ລິ້ງ ສຳຫລັບເຂົ້າຫາ

ຜູ້ນຳຂອງກຣີສ ພົບປະກັບ ປະທານາທິບໍດີຝຣັ່ງ

  • ໄພສານ ວໍຣະຈັກ

ເຈົ້າໜ້າທີ່ຄະນະກຳມາທິການຢູໂຣບ ທ່ານ Matthias Mors (ກາງ) ແລະເຈົ້າໜ້າທີ່ອົງການກອງທຶນສາກົນ IMF (ຂວາ) ລຸນຫຼັງພົບປະກັບລັດຖະມົນຕີການເງິນຂອງກຣີສ ທ່ານ Evangelos Venizelos ທີ່ນະຄອນ ຫຼວງເອເທັນ (30 ກັນຍາ 2011)

ນາຍົກລັດຖະມົນຕີກຣີສທ່ານ George Papandreou ມີແຜນການທີ່ຈະພົບປະກັບປະທາ
ນາທິບໍດີຝຣັ່ງທ່ານ Nicolas Sarkozy ທີ່ກຸງປາຣີໃນວັນສຸກມື້ນີ້ເພື່ອເຈລະຈາຫາລືກ່ຽວກັບ ວິກິດການທາງດ້ານການເງິນຂອງກຣີສ.

ການພົບປະທີ່ວ່ານີ້ມີຂຶ້ນຂະນະທີ່ຜູ້ກວດສອບບັນຊີຈາກອົງການກອງທຶນສາກົນ IMF ທະນາ
ຄານກາງຂອງຢູໂຣບແລະສະຫະພາບຢູໂຣບກຳລັງຢູ່ທີ່ນະຄອນຫຼວງເອເທັນ ເພື່ອສຶກສາເບິ່ງ ການດຳເນີນຄວາມພະຍາຍາມຂອງກຣີສ ທີ່ຈະຫຼຸດຜ່ອນການເປັນໜີ້ສິນ ຈຳນວນມະຫາສານ
ລົງ. ຄະນະກວດກາທີ່ວ່ານີ້ ຈະສະເໜີແນະວ່າກຣີສ ຄວນຈະໄດ້ຮັບງວດຕໍ່ໄປຫຼືບໍ່ ຂອງເງິນ
ຊ່ອຍເຫຼືອມູນຄ່າ 159 ພັນລ້ານໂດລາ ທີ່ໄດ້ມີການອະນຸມັດໃນປີກາຍ.

ໃນວັນພະຫັດວານນີ້ສະມາຊິກສະພາຂອງເຢຍຣະມັນໄດ້ໃຫ້ການອະນຸມັດຕໍ່ຮ່າງກົດໝາຍສະ
ບັບນຶ່ງ ເພື່ອເພີ່ມຈຳນວນເງິນຊ່ອຍເຫຼືອຂອງຢູໂຣບຂຶ້ນເປັນ 593 ພັນລ້ານໂດລາເພື່ອຊ່ອຍ
ບັນດາປະເທດທີ່ໃຊ້ເງິນຢູໂຣທີ່ພວມປະສົບກັບບັນຫານັ້ນ.

ໂຕເລກ 593 ພັນລ້ານໂດລານີ້ ແມ່ນໄດ້ມີການຕົກລົງກັນ ໂດຍພວກຜູ້ນຳຂອງຢູໂຣບເມື່ອ
ສອງເດືອນກ່ອນ. ຟິນແລນ ໄດ້ໃຫ້ການອະນຸມັດ ຕໍ່ການເພີ່ມຂຶ້ນດັ່ງກ່າວໃນມື້ວັນພຸດແລ້ວ.
ສ່ວນອີກ 6 ປະເທດຍັງບໍ່ທັນໃຫ້ສັດຕະຍາບັນເທື່ອ.

XS
SM
MD
LG