ລິ້ງ ສຳຫລັບເຂົ້າຫາ

ວັນອາທິດ, ໐໓ ມີນາ ໒໐໒໔

ອີຢູ ຕົກລົງກັນບໍ່ໄດ້ ກ່ຽວກັບການປ່ຽນແປງ ສົນທິສັນຍາ (ເບິ່ງວີດີໂອ)


ຜູ້ນຳລັດຖະບານຂອງສະຫະພາບຢູໂຣບ ຖ່າຍຮ່ວມຮ່ວມກັນ ທີ່ກອງປະຊຸມສຸດຍອດອີຢູ ຢູ່ນະຄອນ Brussels (9 ທັນວາ 2011)
ຜູ້ນຳລັດຖະບານຂອງສະຫະພາບຢູໂຣບ ຖ່າຍຮ່ວມຮ່ວມກັນ ທີ່ກອງປະຊຸມສຸດຍອດອີຢູ ຢູ່ນະຄອນ Brussels (9 ທັນວາ 2011)

ສະຫະພາບຢູໂຣບທີ່ມີສະມາຊິກ 27 ປະເທດບໍ່ສາມາດຕົກລົງກັນໄດ້ກ່ຽວກັບການປ່ຽນແປງ
ໃນສົນທິສັນຍາຂອງສະຫະພາບຢູໂຣບທີ່ຈະບັງຄັບໃຫ້ມີກົດລະບຽບເຄັ່ງຄັດກວ່າເກົ່າໃນດ້ານ
ນະໂຍບາຍງົບປະມານແຫ່ງຊາດນັ້ນ.

ເຈົ້າໜ້າທີ່ເວົ້າວ່າ ການຕົກລົງທີ່ພົວພັນກັບສະມາຊິກທັງ 27 ປະເທດໄດ້ແຕກຫັກລົງໃນວັນ
ສຸກມື້ນີ້ ຢູ່ທີ່ກອງປະຊຸມສຸດຍອດໃນນະຄອນ Brussels ຫຼັງຈາກນາຍົກລັດຖະມົນຕີອັງກິດ
ທ່ານ David Cameron ໄດ້ທວງໃຫ້ມີການຜ່ອນຜັນທີ່ເຢຍຣະມັນແລະຝຣັ່ງບໍ່ເຕັມໃຈທີ່ຈະ
ອ່ອນຂໍ້ໃຫ້ນັ້ນ.

ພວກນັກການທູດກ່າວວ່າ ອາດມີການຈັດຕັ້ງກຸ່ມໃໝ່ຂຶ້ນທີ່ພົວພັນກັບ 17 ປະເທດທີ່ໃຊ້ເງິນ
ຢູໂຣແລະປະເທດອື່ນໆອີກສາມາດເຂົ້າຮ່ວມກັບກຸ່ມດັ່ງກ່າວໄດ້.

ພວກເຈົ້າໜ້າທີ່ບາງຄົນກ່າວເຖິງກອງປະຊຸມສຸດຍອດຂອງສະຫະພາບຢູໂຣບວ່າເປັນໂອກາດ
ສຳລັບການປະເມີນຊັ່ງຊາກ່ຽວກັບເງິນຕາຮ່ວມ ທີ່ພວມຕົກຢູ່ໃນອັນຕະລາຍ ຍ້ອນວິກິດການ
ໜີ້ສິນ ທີ່ເພີ່ມທະວີຂຶ້ນຂອງຢູໂຣບ. ກອງປະຊຸມດັ່ງກ່າວ ໄດ້ໄຂຂຶ້ນໃນຕອນແລງຂອງວັນພະ
ຫັດໂດຍທີ່ພວກຜູ້ນຳຂອງປະເທດຕ່າງໆ ມີຄວາມເຫັນບໍ່ລົງຮອຍກັນກ່ຽວກັບວ່າ ຈະແກ້ໄຂ
ບັນຫາການແຜ່ລະບາດຂອງໜີ້ສິນ ເປັນເວລາ 2 ປີແນວໃດ ທີ່ຂົ່ມຂູ່ຕໍ່ສະຖຽນລະພາບຂອງ
ເສດຖະກິດໂລກ.

