ກຣີສໄດ້ສະແດງອອກຊຶ່ງຄວາມໂລ່ງໃຈ ລຸນຫຼັງທີ່ໄດ້ຮັບການໃຫ້ຄວາມຊ່ອຍເຫຼືອສຸກເສີນ
ທາງດ້ານການເງິນຮອບທີ 2 ຈາກສະຫະພາບຢູໂຣບທີ່ແນໃສ່ເພື່ອປ້ອງກັນບໍ່ໃຫ້ກຣີສຜິດ
ສັນຍາ ໃນການຈ່າຍໜີ້ສິນຂະໜາດໃຫຍ່ຂອງຫຼວງແລະສ້າງຄວາມທຸ່ນທ່ຽງໃຫ້ແກ່ເງິນຕາ
ຮ່ວມຂອງຢູໂຣບ.
ສະຫະພາບຢູໂຣບແລະອົງການກອງທຶນສາກົນ IMF ໄດ້ບັນລຸການຕົກລົງກັນໃນວັນພະ
ຫັດວານນີ້ ທີ່ນະຄອນ Brussels ເພື່ອຊ່ອຍກອບກູ້ເສດຖະກິດຂອງກຣີສ ອີກຮອບນຶ່ງ
ປະມານ 155 ພັນລ້ານໂດລາ. ນອກນັ້ນແລ້ວກຣີສຍັງສາມາດທຳການກູ້ຢືມດ້ວຍຄວາມ
ສະມັກໃຈເພີ່ມຕື່ມ ຈາກພາກສ່ວນເອກກະຊົນເພື່ອຊ່ອຍປົກຄຸມຊ່ອງຫວ່າງທາງດ້ານການ
ເງິນ.
ປະທານຂອງສະຫະພາບຢູໂຣບ ທ່ານ Herman van Rompuy ແລະທ່ານ Jose
Manuel Barroso ປະທານກຳມາທິການຢູໂຣບ ຊຶ່ງເປັນຄະນະບໍລິຫານຂອງສະຫະ
ພາບຢູໂຣບນັ້ນກ່າວວ່າ ພວກທີ່ເຂົ້າຮ່ວມໄດ້ໃຫ້ການສະໜັບສະໜຸນ ຢ່າງເປັນເອກກະ
ສັນຕໍ່ແຜນການໃຫ້ຄວາມຊ່ອຍເຫຼືອທີ່ພວກທ່ານບັນຍາຍວ່າ ເປັນແຜນການ Marshall
ສຳລັບກຣີສ ເພື່ອຄໍ້າປະກັນກ່ຽວກັບເລື່ອງໜີ້ສິນ ແລະປ້ອງກັນບໍ່ໃຫ້ວິກິດການ ແຜ່ລາມ
ອອກໄປ.
ລັດຖະມົນຕີກະຊວງການເງິນຂອງກຣີສທ່ານ Evangelos Venizelos ກ່າວວ່າ ແຜນ
ການຊ່ອຍເຫຼືອທີ່ວ່ານີ້ແມ່ນໄດ້ຊ່ອຍບັນເທົາຢ່າງໃຫຍ່ຕໍ່ເສດຖະກິດຂອງກຣີສຊຶ່ງຈະຄ່ອຍໆ
ໃຫ້ຜົນ ແກ່ເສດຖະກິດທີ່ແທ້ຈິງນັ້ນ. ແຕ່ທ່ານ Venize los ກ່າວຕື່ມວ່າກຣີສຈະບໍ່ຜ່ອນ
ຜັນໃນການດຳເນີນຄວາມພະຍາຍາມເພື່ອລຶບລ້າງໜີ້ສິນຂອງຕົນນັ້ນ.
