ບັນດາລັດຖະມົນຕີການເງິນຂອງປະເທດທີ່ໃຊ້ເງິນຢູໂຣ ໄດ້ຕົກລົງໃຫ້ການຊ່ວຍ ເຫຼືອແກ່
ທະນາຄານທີ່ພົວປະສົບບັນຫາຂອງສະເປນ 37 ພັນລ້ານໂດລາ.
ປະທານຂອງບັນດາປະເທດທີ່ໃຊ້ເງິນຢູໂຣ ທ່ານ Jean-Claude Junker ກ່າວໃນວັນອັງ
ຄານມື້ນີ້ວ່າ ເງິນຈໍານວນດັ່ງກ່າວຄວນຈະໄດ້ຮັບໃນທ້າຍເດືອນ ຊຶ່ງໃນເວລານີ້ກຳລັງລໍຖ້າ
ການອະນຸມັດຢູ່.
ສະເປນໄດ້ຂໍຮ້ອງ $125 ພັນລ້ານໂດລາ ເພື່ອເປັນການຊ່ວຍເຫລືອ ໃນຂະນະທີ່ຕົ້ນທຶນ
ຂອງການຢືມໄດ້ຖີບໂຕສູງຂຶ້ນ. ບັນດາເຈົ້າໜ້າທີ່ ໄດ້ກ່າວໃນວັນອັງ ຄານນີ້ວ່າ ຈໍານວນ
ໃຫ້ການກູ້ຢືມທັງໝົດ ອາດຈະເຖິງລະດັບດັ່ງກ່າວ ແຕ່ວ່າຂໍ້ ຕົກລົງໃນການກູ້ຢືມ ບັງຄັບ
ໃຫ້ສະເປນ ຕ້ອງຈັດຕັ້ງປະຕິບັດການປະຕິຮູບດ້ານ ທະນາຄານ.
ນອກນັ້ນບັນດາລັດຖະມົນຕີຍັງໄດ້ຕົກລົງກັນໃຫ້ເວລາອີກປີນຶ່ງພິເສດແກ່ສະເປນ ຈົນເຖິງປີ
2014 ເພື່ອຕັດການຂາດດຸນງົບປະມານລົງຊຶ່ງສະຫະພາບຢູໂຣບໄດ້ ກໍາໜົດໄວ້ 3 ເປີເຊັນ.