ຝຣັ່ງແລະເຢຍຣະມັນ ຕ້ອງການຢາກໃຫ້ມີການປ່ຽນແປງໃນສົນທິສັນຍາຂອງສະຫະພາບຢູ
ໂຣບໂດຍຈັດຕັ້ງຂໍ້ມາດຕາກ່ຽວກັບການລົງໂທດ ສຳລັບບັນດາປະເທດທີ່ໃຊ້ຈ່າຍງົບປະມານ
ເກີນຂອບເຂດ. ນອກນັ້ນ ປະເທດທັງສອງ ຍັງຕ້ອງການຢາກໃຫ້ມີການສ້າງຕັ້ງອັດຕາການ
ເກັບພາສີບໍລິສັດແບບດຽວກັນແລະການເກັບພາສີໃໝ່ໃນການໂອນເງິນ. ແຕ່ປະເທດອັງກິດ
ທີ່ບໍ່ໄດ້ໃຊ້ເງິນຢູໂຣນັ້ນໄດ້ສະແດງຄວາມວິຕົກກັງວົນວ່າແຜນການດັ່ງກ່າວນີ້ອາດຈະບ່ອນທຳ
ລາຍຕໍ່ອະທິປະໄຕຂອງຕົນ.

ປະທານຄະນະກຳມາທິການຢູໂຣບທ່ານ Jose Manuel Barroso ໄດ້ຮຽກຮ້ອງໃຫ້ລັດ
ຖະບານແຫ່ງຊາດດຳເນີນການໂດຍເຫັນແກ່ຜົນປະໂຫຍດສ່ວນຮວມຂອງຢູໂຣບ.

ເບິ່ງວີດີໂອລາຍງານພາສາອັງກິດ ກ່ຽວກັບບັນຫາໜີ້ສິນຂອງອີຢູ:

ເສດຖະກິດຢູ່ໃນ 17 ປະເທດທີ່ໃຊ້ເງິນຢູໂຣບຕ່າງກໍໄດ້ຢຸດຊະງັກລົງໂດຍທີ່ພວກນັກວິເຄາະ
ບາງຄົນເວົ້າວ່າໄດ້ຕົກຢູ່ໃນສະພາບຫຼຸດຖອຍແລ້ວນັ້ນ. ທະນາຄານກາງຂອງຢູໂຣບໄດ້ເອົາ ບາດກ້າວນຶ່ງກ່ອນໜ້າກອງປະຊຸມສຸດຍອດ ເພື່ອເສີມຂະຫຍາຍການໃຫ້ເງິນກູ້ຢືມຕັດອັດຕາ
ດອກເບ້ຍລົງ .25% ຊຶ່ງເປັນການຫຼຸດອັດຕາດອກເບ້ຍເທື່ອທີ 2 ພາຍໃນໄລຍະສອງເດືອນ.

ແຕ່ຮຸ້ນທີ່ຕະຫຼາດຊື້ຂາຍຮຸ້ນຂອງຢູໂຣບ ແລະສະຫະລັດ ໄດ້ຕົກລາຄາຫຼັງຈາກປະທານຂອງ
ທະນາຄານທ່ານ Mario Draghi ໄດ້ລົດການຄາດຄະເນທີ່ວ່າທະນາຄານກາງອາດຈະເພີ່ມ
ການຊື້ໜີ້ສິນຂອງລັດຖະບານຢູໂຣບ ໃນຖານະທີ່ເປັນພາກສ່ວນນຶ່ງ ເພື່ອຕັດຕົ້ນທຶນໃນການ
ກູ້ຢືມລົງ. ເຈົ້າໜ້າທີ່ກຳກັບນຳລະບຽບຄົນນຶ່ງ ຂອງສະຫະພາບຢູໂຣບກ່າວວ່າ ທະນາຄານ
ຂອງຢູໂຣບຈຳເປັນຕ້ອງໄດ້ຊອກຫາເງິນເກືອບ 154 ພັນລ້ານໂດລາເພື່ອນຳມາຖົມຂຸມການ
ສູນເສຍທີ່ອາດມີຂຶ້ນຂອງລັດຖະບານໃນຕະຫຼາດຫຼັກຊັບ.

ປະທານາທິບໍດີຝຣັ່ງທ່ານ Nicolas Sarkozy ໄດ້ເຕືອນກ່ຽວກັບຜົນທີ່ຈະຕິດຕາມມາຢ່າງ
ຮ້າຍແຮງ ຖ້າຫາກບໍ່ບັນລຸການຕົກລົງກັນພາຍໃນວັນສຸກມື້ນີ້ໂດຍຮຽກຮ້ອງໃຫ້ມີຈິດໃຈແຫ່ງ
ຄວາມປະນີປະນອມແລະການຕັດສິນໃຈຢ່າງວ່ອງໄວ.

XS
SM
MD
LG