ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ບັນດາຜູ້ນຳຢູໂຣບ ສະແດງ ຄວາມເສຍໃຈ ທີ່ອັງກິດ ເລືອກຖອນໂຕ ຈາກອີຢູ


Ribuan burung jalak terbang berkelompok sambil bersuara riuh di atas kota Milan, Italia.
Ribuan burung jalak terbang berkelompok sambil bersuara riuh di atas kota Milan, Italia.

ປະຊາຊົນ​ອັງກິດ​ໃນ​ວັນ​ສຸກ​ມື້​ນີ້ ​ໄດ້​ປ່ອນ​ບັດ​ດ້ວຍ​ຄະ​ແນນ​ສຽງ​ທີ່ ​ໃກ້​ຄຽງ​ກັນ ເພື່ອ​ຖອນ​ໂຕ ອອກ​ຈາກ​ສະຫະພາບ​ຢູ​ໂຣບຫຼືອີຢູ ຊຶ່ງ​ເປັນການ​ເຄື່ອນໄຫວ​ທີ່​ບັນດາ​ຜູ້ນຳ​ຢູ​ໂຣບຈຳ ນວນ​ນຶ່ງ​ກ່າວ​ວ່າ​ເປັນ​ຄວາມຜິດ​ພາດທີ່​ຮ້າຍ​ແຮງ.

ປະທານ​ສະພາ​ຢູ​ໂຣບ ທ່ານ Donald Tusk ກ່າວ​ວ່າ ອັງກິດ​ໄດ້​ທຳ​ຄວາມ​ຜິດ​ພາດ​ ໃນ​ການຖອນ​ໂຕ​ອອກຈາກ​ສະຫະພາບຢູ​ໂຣບຊຶ່ງ​ເປັນ​ຕະຫລາດນຶ່ງ​ດຽວ​ທີ່ໃຫຍ່​ສຸດ​ໃນ​ໂລກ. ທ່ານ​ກ່າວ​ວ່າ “ນັ້ນ​ຈະ​ມີ​ຜົນທີ່​ຕິດຕາ​ມມາ ​ແລະ​ຂ້າ​ພະເຈົ້າບໍ່​ເຊື່ອ​ວ່າ ບັນດາ​ປະ​ເທດ​ອຶ່ນໆ​ ຈະ​ໄດ້​ຮັບ​ການ​ຊຸກຍູ້ ​ໃຫ້​ຕິດ​ຕາມເສັ້ນທາງ​ທີ່​ເປັນ​ ​ອັນ​ຕະລາຍນີ້.”

​ເລຂາທິການ​ໃຫຍ່​ອົງການ NATO ທ່ານ Jens Stoltenberg ກ່າວ​ວ່າ ທ່ານ​ຮູ້​ວ່າອັງກິດ “ຍັງຈະ​ດຳ​ເນີນ​ການ​ຢ່າງ​ເຂັ້ມແຂງແລະ​ໝັ້ນ​ໝາຍຕໍ່​ການ​ເປັນ​ພັນທະ ມິດຂອງ​ອົງການ NATO ​ແລະ​ຈະ​ສືບ​ຕໍ່​ຫລິ້ນ​ບົດບາດ​ໃນ​ການ​ເປັນ​ຜູ້ນຳ” ຢູ່​ໃນ​ກຸ່ມພັນທະ​ມິດໃນອັນ​ທີ່​ທ່ານ​ຮ້ອງ​ຢູ່່​ໃນ​ຖະ​ແຫລ​ງການ​ວ່າ “ຍັງ​ມີຄວາມ​ໝັ້ນ​ໝາຍ​ຕໍ່ການ​ຮ່ວມ​ມືຢ່າງ​ໃກ້ຊິດ​ກັບ​ສະຫະພາບ​ຢູ​ໂຣບ.”

ປະທານາທິບໍດີ​ຝຣັ່ງ ທ່ານ Francois Hollande ກ່າວ​ວ່າ ທ່ານຮູ້ສຶກ​ເສຍ​ໃຈ​ທີ່​ສຸດ​ໃນ​ການ​ຕັດສິນ​ໃຈ​ຂອງ​ອັງກິດ “​ແລະ​ເພື່ອ​ສະຫະພາບ​ຢູ​ໂຣບ ​ແຕ່​ວ່າ​ທາງ​ເລືອກ​ເປັນ​ຂອງ​ເຂົາ​ເຈົ້າ ​ແລະ​ພວກ​ເຮົາ​ຕ້ອງໃຫ້ການ​ນັບຖື."

ຢູ່​ໃນ​ຂໍ້ຄວາມ​ທີ່​ມີ​ການ​ສົ່ງ​ຜ່ານ​ທາງບັນຊີ Twitter ນັ້ນຮອງ​ນາຍົກລັດຖະມົນຕີ ​ເຢຍຣະມັນ ທ່ານ Sigma Gabriel ​ໄດ້​ບັນ​ລະ​ຍາຍເຖິງການ​ລົງ​ຄະ​ແນນ​ສຽງ​ນີ້ວ່າ ເປັນ “​ມື້​ທີ່​ບໍ່​ດີ​ສຳລັບ​ສະຫະພາບ​ຢູ​ໂຣບ.”

