ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ຢູ່ໂຣບ ທຳການຫັນກັບຫຼັງ ແລະ ວາງມາດຕະການຫ້າມ ໃນລະຫວ່າງວັນພັກ ຄຣິສມັສ


ຜູ້ຊາຍຄົນນຶ່ງຍ່າງຜ່ານນໍ້າພຸແສງໄຟ ຢູ່ຕໍ່ໜ້າໂຮງລະຄອນເກົ່າໃນເມືອງ ແຟຣັງເຝີດ, ປະເທດ ເຢຍຣະມັນ. 10 ທັນວາ, 2020.
ຜູ້ຊາຍຄົນນຶ່ງຍ່າງຜ່ານນໍ້າພຸແສງໄຟ ຢູ່ຕໍ່ໜ້າໂຮງລະຄອນເກົ່າໃນເມືອງ ແຟຣັງເຝີດ, ປະເທດ ເຢຍຣະມັນ. 10 ທັນວາ, 2020.

ນາຍົກລັດຖະມົນຕີ ເຢຍຣະມັນ ທ່ານນາງ ແອນເຈີລາ ເມີໂກລ໌ ໄດ້ອອກຄຳສັ່ງກັກບໍລິເວນວັນ ຄຣິສມັສ ທ່າມກາງການເພີ່ມຂຶ້ນໃນກໍລະນີໄວຣັສໂຄຣນາຢ່າງໜ້າຕົກໃຈໃນປະເທດດັ່ງກ່າວ.

ພາຍໃຕ້ມາດຕະການສຸກເສີນໃໝ່ນີ້, ເຊິ່ງຈະແກ່ຍາວໄປຈາກວັນທີ 16 ທັນວາ ຈົນຮອດວັນທີ 10 ມັງກອນນັ້ນ, ໂຮງຮຽນທຸກແຫ່ງ ແລະ ຮ້ານຂາຍເຄື່ອງທີ່ບໍ່ຈຳເປັນໃນທົ່ວປະເທດ ແມ່ນຕ້ອງປິດ ແລະ ຮ້ານກິນດື່ມ ແລະ ຮ້ານອາຫານແມ່ນຈະປິດຢູ່ຄືເກົ່າ.

ໃນຄວາມພະຍາຍາມທີ່ຈະຍັບຢັ້ງການເຕົ້າໂຮມກັນໃນລະຫວ່າງ ໄລຍະດັ່ງກ່າວ, ການຂາຍດອກ ໄມ້ໄຟແມ່ນຖືກຫ້າມ ແລະ ການດື່ມເຫຼົ້າໃນສະຖານທີ່ສາທາລະນະກໍເຊັ່ນກັນ. ສິ່ງດຽວທີ່ໄດ້ຮັບອະນຸຍາດສຳລັບວັນ ຄຣິສມັສ ກໍແມ່ນ 10 ຄົນ ຈະຖືກອະນຸຍາດໃຫ້ພົບປະກັນຢູ່ໃນຮົ່ມ, ເຊິ່ງປັດຈຸ ບັນນີ້ແມ່ນ 5 ຄົນຈາກ 2 ຄົວເຮືອນທີ່ແຕກກຕ່າງກັນແມ່ນໄດ້ຮັບອະນຸຍາດໃຫ້ເຕົ້າໂຮມກັນຢູ່ໃນເຮືອນ.

ງານທາງສາສະໜາຕ່າງໆໃນໂບດ, ໂບດສາສະໜາຢິວ ແລະ ວັດອິສລາມ ສາມາດດຳເນີນກິດຈະ ການໄດ້, ຖ້າມີການໃຊ້ກົດລະບຽບດ້ານສຸຂະອະນາໄມທີ່ເຄັ່ງຄັດ, ແຕ່ການຮ້ອງເພງສູດມົນແມ່ນຖືກຫ້າມ.

ທ່ານນາງ ເມີໂກລ໌ ໄດ້ກ່າວຕໍ່ບັນດານັກຂ່າວໃນນະຄອນຫຼວງ ເບີລິນ ຫຼັງຈາກໄດ້ປະຊຸມກັບບັນດາຜູ້ນຳລັດຖະບານກາງ ແລະ ລັດວ່າ “ຂ້າພະເຈົ້າກໍຢາກຈະອອກມາດຕະການທີ່ເບົາກວ່ານີ້. ແຕ່ຍ້ອນການຊື້ເຄື່ອງຂອງວັນ ຄຣິສມັສ ນັ້ນ, ຕົວເລກການສຳພັດກັນໃນສັງຄົມແມ່ນໄດ້ເພີ່ມຂຶ້ນຢ່າງຫຼວງຫຼາຍ.” ທ່ານນາງກ່າວຕື່ມວ່າ “ມັນຕ້ອງໄດ້ມີການດຳເນີນການຢ່າງຮີບດ່ວນ.”

ອັດຕາການຕິດເຊື້ອໄດ້ເພີ່ມຂຶ້ນສູ່ລະດັບທີ່ສູງເປັນປະຫວັດການຢູ່ໃນປະເທດ ເຢຍຣະມັນ ໃນສອງສາມວັນທີ່ຜ່ານມາ ແລະ ປະເທດດັ່ງກ່າວມີກໍລະນີທີ່ສູງທີ່ສຸດເປັນອັນ ດັບທີ 12 ໃນໂລກ.

ຫຼາຍກວ່າ 20,000 ກໍລະນີໄດ້ຖືກລາຍງານໂດຍບັນດາເຈົ້າໜ້າທີ່ໃນວັນອາທິດວານນີ້, ເຮັດໃຫ້ປະເທດມີທັງໝົດ 1,320,716 ກໍລະນີ ແລະ ປະຊາຊົນ ເຢຍຣະມັນ 21,787 ຄົນໄດ້ເສຍຊີວິດຍ້ອນ COVID-19 ເຊິ່ງແມ່ນໂຣກທີ່ມີສາເຫດມາຈາກໄວຣັສໂຄໂຣນາ. ຂະໜາດຂອງໜ່ວຍສຸກ ເສີນຂອງປະເທດແມ່ນ ຢູ່ໃນລະດັບທີ່ໜ້າເປັນຫ່ວງ ແລະ ບັນດາແພດໝໍເວົ້າວ່າ ມີຕຽງໃນຫ້ອງສຸກເສີນພຽງ 5 ຫາ 10 ເປີເຊັນເທົ່ານັ້ນທີ່ຍັງເຫຼືອຢູ່ໃນບາງພາກສ່ວນຂອງປະເທດ.

ອ່ານຂ່າວນີ້ເປັນພາສາອັງກິດ

XS
SM
MD
LG