແລນ ​ໃນ​ເ​ດືອນ​ກໍລະ​ກົດ ປີນີ້ ​

ຂະ​ນະ​ທີ່​ເດີນ​ທາງ​ໄປນະ​ຄອນ​ປາ​ຣີ ໃນ​ວັນ​ສຸກ​ເລ້ວນີ້ ເພື່ອ​ເຂົ້າ​ຮ່ວມ​ພິ​ທີລະ​ນຶກ​ເຖິງວັນ
ຄົບ​ຮອບ 100 ປີ ​ໃນການ​ສິ້ນ​ສຸດ​ລົງ​ຂອງ​ສົງ​ຄາມ​ໂລກ​ຄັ້ງ​ທີ I ປະ​ທາ​ນາ​ທິ​ບໍ​ດີ​ສະ​ຫະ​ລັດ
ໄດ້​ສົ່ງ​ຂໍ້​ຄວາມ​ຜ່ານ​ທາງ​ທວີດ​ເຕີ ຕາມຕາມ​ປົກ​ກະ​ຕິ ດັ່ງ​ທີ່​ເຄີຍ​ເຮັດເປັນປະ​ຈຳຢູ່​ໃນ​ທຳ​
ນຽບ​ຂາວ​ ແຕ່​ວ່າ ກໍໄດ້​ສົ່ງ​ແຮງສັ່ນ​ສະ​ເທືອນ​ໄປ​ຫາ​ກະ​ດູກ​ສັນ​ຫລັງຂອງ​ບັນ​ດາ​ເຈົ້າ​ໜ້າ​
ທີ່​ສືບ​ລັບ ແລະ​ຮັກ​ສາ​ຄວາມ​ສະ​ຫງົບ​ບາງ​ຄົນຂອງ​ປະ​ເທດ.

ທ່ານປະນາ​ທາ​ທິບໍ​ດີ​ຂ​ຽນວ່າ "ເຈົ້າ​ຢາກ​ເວົ້າ​ວ່າ ເຂົາ​ເຈົ້າ​ຫາ​ຮູ້​ເລື້ອງ​ບັດ​ຄະ​ແນນ​ສຽງທີ່​
ປ່ອນໃນ​ລັດ​ຟລໍ​ຣິ​ດາ ແລະ​ລັດ​ຈໍ​ເຈຍ​ດຽວນີ້ ຊັ້ນ​ບໍ ແຕ່​ວ່າ ການ​ເລືອກ​ຕັ້ງ​ແມ່ນ​ມີ​ຂຶ້ນໃນ
​ວັນ​ອັງ​ຄານ​ແລ້ວນີ້​ພຸ້ນ.” ທ່ານ​ຂຽນ​ເພີ້ມ​ອີກວ່າ "ມະ ມາ​ພາ​ກັນຖິ້ມໂທດ​ໃສ່​ຣັດ​ເຊຍ
ແລະ​ຮ​ຽກ​ຮ້ອງ​ໃຫ້ປະ​ທາ​ນາ​ທິ​ບໍ​ດີປູ​ຕິນ ຂໍ​ໂທດຕໍ່​ເຫດ​ການນັ້ນ ເທາະ!"

​ໃນ​ເວ​ລາບໍ່​ຮອດນຶ່ງ​ຊົ່ວ​ໂມງ​ຕໍ່​ມາ ທ່ານກໍ​ຂຽນ​ລົງ​ໃນ​ທວີດ​ເ​ຕີ​ອີກວ່າ
"​ໃນ​ເວ​ລາໃດ ​ທີ່​ພວກພັກ​ເດ​ໂມ​ແຄ​ຣັດ ສົ່ງ​ທະ​ນາຍ​ຄວາມ ​ທີ່​ຂີ້ລັກຄະ​ແນນໃນການ​ເລືອກ​
ຕັ້ງເກັ່ງ​ທີ່​ສຸດໄປ​ຍັງ​ເຂດ​ຄາວ​ຕີ ບ​ຣາວ​ເວີດ​ແລ້ວ ພວກ​ເຂົາ​ເຈົ້າ​ ກໍ​ພາ​ກັນເລີ້ມ​ຊອກ​ຫາ​
ບັດ​ຄະ​ແນນ​ສຽງ​ທີ່​ປ່ອນ​ເອົາ​ຄົນ​ໃນພັກ​ດີ​ໂທ​ແຄ​ຣັດ ຢ່າງ​ໜ້າ​ອັ​ດ​ສະ​ຈັນ. ບໍ່​ຕ້ອງ​ເປັນ
​ຫ່ວງດອກ ຟ​ລໍ​ຣິ​ດາ - ຂ້າ​ພະ​ເຈົ້າ​ກຳ​ລັງ​ສົ່ງ​ພວກ​ທະ​ນາຍ​ຄວາມທີ່​ເກັ່ງ​ກວ່ານັ້ນ​ຫລາຍ
​ເພື່ອ​ໄປ​ເຜີຍ​ໂສມ​ໜ້າ​ຂອງ​ການ​ໂກງ​ຄະ​ແນນ​ສຽງນັ້ນ!"

ບໍ່​ພຽງ​ແຕ່​ເທົ່າ​ນັ້ນ, ​ຂໍ້​ຄວາມ​ທີ່​ຂຽນ​ລົງ​ທາງ​ທວີດ​ເຕີ ກໍສົ່ງ​ມາຕາມຫລັງອີກໃນ​ເວ​ລາບໍ່​ດົນ
​ ໂດຍ​ທີ່ນຶ່ງ​ໃນ​ນັ້ນ ຕັ້ງ​ຂໍ້​ສົງ​ໄສ​ກ່ຽວ​ກັບ​ບັດ​ທີ່​ປ່ອນ​ຢູ່ລັດອາ​ຣີ​ໂຊ​ນາ.

ສຳ​ລັບ​ບາງ​ຄົນ​ແລ້ວ, ລວມ​ທັງ​ພວກ​ທີ່​ຢູ່​ໃນ​ທຳ​ນຽບ​ຂາວ ການ​ຂຽນຂໍ້​ຄວາມ​ລົງໃນ​ທວີດ​ເຕີ
ບໍ່​ມີ​ຫຍັງ​ຫລາຍ ນອກ​ເໜືອ​ໄປ​ຈາກ ​ຄວາມບໍ່​ພໍ​ໃຈ​ຂອງ​ທ່ານ​ທ​ຣຳກ່ຽວ​ກັບ​ວິ​ທີ​ການ​ທີ່ພວກ
​ເຈົ້າ​ໜ້າ​ທີ່​ຮັບ​ຜິດ​ຊອບ​ການ​ເລືອກ​ຕັ້ງຢູ່​ໃນ​ລັດຟ​ລໍ​ຣິ​ດາ, ລັດ​ຈໍ​ເຈຍ ແລະ​ບ່ອນ​ອື່ນໆ ອີກ
ໃນ​ການ​ນັບ​ບັດ​ຄະ​ແນນ​ສຽງພ້ອມ​ທັງ​ຄວາມ​ມັກ​ຂອງ​ທ່ານເປັນ​ພິ​ເສດໃນ​ການ​ຮ້ອງ​ຄູ່​ແຂ່ງ
ທີ່ທ່ານ​ເຊື່ອ​ວ່າ ໄດ້​ດັດ​ປັບ​ລະ​ບົບ​ດັ່ງ​ກ່າວ ແບບບໍ່​ເປັນ​ທຳ.

ແລະ​ໃນ​ຂະ​ນະ​ທີ່​ພວກ​ເຈົ້າ​ໜ້າ​ທີ່ເລືອກ​ຕັ້ງ ເຊັ່ນໃນ​ລັດ​ຟ​ລໍ​ຣິ​ດາ ໄດ້​ປະ​ຕິ​ເສດ​ຕໍ່​ການ​ກ່າວ
​ຫາ​ ຂອງ​ປະ​ທາ​ນາ​ທິ​ບໍ​ດີ​ວ່າ​ ທຳ​ການ​ໂກງ​ຄະ​ແນນນັ້ນ ສຳ​ລັບຄົນ​ທີ່​ມີ​ຈຳ​ນວນ​ນັບ​ມື້​ນັບ
​ເພີ້ມ​ຂຶ້ນ​ຢູ່​ໃນ​ປະ​ຊາ​ຄົມ​ສືບ​ລັບ​ແລ້ວ ແມ່ນ​ເຫັນ​ວ່າບັນ​ຫາ​ແມ່ນ ຕ່າງ​ຈາກນັ້ນ ບາງເທື່ອ
​ ອາດຈະ​ໜ້າ​ເປັນ​ຫ່ວງ​ຫລາຍກວ່ານັ້ນ ອີກ. ພວກ​ເຂົາ​ເຈົ້າ​ເປັນ​ຫ່ວງວ່າ ການ​ຂຽນ​ຂໍ້​
ຄວາມ​ລົງ​ໃນ​ທວີດ​ເຕີ ​ໄດ້ຕົກ​ໄປຖືກ​ກັບ​ສູດຫລິ້ນ​ເກມ​ ການ​ແຊກ​ແຊງ​ເຂົ້າ​ໃນ​ການ
​ເລືອກ​ຕັ້ງ​ຂອງຣັດ​ເຊຍເອງ​ຫລາຍ. ທີ່​ຈິງ​ແລ້​ວ ສື່ສັງ​ຄົມ​ອອນ​ລາຍ​ຂອງ​ຣັດ​ເຊຍ ໄດ້​ໂດດ
​ເຂົ້າ​ມາ​ຫຍຸ້ງ​ກ່ຽວ ​ໃນການ​ໂຕ​ແຍ້ງ​ກັນ​ ກ່ຽວ​ກັບ​ການ​ເລືອກ​ຕັ້ງ ຢູ່​ໃນ​ສອງ​ລັດ​ທີ່​ກຳ​ລັງ
​ທຳ​ການ​ນັບ​ບັດ​ຄະ​ແນນ ​ຄືນນັ້ນ​ແລ້ວ.

ລາຍ​ງານ​ຜົນ​ການ​ເລືອກ​ຕັ້ງ​ກາງ​ສະ​ໄໝ​ຂອງ​ສະ​ຫະ​ລັດ ປີນີ້
ລາຍ​ງານ​ຜົນ​ການ​ເລືອກ​ຕັ້ງ​ກາງ​ສະ​ໄໝ​ຂອງ​ສະ​ຫະ​ລັດ ປີນີ້

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

XS
SM
MD
LG