ລັດຖະມົນຕີ​ຕ່າງປະ​ເທດ​ຝຣັ່ງ ທ່ານ Jean-Marc Ayrault ​ໄດ້​ຂຽນ​ຜ່ານ​ທາງTwitter ​ໃນ​ຂໍ້ຄວາ​ມທີ່​ຄ້າຍ​ຄື​ກັນ ​ເພື່ອ​ລະບາຍ​ເຖິງ​ຄວາມ​ບໍ່ພໍ​ໃຈ​ກັບ​ການ​ປ່ອນ​ບັດ ​ໂດຍ​ກ່າວ​ວ່າ ທ່ານ “ຮູ້ສຶກ​ເສຍ​ໃຈ​ຕໍ່​ສະຫະ​ຣາຊະ​ອານາຈັກອັງກິດ.”

ທ່ານ Ayrault ກ່າວ​ວ່າ “ຢູ​ໂຣບຈະ​ດຳ​ເນີນຕໍ່​ໄປ ​ແຕ່​ວ່າ​ຕ້ອງ​ມີ​ປະຕິ​ກິລິຍາ ​ແລະ​ຄົ້ນ​ພົບ​ໃໝ່​ຂອງ​ຄວາມ​ໝັ້ນ​ໃຈ​ກັບ​ປະຊາຊົນຂອງ​ຕົນ. ມັນ​ເປັນ​ເລື້ອງ​ຮີ​ບຮ້ອນ.”

ບັນດາຜູ້ສະໜັບສະໜູນ ສະແດງປະຕິກິລິຍາ ຕໍ່ຜົນຂອງການລົງປະຊາມະຕິ ທີ່ Royal Festival Hall ໃນນະຄອນ London ປະເທດອັງກິດ.
ບັນດາຜູ້ສະໜັບສະໜູນ ສະແດງປະຕິກິລິຍາ ຕໍ່ຜົນຂອງການລົງປະຊາມະຕິ ທີ່ Royal Festival Hall ໃນນະຄອນ London ປະເທດອັງກິດ.

ຫລາຍ​ກວ່າ 70 ​ເປີ​ເຊັນ​ຂອງ​ຜູ້​ລົງ​ທະບຽນ​ປ່ອນ​ບັດ ​ໄດ້​ເຂົ້າ​ຮ່ວມ​ໃນ​ການ​ລົງ​ປະຊາ​ມະ​ຕິ
ຄັ້ງບນີ້ ທີ່ມີ​ຄະ​ແນນ​ລື່ນ​ກັນ​ເກືອບ​ສີ່​ເປີ​ເຊັນ. ການ​ລົງ​ປະຊາ​ມະ​ຕິຊຶ່ງ​ພວກ​ສະໜັບສະໜຸນ
ໃຫ້​ຖອນ​ໂຕ​ຫລາຍໆ​ຄົນມອງ​ກັນ​ວ່າ ​ເປັນ​ການສະທ້ອນ​ເຖິງຄວາມ​ຮູ້ສຶກ​ຂອງອັງ​ກິດ ​ກ່ຽວ​ກັບເລື້ອງຄົນ​ເຂົ້າ​ເມືອງ ອະທິປະ​ໄຕ ຄວາມ​ໝັ້ນຄົງ ​ແລະ​ເສດຖະກິດຂອງອັງກິດ​ໃນ​ອະນາ​ຄົດ.

ທ່ານ Donald Trump ຜູ້​ທີ່​ຄາດວ່າ ຈະ​ຖືກສະ​ເໜີຊື່​ແຕ່ງຕັ້ງ​ໃຫ້​ເປັນ​ຜູ້​ສະໝັກປະທານາ
ທິບໍດີສະຫະລັດ ຂອງພັກຣີພັບບລິ​ກັນ ​ໄດ້​ຊົມ​ເຊີຍ​ການ​ການ​ຕັດສິນ​ໃຈຖອນ​ໂຕ​ອອກ​ຈາກ​ສະຫະພາບ​ຢູ​ໂຣບ ​ໂດຍຮ້ອງ​ການ​ລົງ​ຄະ​ແນນ​ສຽງ​ດັ່ງກ່າວ​ວ່າ ເປັນ​ການ ​“ໃຫ້ການເຂົ້າຄວບ​ຄຸມຄືນ​ໃໝ່​ໃນ​ດ້ານການ​ເມືອງ ຊາຍ​ແດນ ​ແລະ​ເສດຖະກິດ​ຂອງ​ເຂົາ​ເຈົ້າ.”

Britain’s Vote to Leave EU Sends Shockwaves Through Global Markets
please wait

No media source currently available

0:00 0:01:24 0:00

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG