ປະຕິກິລິຍາຍັງສືບຕໍ່ຫລັ່ງໄຫລເຂົ້າມາ ສູ່ປະທານາທິບໍດີ ທີ່ຖືກເລືອກໃໝ່ຂອງຝຣັ່ງ
ທ່ານ Emmanuel Macron ຜູ້ມີວິໄສທັດເປັນມິດກັບທຸລະກິດກ່ຽວກັບການຮວມຕົວ
ຂອງຢູໂຣບ ທີ່ໄດ້ຊະນະທ່່ານນາງ Marine Le Pen ນັກຊາດ ນິຍົມຂວາຈັດ ຜູ້ທີ່ໄດ້
ຂົ່ມຂູ່ທີ່ຈະເອົາຝຣັ່ງອອກຈາກສະຫະພາບຢູໂຣບ.
ຢູ່ທີ່ເຢຍຣະມັນ ຫົວຂໍ້ຂ່າວໜັງສືພິມອ່ານວ່າ "ມັນແມ່ນຜູ້ຊາຍ” “ຜູ້ຊະນະເລີດ ແມ່ນ
ຢູໂຣບ.” ພວກເດີນທາງໄປເຮັດຈຳນວນນຶ່ງມີປະຕິກິລິຍາແບບໂລ່ງໃຈໃນຂະນະທີ່ຄົນ
ອື່ນໆມີຄວາມດີໃຈບໍ່ຫລາຍປານໃດທີ່ທ່ານ Macron ໄດ້ເປັນທາງເລືອກພຽງອັນດຽວ.
ຍານາງ Sandra Banh ໄດ້ສະແດງຄວາມຮູ້ສຶກ ອອກມາວ່າ “ຂ້າພະເຈົ້າຄິດວ່າມັນ
ເສົ້າໃຈ ທີ່ຕ້ອງໄດ້ຕັດສິນໃຈແບບນີ້ ເພາະວ່າທ່ານ Macron ບໍ່ໄດ້ແມ່ນຜູ້ທີ່ທຸກໆຄົນ
ຕ້ອງການປ່ອນບັດເອົາ. ມັນເປັນທາງເລືອກພື້ນຖານລະຫວ່າງໂຣກ
ຮ້າຍແລະອະຫິວາ. ແຕ່ສຳລັບຢູໂຣບມັນເປັນສິ່ງທີ່ດີແລະຂອບໃຈພະຜູ້ເປັນເຈົ້າ ທີ່ບໍ່
ແມ່ນທ່ານນາງ Le Pen.”
ທ່ານ Christoph Palaska ຜູ້ເດີນທາງໄປການອີກຄົນນຶ່ງກ່າວວ່າ “ດີລະ ແນ່ ນອນດີ
ກວ່າຖ້າຫາກຝ່າຍຂວາໄດ້ຊະນະ. ເພາະສະນັ້ນ ຂ້າພະເຈົ້າຕື່ນເຕັ້ນດ້ວຍຄວາມດີໃຈ.
ຂ້າພະເຈົ້າຢາກເວົ້າວ່າ ຂ້າພະເຈົ້າດີໃຈກັບເລື່ອງນີ້.”
ນາຍົກລັດຖະມົນຕີເຢຍຣະມັນ ທ່ານນາງ Angela Merkel ໄດ້ສະແດງຄວາມດີໃຈ
ເປັນການສ່ວນຕົວກັບ ທ່ານ Maron ໂດຍທາງໂທລະສັບ.
ທ່ານນາງ Angela Merkel ໄດ້ກ່າວຕໍ່ກອງປະຊຸມນັກຂ່າວທີ່ນະຄອນ Berlin ໃນວັນ
ຈັນວານນີ້ວ່າ “ທ່ານພາໃຫ້ມີຄວາມຫວັງສຳລັບປະຊາຊົນຊາວຝຣັ່ງຫລາຍລ້ານຄົນ
ແລະຫລາຍໆຄົນຢູ່ໃນເຢຍຣະມັນ ແລະໝົດທັງຢູໂຣບ. ທ່ານໄດ້ລົງສະໝັກຢ່າງອົງ
ອາດກ້າຫານ ໃນການໂຄສະນາສະໜັບສະໜູນຢູໂຣບ. ທ່ານຢືນຢູ່ໃນທ່າທີທີ່ເປີດ
ກວ້າງຕໍ່ໂລກ ແລະຢູ່ເບື້ອງຫລັງຕະຫລາດສັງຄົມເສດຖະກິດຢ່າງແຂງຂັນ.”
ບັນດານາຍົກລັດຖະມົນຕີ ຈາກເຂດທະເລ Baltic ທີ່ນະຄອນຫລວງ Tillinn ຂອງ
ແອັສໂທເນຍກໍໄດ້ສະແດງຄວາມຍິນດີກັບໄຊຊະນະຂອງທ່ານ Macron.
ທ່ານ Saulius Skvernelis ນາຍົກລັດຖະມົນຕີ Lithuania ຊີ້ແຈງວ່າ “ຜົນການ
ເລືອກຕັ້ງໃນຝຣັ່ງ ສະແດງໃຫ້ເຫັນວ່າຢູໂຣບທີ່ເປັນເອກກະພາບ ຢູໂຣບທີ່ພັດທະນາ
ຢູໂຣບທີ່ປອດໄພ ແມ່ນອີງຕາມຫຼັກຄຸນຄ່າ ອີງຕາມສິດທິມະນຸດນັ້ນ ແມ່ນມີອະນາຄົດ.”
