ນາຍົກລັດຖະມຸນຕີປະເທດເກຣັກ ຫລືກຣີສ ກ່າວວ່າ ລັດຖະບານຂອງທ່ານໄດ້ບັນລຸຂໍ້ຕົກລົງກັບສະຫະພາບຢູໂຣບ ແລະກອງທຶນສາກົນກ່ຽວກັບໂຄງການຊ່ອຍກູ້ເສດຖະກິດຂອງເກຣັກ ມູນຄ່າ 160 ພັນລ້ານ ດອນລາ. ທ່ານ George Papandreou ນາຍົກລັດຖະມຸນຕີເກຣັກ ກ່າວໃນວັນ ອາທິດມື້ນີ້ວ່າ ເງິນກ້ອນນີ້ແມ່ນຈຳເປັນ ເພື່ອຊ່ອຍປະເທດເກຣັກຫລີກລ່ຽງຈາກການລົ້ມລະລາຍ ແລະວ່າປະເທດຊາດຈະຕ້ອງເຕັມໃຈທ່ີຈະ ທຳການເສຍສະລະຢ່າງໃຫຍ່.
ໃນວັນເສົາວານນີ້ ປະຊາຊົນຫລາຍພັນຄົນໄດ້ພາກັນໂຮມຊຸມນຸມຢູ່ນະຄອນຫລວງ Athens ຕໍ່ຕ້ານແຜນການຂອງລັດຖະບານທ່ີຈະຕັດງົບ
ປະມານລົງຢ່າງຫລວງຫລາຍນັ້ນ. ພວກປະທ້ວງທຳການໂຈມຕີລົດຕຳຫລວດດ້ວຍໄມ້ຄ້ອນ ແລະແກວ່ງ ລະເບີດໄຟໃນເມືອງຫລວງຂອງເກຣັກ
ໃນວັນກັມມະກອນສາກົນ ຫລື May Day ວັນທີ 1 ພຶດສະພາວານນີ້. ຕຳຫລວດໄດ້ຍິງແກສນ້ຳຕາ ໃສ່ພວກໂຮມຊຸມນຸມ ເພື່ອໃຫ້ເຂົາເຈົ້າແຕກ
ໜີໄປ.
ວັນຈັນ, ໐໙ ທັນວາ ໒໐໒໔
