ລິ້ງ ສຳຫລັບເຂົ້າຫາ

ວັນອາທິດ, ໐໓ ມີນາ ໒໐໒໔

50 ກວ່າຄົນເສຍຊີວິດ ແລະຫລາຍ 100 ບາດເຈັບ ຍ້ອນອາກາດໜາວສຸດຂີດ ໃນຢູໂຣບ (ເບິ່ງວີດີໂອ)


ສະພາບດິນຟ້າອາກາດໜາວຈັດແລະຫິມະຕົກໜັກ ຢູ່ໃນເຂດນະຄອນຫລວງບູກາເເຣສຕ໌ (Bucharest), ປະເທດໂຣເມເນຍ (Romania), ວັນທີ 26 ມັງກອນ 2012.
ສະພາບດິນຟ້າອາກາດໜາວຈັດແລະຫິມະຕົກໜັກ ຢູ່ໃນເຂດນະຄອນຫລວງບູກາເເຣສຕ໌ (Bucharest), ປະເທດໂຣເມເນຍ (Romania), ວັນທີ 26 ມັງກອນ 2012.

ສະພາບ​ອາກາດ​ໜາວ ​ທີ່​ປົກ​ຄຸມສ່ວນໃຫຍ່​ໃນ​ພາກ​ຕາ​ເວັນ​ອອກ​ແລະ​ພາກ​ກາງຂອງ​ຢູ​ໂຣບ ​ໄດ້​ເຮັດ​ໃຫ້​ປະຊາຊົນ​ເສຍ​ຊີວິດ​ໄປ​ແລ້ວ​ຫລາຍ ກວ່າ 50 ຄົນ​ໃນ​ໄລຍະ 5 ມື້​ຜ່ານ​ມາ​ນີ້.

ບັນດາ​ເຈົ້າ​ໜ້າ​ທີ່​ຮັບ​ມື​ກັບ​ໄພ​ສຸກ​ເສິນ​ໃນ​ປະ​ເທດ Ukrain ກ່າວ​ວ່າ ​ໃນ​ວັນ​ອັງຄານ​ວານ​ນີ້ ປະຊາຊົນ 30 ຄົນ​ ສ່ວນ​ຫລາຍ​ແມ່ນ​ພວກ​ທີ່ບໍ່​ມີ​ທີ່ ພັກພາ​ອາ​ໄສ​ໄດ້​ເສຍ​ຊີວິດ​ໄປ ​ເນື່ອງ​ຈາກ​ອາກາດ​ໜາວ​ໃນ​ຫວ່າງ​ບໍ່​ເທົ່າ ​ໃດມື້​ຜ່ານ​ມາ​ນີ້.

ທາງ​ການ​ຢູ​ເກຣນ ກ່າວ​ວ່າ ປະຊາຊົນ​ຕື່ມ​ອີກ 500 ຄົນ​ໄດ້​ຮັບ​ການ​ປິ່ນ ປົວ​ທີ່​ໂຮງໝໍ​ແຫ່ງ​ຕ່າງໆ​ຈາກ​ອາກາດ​ໜາວ​ເຢັນຈັດ ​ແລະ​ບາດ​ເຈັບ​ທີ່​ພົວພັນ​ກັບ​ອາກາດ​ໜາວ​ອື່ນໆ. ພວກ​ພະນັກງານຮັບ​ມື​ກັບ​ໄພສຸກ​ເສີນ​ໄດ້​ແຈກ​ຢາຍ​ຜ້າ​ຕັ້ງ​ທີ​ບັນຈຸ​ອາຍ​ອຸ່ນ​ຫລາຍ​ຮ້ອຍ​ຜືນແລະ​ເຂົ້າປາ​ອາຫານ ໃຫ້​ແກ່​ພວກ​ທີ່​ໄດ້​ຮັບ​ຜົນ​ກະທົບ​ຈາກ​ດິນ​ຟ້າ​ອາກາດ​ໜາວຊຶ່ງ​ຫຸນ​ຫະພູມ​ ຂອງ​ອາກາດ​ລົດ​ລົງ​ເຖິງລົບ 23 ອົງສາ Celsius.

ໃນ​ຂະນະ​ດຽວ​ກັນ ບັນດາ​ເຈົ້າ​ໜ້າ​ທີ່​ໃນ Poland ​ແຈ້ງ​ໃຫ້​ຊາບ​ວ່າ​ມີຜູ້​ເສຍ​ຊີວິດ​ໃໝ່ໆ​ຕື່ມ​ອີກ 5 ຄົນ​ໃນ​ວັນ​ອັງ​ຄານວານ​ນີ້ ​ເຮັດ​ໃຫ້​ຈໍານວນ ຜູ້​ເສຍ​ຊີວິດ​ທັງ​ໝົດ​ເພີ່ມ​ຂຶ້ນ​ເປັນ 15 ຄົນ ​ໃນ​ຂະນະ​ທີ່​ອຸນຫະພູມ​ຂອງ​ອາກາດ​ໃນ​ຄືນ​ຜ່ານ​ມາ​ນີ້ ລົດ​ລົງ​ສູ່ລົບ 30 ອົງສາ Celsius ​ໃນ​ຫລາຍ​ພາກສ່ວນ​ຂອງ​ປະ​ເທດ.

ທີ່​ໂຣມາ​ເນຍ ກະຊວງ​ສາທາລະນະ​ສຸກກ່າວ​ວ່າ ປະຊາຊົນ 2 ຄົນ​ເສຍ​ຊີວິດ ​ເນື່ອງ​ຈາກອາກາດໜາວ ​ເຮັດ​ໃຫ້​ຈໍານວນ​ຜູ້​ເສຍ​ຊີວິດເພີ່ມ​ຂຶ້ນ​ເປັນ 8 ຄົນ​ນັບ​ແຕ່​ປະ​ເຊີນ​ກັບ​ອາກາດ​ໜາວ​ທີ່​ເລີ່​ມຂຶ້ນ​ໃນ​ສັບປະດາ​ ຜ່ານ​ມາ​ນີ້.

ສະພາບອາກາດ​ໜາວ​ເຢັນທີ່​ເປັນ​ນໍ້າກ້ອນ ​ໄດ້​ເຮັດ​ໃຫ້​ປະຊາຊົນ​ໃນ​ຢູ​ໂຣບຫລາຍ​ຄົນ​ມີ​ຄວາມ​ປະຫຼາດ​ໃຈ ​ໃນ​ຂະນະ​ທີ່ລະດູ​ໜາວໃນ​ປີນີ້​ມີ​ອາກາດ​ອຸ່ນຜິດ​ປົກກະຕິ​ຄື​ກັນ​ກັບ​ລະດູບາ​ນ​ໃໝ່​ໃນ​ຫລາຍ​ຫົວ​ເມືອງ​ນັ້ນ.

XS
SM
MD
LG